Terethiinit 12:15 - ꞌBuuk cĩ Thõõth cĩ Nyekuci

¹⁵ Ma nĩngaata, ataꞌthaha ꞌbuuhi maam ꞌcĩg ĩĩkĩ tawan, aĩ hátĩ hũmmũlũũnyan ngaa nicci.

Terethiinit 12:15 ပူးပေါင်းရင်းမြစ်များ

ꞌThianaattõ 3:1

Nẽ baa ĩĩn hũkaat ꞌgeeꞌnyiahit ꞌcĩ ĩllõõan idiꞌngwa vẽlẽk baag ẽhẽnyta Makayyioohiti Nyekuci. Ma baa kõr umwa, ikia ijin hũkaat ngaa ĩĩnnĩk, “Anneekuung nẽẽꞌthẽk baa Nyekuci ngagiit, ‘Ma haduku hẽẽn ꞌcĩg abbiiri manatõõ tõõ ho’ dĩdĩ?”

2 Korinthia 11:3

Nẽẽthĩ, homoꞌthi naa haini iggoolluung hatĩ ꞌThĩttaanĩ baa ĩĩn hũkaat baa ĩggõõl Ẽẽvva, nẽ arahannuung hatĩ ngagiit, hátĩ hiittiõõ hõllõngaa anuyyu thõõth ꞌcĩ tẽllĩ ꞌcĩ ĩĩn dĩdĩ cĩ Krĩstõ.

Terethiinit 12:16

Nẽ baa ẽẽla ngaa nicci lõõcĩ, hĩnĩngĩtĩ baa acũda ꞌthẽẽma tawan ꞌcĩ aꞌthakna ꞌbuuhi nicciee ũtũũga ho.

Terethiinit 12:9

Nẽ ꞌbuuhi ciee obbi aꞌthĩlan gẽrrẽẽt ko, ĩĩn hũkaat baa ꞌrẽẽnĩ baa haĩ habu cĩ loriẽẽt ꞌcĩg abathĩ, hode ꞌThĩttaan, gõõng ĩggõõl looc hũtũrũũr, itiggiayyiaak looc aajĩlẽẽtĩĩ cĩgĩnnĩg vẽlẽk.

Terethiinit 17:15

Nẽ ĩnnĩhaa aajĩlõ nẽẽ, “Bũlũccwaana ꞌcĩg acini nii iccioloonganĩ ngaa ꞌcĩ ĩĩn ꞌwaaꞌngiahit ko, ĩthakꞌthoothĩk lothippit cĩ habuccieeꞌnyanu hĩ hattũũgẽt cĩg loonyin vẽlẽk ꞌcĩg õthõõth thooꞌthiohĩ cũũmõ cũũmõ.

Terethiinit 20:2

Ma nĩngaata, ikia aggam aajĩlõ tĩho ꞌbuuk ꞌcĩ aꞌthĩlan ko, nẽ ẽcẽb irkiꞌnyia aalib hõdẽĩ. Baa haĩ ꞌbuuk ꞌcĩ aꞌthĩlan ko baa ĩĩcĩ oou, hũkaat baa ꞌrẽẽnĩ, ꞌcĩ ĩĩn ꞌThĩttaan, nẽ ĩĩ habu cĩ loriẽẽt ꞌcĩg abathĩ.