Terethiinit 14:11 - ꞌBuuk cĩ Thõõth cĩ Nyekuci

¹¹ Má ala ẽẽtĩ umwaa nyaharahaak hĩ ꞌthooura cĩnnĩ nẽ ẽlẽm nyamacaarwa cĩg ꞌthaar cĩgĩnnĩg, accananni hatĩ nẽẽ baalin hĩ waathĩn. Nẽ ĩꞌngaathĩ hatĩ bũrrẽtĩ cĩ ꞌcannan cĩnnĩ ho, hũũk hẽẽtahujjieen ooo haaga nẽ hõllõngaa hatĩ iyyioman ꞌcannaana ũdũt.”

Terethiinit 14:11 ပူးပေါင်းရင်းမြစ်များ

ꞌThianaattõ 19:28

Ma baa acĩnoothi nẽẽ unak cĩ ꞌThõõdõmĩ hĩ cĩ ꞌGõmõõra ho, adtuuhothi hinnia bũrrẽt cobbi gẽrrẽẽt ĩꞌngaanna loota haau hĩ bũrrẽtĩ ꞌcĩ atũũth mõrõ.

Luugithõõ 15:18

Aggam hatĩ Makayyioohiti looc irkiꞌnyia hĩ irkiꞌnyia.”

Maatteeo 11:28

“Iita hĩ nganĩĩt niig vẽlẽk eeta ꞌcĩg ippiirriau dtiicanẽẽnnĩĩ ĩĩcĩg adĩddĩngĩĩ hĩ ngaatĩ irriongannu ijjio ꞌcĩg adĩddĩngĩĩ, haaꞌnyuung hatĩ naa nĩngĩtĩ iyyiomannu.

Maatteeo 25:41

“Nẽ aduhaak hatĩ habuui eet ꞌcĩg aattĩg ĩĩcĩ aꞌthiit cĩnnĩ ꞌcĩ hidici ho anneek, ‘Ammanyattĩ hĩ nganĩĩta, niig eeta ꞌcĩg ĩccĩĩttothoothihu ꞌgwoo ꞌcĩ aalla ooo, baa ẽhẽnytaak habu cĩ loriẽẽt ꞌcĩg abathĩ hĩ aajĩlẽẽt cĩgĩnnĩg.

Maatteeo 25:46

“Nẽ hatĩ õõt nẽẽg ukẽẽttaa cĩ ꞌgwoo ꞌcĩ aalla ooo, nẽẽthĩ, eeta ꞌcĩg abũnnaa, õõ hatĩ nẽẽg rũgẽtaa ꞌcĩ aalla ooo.”

Ebereei 1:8

Nẽ uduha Nyekuci thõõth cĩ Ngeerĩnĩ ĩĩ, “Iini nii Nyekuc nẽ aggami hatĩ looc ĩĩ habu ooo nẽ tarĩ, aꞌnyahaak hatĩ makaaꞌthĩt cunni eet bũnnai loota nĩnga.

Terethiinit 11:15

Ma baa adtahĩ aajĩlõ ꞌcĩ ĩĩn tũkĩramma tũũrĩ cĩnnĩ ho, iita awacahit molookwaana ũgẽẽgĩ ꞌcĩg mẽẽlĩg hẽẽtahujjieen ĩĩtõ, “Nẽ ꞌyioko, ikia ĩĩ habuccieet cĩ looc nicci, cĩ Makayyioohit Nyekuc cĩnaac hĩ Krĩstõ cĩnnĩ, aggam hatĩ nẽẽ habuccieet cĩnnĩ irkiꞌnyia hĩ irkiꞌnyia.”

Terethiinit 13:12

Adticaniini nẽẽ ꞌtirrian cĩ nyaharahaak baa oou baa aꞌnyak ngatubeenit õõa ꞌcĩ alal ẽlẽk. Nẽ ĩttĩnganeek eet makaaꞌthĩtaa cĩnnĩ loota nĩnga, halaacõ nyaharahaak baa oou.

