Terethiinit 12:17 - ꞌBuuk cĩ Thõõth cĩ Nyekuci

¹⁷ Ma ho, ikia ĩlĩĩlĩeek ꞌbuuhi nicciee ngaa nicci gẽrrẽẽt ũdũt, nĩngĩtĩ aahĩ jore nẽ õõt urukto hĩ lõhõlĩ cĩg ngaa nicci, ĩhõõggõ eeta ꞌcĩg athĩhĩ tilooinit cĩ Nyekuci nẽ elemit thooꞌthiok ꞌcĩg alliman Yeesu.

Terethiinit 12:17 ပူးပေါင်းရင်းမြစ်များ

ꞌThianaattõ 3:15

Haaꞌnyuung hatĩ naa ĩĩtõ mĩrõk hĩ ngaa ĩꞌthõng ittirriaak lõhõlĩ cugguung. Õhõdaanni hatĩ ngeerĩnĩ nganiit õõ nẽ etengeduu nii ĩnõõnnõ tiitinyooc cĩnnĩ.”

Maatteeo 28:20

õõt illimanit ĩhõõggõ jurrung hĩthĩhĩt thõõth vẽlẽk baa hallimaneekuung naa ngagiita. Nẽ dĩdĩ, harũmĩ hatĩ gõõng naag hĩ ngagiit hõdõõkõthĩ ĩꞌthõng kõr cĩ decciaanĩt cĩ lootu.”

Yõaannẽ 8:44

Ĩĩgĩnnu niig lõhõlĩ ꞌcĩg habu cĩ loriẽẽt ꞌcĩg abathĩ nẽ adĩmannu thooꞌthiok ꞌcĩg adiim lorii ꞌcĩ abathĩ ho. Baa ĩĩn nẽẽ eet ꞌcĩ aruk eet baarkit nẽ hõllõngaa aduha thõõth ꞌcĩ ĩĩn dĩdĩ, hĩnĩngĩtĩ nga huduha nẽẽ thõõth ꞌcĩ ĩĩn dĩdĩ. Ma õõlõng lorii ꞌcĩ abathĩ, gõõng nyattal cĩnnĩ niccia, hĩnĩngĩtĩ ĩĩn nẽẽ oloꞌngiaahit ꞌcĩ ĩĩn baattĩ olongo.

1 Korinthia 2:1

ꞌGotoonoga hĩ ngoonoga, kõr baa hakuuni naa hĩ ngagiita, baa hõllõngaa hakuu hĩ ẽẽtĩ ꞌcĩ haganeehi thõõth, hode hĩ ẽẽtĩ ꞌcĩ heggeenyi thõng, baa hakuu haduhaakuung thõõth cĩ Nyekuci ꞌcĩ ĩllõõan ꞌgẽẽnyĩth cĩ eetu.

1 Pẽẽtũrũ 5:8

Uꞌthuutti eleeti nẽ aauttu dĩkĩĩm. Awanĩt mirohiti cunuung habuui cĩ loriẽẽt ꞌcĩg abathĩ looc hĩ ꞌmaa ꞌcĩ arruuk adiim eet ꞌcĩ aruhi.

1 Yõaannẽ 2:3

Má hathĩhĩ naag tilooinit cĩ Nyekuci jurrung, haga naag ngaatĩ hagaĩ ĩnõõnnõ dĩdĩ.

1 Yõaannẽ 5:10

Má hẽlẽmĩ naag Ngeertĩ Nyekuci, helemit naag thõõth ꞌcĩ aduha Nyekuci, hĩnĩngĩtĩ Ngeerĩnĩ. Nẽ má hõllõngaa hẽlẽmĩ naag thõõth ꞌcĩ aduha Nyekuci, hĩnĩngĩtĩ Ngeerĩnĩ, aduhõõ ngaatĩ occa hakannẽẽkĩ Nyekuc õlõng thõng.

