Terethiinit 14:10 - ꞌBuuk cĩ Thõõth cĩ Nyekuci

¹⁰ ahũd hatĩ nẽẽ viino ꞌcĩ adduuttiak battaali lĩĩlĩẽẽttaa cĩ Nyekuci. Accananni hatĩ nẽẽ ꞌgwoyyiatõõ ꞌcĩ aaburii padtahac, ẽbẽk Mĩꞌnyõõn hĩ aajĩlẽẽt cĩgĩnnĩg ꞌcĩg ẽllẽẽmĩth noho.

Terethiinit 14:10 ပူးပေါင်းရင်းမြစ်များ

ꞌThianaattõ 19:24

Ma ho, udhuha Makayyioohiti Nyekuci ꞌgwoo ꞌcĩ aaburii padtahac hẽẽtahujjieen hikia hũtũũth ꞌThõõdõm hĩ ꞌGõmõõra.

Maatteeo 20:22

Ẽdẽcĩ Yeesu ĩhõõggõ anneek, “Hõllõngaa agayyu niig thõõth ꞌcĩ ajinnu niig ko, uullu hatĩ niig ngaatĩ ahuddu hooppo cĩ ꞌcannaanõ ꞌcĩ hatĩ hõkõ hahudi naana?” Ẽdẽcĩ nẽẽg aĩ, “Occa hahũdda.”

Maatteeo 25:41

“Nẽ aduhaak hatĩ habuui eet ꞌcĩg aattĩg ĩĩcĩ aꞌthiit cĩnnĩ ꞌcĩ hidici ho anneek, ‘Ammanyattĩ hĩ nganĩĩta, niig eeta ꞌcĩg ĩccĩĩttothoothihu ꞌgwoo ꞌcĩ aalla ooo, baa ẽhẽnytaak habu cĩ loriẽẽt ꞌcĩg abathĩ hĩ aajĩlẽẽt cĩgĩnnĩg.

Maatteeo 26:39

Ma baa ẽẽjẽk Yeesu ngadiiha hĩdĩhĩdĩĩc, ũũk akat huruꞌnyia nẽ akatĩ hẽbẽrĩ looc nẽ alaõ ĩĩ, “Baaba, má adiimi niina, aꞌnyĩĩk hooppo icci hittihi hĩ nganĩĩt battaala. Nẽ hõllõngaa hĩcĩ hadiimi naana, aꞌnyĩĩk haau hĩcĩ adiimi niina.”

Maarko 8:38

Má aꞌngaaõn ẽẽtĩ umwaa, hĩnĩngĩtĩ nganĩĩt hĩ ꞌlimman caannĩ waathinnioohĩĩ cĩg eet cĩg attihi eeta ngaaĩ cĩg eetuk hĩ waathinnioohĩ ꞌcĩg ĩĩnnĩ eeta ꞌthẽccanniook ko, aꞌngaaõn hatĩ Ngeertĩ Eeto buúk, hĩnĩngĩtĩ eet tĩho, hatĩ õbõda nẽẽ bulẽẽttaa cĩ Maacõnĩ, hatĩ ookorria hĩ aajĩlẽẽt ꞌcĩg ẽllẽẽmĩthĩ.”

Maarko 9:44

ngaatĩ ‘aattiyyi huluta ꞌcĩg hõllõngaa adaahĩ nẽ hõllõngaa adĩĩtĩ ꞌgwaa ũdũt.’

Dtiicanĩ cĩg ꞌThooyyiahu 10:22

Ẽdẽcĩ eeta niccieeg aĩ, “Ĩꞌthõõanneet ꞌgaalacĩ umwaa cĩ ũũrũta ꞌcĩ haĩ Korneellio. Ĩĩn nẽẽ eet ꞌcĩ abũnnaa ꞌcĩ ala Nyekuc nẽ ammĩnan eeta cĩg ꞌJudeei vẽlẽk ĩnõõnnõ. Aduhaak aajĩlõ ꞌcĩ ẽllẽẽmĩth ĩnõõnnõ hutuvvii nganiit õlõõ cĩnnĩ, hátĩ hũũk hĩthĩk nẽẽ thõõth ꞌcĩ aduhaahi niina.”

2 Tẽꞌthaloonika 1:7

nẽẽthĩ, õõgannuung hatĩ nẽẽ ngagiit ꞌcannaanaa cunuung. Nẽ õõganneet hatĩ ngagĩĩt buúk, hatĩ õbõda Makayyioohiti Yeesu hẽẽtahujjieen, ookorria hĩ aajĩlẽẽt cĩgĩnnĩg ꞌcĩg attiranĩ,

ꞌJuud 1:7

Nẽ ma hatarroꞌthu thõõth baa ꞌtaaũn cĩ ꞌThõõdõmĩ hĩ ꞌGõmõõra, hĩ ꞌtaaũnniook ũgĩ baag õbõhõõ hĩ ĩhõõggõ, baa adĩman eeta cĩg ꞌtaaũnniook iccig thooꞌthiok vẽlẽk ꞌcĩg abathĩ ꞌcĩg ĩĩn ꞌriiring. Nĩngĩtĩ aku atũũthĩ Nyekuci ꞌtaaũnniook tĩko ꞌgwoyyia, hĩĩ tilooinit ꞌcĩ uuki nẽẽ eet ꞌgwoyyiaa ꞌcĩ aalla ooo.