Terethiinit 13:15

Ma ho, ẽlẽmaahĩ Nyekuci ĩnõõnnõ hũtũbbeek ꞌlaũk ꞌthooura nicci, hátĩ hõthõõth. Nẽ eeta vẽlẽk ꞌcĩg abũrĩ ngaatĩ alaĩ ꞌthooura nicci, aruhi hadaahito.

Terethiinit 13:17

Nẽ ẽẽtĩ ꞌcĩ hõllõngaa aꞌnyak nyamacaar nicci, aitiõõ hõllõngaa aaꞌnyĩhoothĩk ĩnõõnnõ hũtũũõĩ ijjio cĩgĩnnĩg, hode hũtũũwa ijjio ũgĩ buúk. Ĩĩn nyamacaar nicciee ꞌthaar cĩg nyaharahaak nicci hĩ ꞌliimira ꞌcĩ ꞌthaar cĩgĩnnĩg.

Terethiinit 14:9

Ma ho, ũnũa aajĩlõ ꞌcĩ adtuurna ꞌcĩ ĩĩn iyyio nẽ ẽggẽrẽny nẽẽ buúk ĩĩ, “Ẽẽtĩ ꞌcĩ ala nyaharahaak hĩ ꞌthooura cĩnnĩ nẽ ẽlẽm ngaatĩ aarĩkĩ nyamacaar cĩ nyaharahaahõ muuma, hode attiaa cĩnnĩ,

Terethiinit 18:18

Ma baa ĩcĩttõõthĩ nẽẽg bũrrẽt ꞌcĩ atũũthẽnĩ ꞌtaaũnĩ nicciee obbi ho, iita eggerenyit nẽẽg ĩĩtõ, ‘Baa aitiõõ ꞌtaaũnĩ loota nĩnga vẽlẽk cobbi gẽrrẽẽt, ꞌcĩ ĩllõõan icci tõõ.’

Terethiinit 18:9

“Au hatĩ alu habuẽẽta cĩg lootu vẽlẽk baag oogin nẽ accamattoothĩk hĩ ngaa nicci, ngaatĩ acĩnĩ ꞌgwoo hĩ bũrrẽt ꞌcĩ atũũthẽnĩ ngaa niccieeni.

Terethiinit 19:3

Nẽ iita eggerenyit nẽẽg tarĩ ĩĩtõ, “Hĩdĩhĩthĩt Makayyioohit! Aꞌnyĩĩk bũrrẽt cĩ ꞌgwoo ꞌcĩ atũũth ngaa nicci ho, haala ooo!”

Terethiinit 20:10

Nĩngĩtĩ adhuhõõthĩkĩ habuui cĩ loriẽẽt ꞌcĩg abathĩ baa ĩggõõl ĩhõõggõ ho, ꞌgelemit cĩ ꞌgwoo ꞌcĩ aaburii padtahac, hõõt hutuuꞌthi hõdẽĩ hĩ nyaharahaak hĩ põrõvẽtaac cĩnnĩ baa ĩĩn oloꞌngiaahit. Accananni hatĩ nẽẽg ĩĩca waathĩn hĩ baalin ooo.

Terethiinit 22:5

Iittiõõ hatĩ hõllõngaa adiim eeta kõr, hode ꞌgiimwa ꞌcĩ attũllẽẽnĩ, hĩnĩngĩtĩ iittiõõ hatĩ baalini tõõ. Makayyioohit Nyekuc dioo ꞌcĩ hatĩ ikia ĩĩ lanyit cĩnĩĩng nẽ hatĩ ĩĩtõ nẽẽg makayyiook hĩ Nyekuc ooo.

Terethiinit 7:12

“Aamẽn! Aalla dĩhĩthẽẽnĩtĩ hĩ bulẽẽnĩt, hĩ ꞌgẽẽnyĩth hĩ taliinit hĩ ꞌtirrian vẽlẽk hĩ Nyekuc cĩnaac ooo. Aamẽn!”