Terethiinit 13:15 - ꞌBuuk cĩ Thõõth cĩ Nyekuci

¹⁵ Ma ho, ẽlẽmaahĩ Nyekuci ĩnõõnnõ hũtũbbeek ꞌlaũk ꞌthooura nicci, hátĩ hõthõõth. Nẽ eeta vẽlẽk ꞌcĩg abũrĩ ngaatĩ alaĩ ꞌthooura nicci, aruhi hadaahito.

Terethiinit 13:15 ပူးပေါင်းရင်းမြစ်များ

ꞌThianaattõ 2:7

Nĩngĩtĩ õꞌngõnyaanĩ Makayyioohiti Nyekuci doob nẽ ẽtẽhẽnyaaĩ eet ꞌcĩ maacĩ nẽ ũtũbbeek ꞌlaũk hikia hũrũg.

ꞌJeemith 2:26

Hĩ ẽlẽ ꞌcĩ adaahĩ hĩnĩngĩtĩ aitiõõ lorii tõõ, nẽẽthĩ, lemiiniti ꞌcĩ aitiõõ dtiicanĩ ꞌcĩg abũnnaa tõõ, ĩĩn lemiinit ꞌcĩ adaaha.

Terethiinit 13:1

Ma ho, hudtuuha nyaharahaak umwa ꞌcĩ adukna bũlũcatõõ ꞌcĩ aꞌnyak ooti tũkĩramma hĩ otto õmmõtõ. Aꞌnyak otto ꞌcĩg ĩĩn tũkĩramma ho vẽlẽk tẽmẽdẽhĩt nẽ eteheeddi ꞌthaara ꞌcĩg õdõõm Nyekuc ootinii ꞌcĩg ĩĩn õmmõtõ ho vẽlẽk.

Terethiinit 13:12

Adticaniini nẽẽ ꞌtirrian cĩ nyaharahaak baa oou baa aꞌnyak ngatubeenit õõa ꞌcĩ alal ẽlẽk. Nẽ ĩttĩnganeek eet makaaꞌthĩtaa cĩnnĩ loota nĩnga, halaacõ nyaharahaak baa oou.

Terethiinit 13:14

Baa ĩggõõl nyaharahaahĩ nicciee eet loota nĩnga, ngaatĩ adĩmanẽẽkĩ eet thooꞌthiok ꞌcĩg ĩnaat eeta cĩg nyaharahaak baa oou. Ma nĩngaata, ikia uduhaak eet hẽtẽhẽnyta ꞌthooura cĩ nyaharahaak ꞌcĩ baa hõllõngaa adaahĩ, baa ĩĩn botohit baa acuhanni nyetuboota.

Terethiinit 14:11

Má ala ẽẽtĩ umwaa nyaharahaak hĩ ꞌthooura cĩnnĩ nẽ ẽlẽm nyamacaarwa cĩg ꞌthaar cĩgĩnnĩg, accananni hatĩ nẽẽ baalin hĩ waathĩn. Nẽ ĩꞌngaathĩ hatĩ bũrrẽtĩ cĩ ꞌcannan cĩnnĩ ho, hũũk hẽẽtahujjieen ooo haaga nẽ hõllõngaa hatĩ iyyioman ꞌcannaana ũdũt.”

Terethiinit 14:9

Ma ho, ũnũa aajĩlõ ꞌcĩ adtuurna ꞌcĩ ĩĩn iyyio nẽ ẽggẽrẽny nẽẽ buúk ĩĩ, “Ẽẽtĩ ꞌcĩ ala nyaharahaak hĩ ꞌthooura cĩnnĩ nẽ ẽlẽm ngaatĩ aarĩkĩ nyamacaar cĩ nyaharahaahõ muuma, hode attiaa cĩnnĩ,

Terethiinit 16:2

Ma nĩngaata ĩcĩĩdak aajĩlõ ꞌcĩ oou mooriꞌthiook ꞌcĩg aꞌnyak nẽẽ lohilihilaa cĩnnĩ ho eet loota nĩnga. Ma hĩdĩĩkoothong, ulubta carrahulita ꞌcĩg abathĩ nẽ ẽkẽdanit gẽrrẽẽt, eetinii cĩg eet ꞌcĩg aꞌnyak nyamacaar cĩ nyaharahaahõ nẽ alaacõ ꞌthooura cĩnnĩ ho.

Terethiinit 16:5

Ma ngaati, hĩthĩha aajĩlõ umwa ꞌcĩ aggam maam vẽlẽk õthõõth ĩĩ, “Iini nii Nyekuc ꞌcĩ etteedi thooꞌthiok jurrung nganĩngĩtĩ baarkit nẽ aalla elleemi noho, hĩnĩngĩtĩ etteedi nii thooꞌthiok jurrung ꞌgõõlaa ꞌcĩ aũlanĩ.