Terethiinit 15:7

Ma nĩngaata, ikia ꞌgiimwaa ꞌcĩ arũgĩ hõrggẽẽnaa cĩ hẽlẽggĩ ꞌcĩg ĩĩn ꞌwec ko, eꞌngereek aajĩlẽẽt niccig lohilihilit ꞌcĩg ĩĩn ꞌdaab. Baa abbĩꞌthĩĩ liilii cĩ Nyekuc ꞌcĩ arũgĩ ooo, lohilihilitii nĩĩcĩg.

Terethiinit 16:19

Nĩngĩtĩ aku alibiẽẽnĩ ꞌtaaũnĩ cobbi cĩ Babiloonnia hĩĩ iyyio nẽ tarĩ, iita ilibti ꞌtaaũnniooha cĩg loonyin vẽlẽk buúk hĩĩ ꞌthĩĩ. Nĩngĩtĩ ammuhaanĩ Nyekuci ꞌthẽccanẽẽt cĩg eet cĩg Babiloonnia vẽlẽk nẽ uuk ĩhõõggõ lĩĩlĩẽẽtta.

Terethiinit 18:3

Ũhũdĩt loonyini vẽlẽk viino cĩ thooꞌthiok cĩgĩnnĩg ꞌcĩg ĩĩn ꞌriiring. Iita atagguutho habuẽẽta cĩg looc vẽlẽk hĩ ngaa nicci. Nẽ tarĩ, iita aballio tũjaarrioha cĩg looc nicci vẽlẽk buúk, hĩnĩngĩtĩ ngaa nicci.”

Terethiinit 18:6

Dĩmaneek ngaa nicci thooꞌthiok baag adĩmaneek nẽẽ buúk eet. Uuk ĩnõõnnõ hakattio hĩ ꞌthẽccanẽẽt cĩgĩnnĩg. Uuk ĩnõõnnõ ukẽẽttaa ꞌcĩ ũũppan ꞌthẽccanẽẽt cĩgĩnnĩg.

Terethiinit 19:15

Baa adukna nyetuboot umwaa ꞌcĩ ꞌlẽhẽdĩ gẽrrẽẽt ũtũũgaa cĩnnĩ, ꞌcĩ ẽꞌngẽddĩ nẽẽ eet cĩg loonyinu. “Aggam hatĩ nẽẽ loonyin hĩbahĩtaa ꞌcĩ ĩĩn ꞌthiihit.” Adduuta hatĩ nẽẽ liilii cobbi cĩ Nyekuc ꞌTirriannioohit vẽlẽk, haau hĩ viino ꞌcĩ ariha ꞌloohaa ꞌcĩ ammacciini.

Terethiinit 19:20

Ma joraa nĩĩca, ikia aggamĩ nyaharahaahĩ hĩ põrõvẽtaac cĩnnĩ ꞌcĩ ĩĩn oloꞌngiaahit, ꞌcĩ baa adtican thooꞌthiok ꞌcĩg ĩnaat eeta gẽrrẽẽt, hĩnĩngĩtĩ nyaharahaak. Baa adtican nẽẽ thooꞌthiok tĩko, aĩ hátĩ hĩggõõl eet baag aꞌnyak nyamacaar cĩ nyaharahaahõ nẽ alaacõ ꞌthooura cĩnnĩ. Ma ho, udhuktoothĩk nyaharahaahĩ hĩ põrõvẽtaac cĩnnĩ ꞌcĩ ĩĩn oloꞌngiaahit ko buúk ꞌgelemit cĩ ꞌgwoo ꞌcĩ aaburii padtahac ꞌcĩ aalla ooo.

Terethiinit 20:10

Nĩngĩtĩ adhuhõõthĩkĩ habuui cĩ loriẽẽt ꞌcĩg abathĩ baa ĩggõõl ĩhõõggõ ho, ꞌgelemit cĩ ꞌgwoo ꞌcĩ aaburii padtahac, hõõt hutuuꞌthi hõdẽĩ hĩ nyaharahaak hĩ põrõvẽtaac cĩnnĩ baa ĩĩn oloꞌngiaahit. Accananni hatĩ nẽẽg ĩĩca waathĩn hĩ baalin ooo.

Terethiinit 20:14

Ma ngaati, udhuheek Nyekuci daahĩth hĩ looc cĩ daakiahu ꞌgelemtaa cĩ ꞌgwoo ꞌcĩ aalla ooo. Nẽ bũlũc cĩ ꞌgwoyyio ho, ĩĩn daahĩth ꞌcĩ uruto.

Terethiinit 21:8

Haduhaakii hatĩ naa ꞌgii ꞌcĩ edeeꞌnyiak eet ꞌcĩg ĩĩn teelliak hĩ eet ꞌcĩg hõllõngaa ẽlẽmĩ thõõth caannĩ hĩ ꞌthẽccanniook hĩ eet ꞌcĩg aruk ꞌgõõnõgĩ hĩ eet ꞌcĩg adĩman thooꞌthiok ꞌcĩg ĩĩn ꞌriiring, hĩ ꞌcĩg adtican thooꞌthiok cĩg ngaritu hĩ eet ꞌcĩg ala hẽlẽggĩ ꞌcĩg aar eeta hĩĩtõ nyekuꞌnya hĩ oloꞌngiaak vẽlẽk. Adhuhoothĩk hatĩ nẽẽg ꞌgelemit cĩ ꞌgwoo ꞌcĩ aalla ooo. Nẽẽthĩ, ĩĩn niccia daahĩth ꞌcĩ ĩĩn ꞌramma.”