1 Yõaannẽ 5:2

Má hammĩnan naag Nyekuc nẽ hĩthĩhĩt ĩnõõnnõ, ꞌgõõl ꞌcĩ occa hagaĩ naag haĩnnĩ, hammĩnan naag lõhõlĩ cĩgĩnnĩg buúk niccia.

Terethiinit 1:2

Nẽ ikia uduha Yõaannẽ thooꞌthiok vẽlẽk ꞌcĩg baag acĩn nẽẽ nyeemuutaa cĩ Nyekuci, hĩ thooꞌthiok vẽlẽk ꞌcĩg baag aduha Yeesu Krĩstõ, hĩ ꞌcĩg adĩmanĩ.

Terethiinit 1:9

Nganĩĩt ꞌgotonu Yõaannẽ ꞌcĩ hĩĩnĩ ꞌthooyyiahit cĩ Krĩstõ, hõthõl naag hĩ ngagiit temeethi cĩ ꞌcannan ꞌcĩ ammũda eeta cĩg habuccieet cĩ Nyekuci thõng. Baa hiiggiaoothihi naa dtuungaa cĩ Patamo, hĩnĩngĩtĩ hirriooni thõõth cĩ Nyekuci hĩ thõõth ꞌcĩ ĩĩn dĩdĩ, baa ẽtẽrꞌtha Krĩstõ.

Terethiinit 11:7

Ma hatĩ edecciaak aajĩlẽẽta ꞌcĩg ĩĩn ꞌramma ꞌcĩg ĩĩn hẽbẽrĩ ho dtiic ꞌcĩ irrioonĩkĩ eet thõõth cĩ Nyekuci, adukna hatĩ nyaharahaahĩ ꞌcĩ aaĩ ꞌloohaa cĩ hiꞌthihi dtuurnanĩt ko nẽ ikia ĩllõõan jore, nĩngĩtĩ aruhi ĩhõõggõ.

Terethiinit 12:16

Nẽ baa ẽẽla ngaa nicci lõõcĩ, hĩnĩngĩtĩ baa acũda ꞌthẽẽma tawan ꞌcĩ aꞌthakna ꞌbuuhi nicciee ũtũũga ho.

Terethiinit 13:7

Ma ho, ikia ẽlẽmaahĩ Nyekuci nyaharahaak nicci hurukto hĩ eet cĩgĩnnĩg, hátĩ hĩllõõan nẽẽ ĩhõõggõ. Nẽ baa aaꞌnyĩk Nyekuci nyaharahaak nicci buúk, makaaꞌthĩt ꞌcĩ aggamĩ looc eetini noho hĩ habuccieeꞌnya hĩ hattũũgẽt vẽlẽk.

Terethiinit 14:12

Aĩ thõõth ciee, adiim ẽmmẽẽthĩ eeta cĩg Nyekuci ꞌcannan nẽ uꞌthuutti tilooinit cĩ Nyekuci ho nẽ uꞌthuutti lemiinit cĩnĩĩng hĩ Yeesu ũdũt.

Terethiinit 17:14

Nẽ aak hatĩ habuẽẽta niccieeg vẽlẽk jore ꞌcĩ õõ aruhõõnĩ hĩ Mĩꞌnyõõn. Ĩllõõan hatĩ Mĩꞌnyõõn ĩhõõggõ, hĩnĩngĩtĩ ĩĩn nẽẽ Makayyioohit cĩ makayyioohu nẽ ĩĩ Habu cĩ habuẽẽt vẽlẽk. Arũmĩ hatĩ Mĩꞌnyõõn hĩ eet baag avva nẽẽ nẽ ẽbẽra, hĩnĩngĩtĩ baa athĩhĩ nẽẽg ĩnõõnnõ nẽ uꞌthuutti thõõth cĩnnĩ.”