Terethiinit 17:14

Nẽ aak hatĩ habuẽẽta niccieeg vẽlẽk jore ꞌcĩ õõ aruhõõnĩ hĩ Mĩꞌnyõõn. Ĩllõõan hatĩ Mĩꞌnyõõn ĩhõõggõ, hĩnĩngĩtĩ ĩĩn nẽẽ Makayyioohit cĩ makayyioohu nẽ ĩĩ Habu cĩ habuẽẽt vẽlẽk. Arũmĩ hatĩ Mĩꞌnyõõn hĩ eet baag avva nẽẽ nẽ ẽbẽra, hĩnĩngĩtĩ baa athĩhĩ nẽẽg ĩnõõnnõ nẽ uꞌthuutti thõõth cĩnnĩ.”

Terethiinit 17:17

Nyekuc ꞌcĩ aaꞌnyĩk habuẽẽt niccig hõdõĩ muhẽẽnĩtĩ cĩnĩĩng, ĩnõõ ꞌcĩ ẽlẽmaakĩ nẽẽg vẽlẽk ꞌtirrian cĩnĩĩng nyaharahaak nicci ho. Adĩman ꞌthẽk hatĩ nẽẽg noho ĩꞌthõng, hikia thõõth baa aduha Nyekuci hĩĩ dĩdĩ.

Terethiinit 17:6

Nẽ ma hadtuuha, adũũtĩ ngaa tĩho gẽrrẽẽt, hĩnĩngĩtĩ biyyi ꞌcĩg acũdaanĩ nẽẽ eet baag ẽlẽmana eleeti cĩggĩĩng anũĩ Yeesu. Nẽ baa abulannaa thõõth ciee gẽrrẽẽt ũdũt.

Terethiinit 18:20

Accamattoothĩk niig eeta cĩg Nyekuci hẽẽtahujjieen hĩ ꞌthooyyiak hĩ põrõvẽtaaꞌnya cĩgĩnnĩg vẽlẽk, hĩnĩngĩtĩ uuk Nyekuci ꞌtaaũn nicci hakattio hĩ ꞌgõõl baa adĩmannuung nẽẽ ngagiit buúk.’ ”

Terethiinit 18:24

Baa nganiit ꞌcĩ aĩnanaa eet baag ĩĩn põrõvẽtaaꞌnya, hĩ eet ꞌcĩg ẽllẽẽmĩth cĩg Nyekuci, hĩ eet vẽlẽk baag aruhi loota nĩnga, hudduutti biyyieeta loota.”

Terethiinit 19:20

Ma joraa nĩĩca, ikia aggamĩ nyaharahaahĩ hĩ põrõvẽtaac cĩnnĩ ꞌcĩ ĩĩn oloꞌngiaahit, ꞌcĩ baa adtican thooꞌthiok ꞌcĩg ĩnaat eeta gẽrrẽẽt, hĩnĩngĩtĩ nyaharahaak. Baa adtican nẽẽ thooꞌthiok tĩko, aĩ hátĩ hĩggõõl eet baag aꞌnyak nyamacaar cĩ nyaharahaahõ nẽ alaacõ ꞌthooura cĩnnĩ. Ma ho, udhuktoothĩk nyaharahaahĩ hĩ põrõvẽtaac cĩnnĩ ꞌcĩ ĩĩn oloꞌngiaahit ko buúk ꞌgelemit cĩ ꞌgwoo ꞌcĩ aaburii padtahac ꞌcĩ aalla ooo.

Terethiinit 20:4

Ma nĩngaata, hudtuuha dtaabĩt ꞌcĩg aattiyyi eeta ꞌcĩg aaꞌnyĩhoothĩk makaaꞌthĩt ꞌcĩ ẽttẽẽdĩ thooꞌthiok cĩg eet cĩg lootu. Nẽ tarĩ, hudtuuha eet baag aruhi, hĩnĩngĩtĩ irrioon thõõth cĩ Yeesu hĩ thõõth cĩ Nyekuci. Baa nga halaacõ nẽẽg nyaharahaak hode ꞌthooura cĩnnĩ nẽ abũrĩ ngaatĩ amacaaranĩ athĩn hĩ muumti cĩggĩĩng. Arũgna hatĩ nẽẽg hiita haggamit looc hõdẽĩ hĩ Yeesu Krĩstõ irkiꞌnyia aalib hõdẽĩ.