Terethiinit 17:6

Nẽ ma hadtuuha, adũũtĩ ngaa tĩho gẽrrẽẽt, hĩnĩngĩtĩ biyyi ꞌcĩg acũdaanĩ nẽẽ eet baag ẽlẽmana eleeti cĩggĩĩng anũĩ Yeesu. Nẽ baa abulannaa thõõth ciee gẽrrẽẽt ũdũt.

Terethiinit 18:20

Accamattoothĩk niig eeta cĩg Nyekuci hẽẽtahujjieen hĩ ꞌthooyyiak hĩ põrõvẽtaaꞌnya cĩgĩnnĩg vẽlẽk, hĩnĩngĩtĩ uuk Nyekuci ꞌtaaũn nicci hakattio hĩ ꞌgõõl baa adĩmannuung nẽẽ ngagiit buúk.’ ”

Terethiinit 19:10

Ma baa hakanneehi aajĩlõ huruꞌnyia nẽ halawa ĩnõõnnõ ho, anneeka hinnia, “Ma halayya nganĩĩta! Hĩĩnĩ naa eet umwa ꞌcĩ hĩĩnĩ dticciannioohit cĩ Nyekuci haaga hĩ nii buúk nẽ haduhoonna hĩ ꞌgotoonogu ꞌcĩg ẽlẽmĩ Yeesu thõng. Laa nii Nyekuc diooni! Hĩnĩngĩtĩ ẽẽtĩ ꞌcĩ allimaneek ꞌgõõnõgĩ thõõth cĩ Yeesu, allimanni ꞌtirriaanaa cĩ Lori ꞌcĩ Ẽllẽẽmĩthĩ.”

Terethiinit 19:19

Ma ho, hĩcĩna nyaharahaak hĩ habuẽẽt cĩg lootu hĩ ũũrũta cĩgĩnnĩg ngaatĩ alũtẽẽnĩ, aĩ hátĩ huruktooa hĩ eet ꞌcĩ õvvõ nyangõõllẽẽaa ꞌcĩ õõrĩ ho, hĩ ũũrũta cĩgĩnnĩg.

Terethiinit 20:4

Ma nĩngaata, hudtuuha dtaabĩt ꞌcĩg aattiyyi eeta ꞌcĩg aaꞌnyĩhoothĩk makaaꞌthĩt ꞌcĩ ẽttẽẽdĩ thooꞌthiok cĩg eet cĩg lootu. Nẽ tarĩ, hudtuuha eet baag aruhi, hĩnĩngĩtĩ irrioon thõõth cĩ Yeesu hĩ thõõth cĩ Nyekuci. Baa nga halaacõ nẽẽg nyaharahaak hode ꞌthooura cĩnnĩ nẽ abũrĩ ngaatĩ amacaaranĩ athĩn hĩ muumti cĩggĩĩng. Arũgna hatĩ nẽẽg hiita haggamit looc hõdẽĩ hĩ Yeesu Krĩstõ irkiꞌnyia aalib hõdẽĩ.

Terethiinit 22:14

“Aꞌnyĩĩk haggatan Nyekuci eet vẽlẽk ꞌcĩg ũũny ceremwa cĩggĩĩng biyyiẽẽtĩĩ cĩg Yeesu. Ẽlẽmaakĩ hatĩ nẽẽ ĩhõõggõ huduhunit hattũũgẽt cĩg ꞌtaaũn cobbi nẽ aaꞌnyĩk huduhit hẽẽt ꞌcĩ abbiiri cĩ rũgẽt ꞌcĩ aalla ooo.

Terethiinit 6:9

Ma baa awaanyan Mĩꞌnyõõn doolliang ꞌcĩ ĩĩn ꞌtur ko, hadtuuha hinnia loriẽẽt ꞌcĩg aattĩg altaarĩa loota cĩg eet baag aruhi vẽlẽk, hĩnĩngĩtĩ baa ẽlẽmĩ nẽẽg nẽ othoothito thõõth cĩ Nyekuci.