Terethiinit 11:15 - ꞌBuuk cĩ Thõõth cĩ Nyekuci

¹⁵ Ma baa adtahĩ aajĩlõ ꞌcĩ ĩĩn tũkĩramma tũũrĩ cĩnnĩ ho, iita awacahit molookwaana ũgẽẽgĩ ꞌcĩg mẽẽlĩg hẽẽtahujjieen ĩĩtõ, “Nẽ ꞌyioko, ikia ĩĩ habuccieet cĩ looc nicci, cĩ Makayyioohit Nyekuc cĩnaac hĩ Krĩstõ cĩnnĩ, aggam hatĩ nẽẽ habuccieet cĩnnĩ irkiꞌnyia hĩ irkiꞌnyia.”

Terethiinit 11:15 ပူးပေါင်းရင်းမြစ်များ

Luugithõõ 15:18

Aggam hatĩ Makayyioohiti looc irkiꞌnyia hĩ irkiꞌnyia.”

Maatteeo 24:31

Ĩꞌthõ hatĩ nẽẽ aajĩlẽẽt cĩgĩnnĩg hadtahit illieeri cobbi gẽrrẽẽt, huluttia eeta ꞌcĩg ẽbẽra Nyekuci ꞌgoolliohĩĩ ꞌcĩg ꞌrẽẽttĩg loota nĩnga hĩ hẽẽtahujjieen vẽlẽk.

Maatteeo 6:13

Ma haaꞌnyeet ngagĩĩt hĩttĩmaneet ꞌThĩttaanĩ, nẽẽthĩ, õgaaeet ngagĩĩt ꞌtĩmmaniittaa cĩ ꞌThĩttaanõ.’

ꞌLuuka 1:33

Ĩĩn hatĩ nẽẽ habu habuccieetaa cĩ Yakobo ũdũt. Aitiõõ hatĩ habuccieet cĩnnĩ hõllõngaa edeccia.”

ꞌLuuka 15:10

Haduhaakuunga, ꞌgõõlaa ꞌcĩ aaĩ hoti, atalĩ hatĩ aajĩlẽẽta cĩg Nyekuci, hĩnĩngĩtĩ ꞌthẽccannioohit hõdẽẽthõng ꞌcĩ ũtũngeek ꞌgõõl cĩ ꞌthẽccaneetu.”

ꞌLuuka 15:6

ũũhĩ ĩĩcĩ olu. Nĩngĩtĩ hatĩ õkõ avvaanĩ ꞌgõõnõgĩ hĩ eet ꞌcĩg aarõõ anneek, ‘Iita haccamattoothĩk naag vẽlẽk, hĩnĩngĩtĩ hũmmũda aꞌtheet ꞌcĩ baa aꞌnginoothi.’

Dtiicanĩ cĩg ꞌThooyyiahu 4:26

Aak habuẽẽta cĩg lootu jore nẽ ulutti makayyiooha nẽ aaburrieek Makayyioohit Nyekuc hĩ Krĩstõ cĩnnĩ ꞌcĩ Eberriaa.’

Ebereei 1:8

Nẽ uduha Nyekuci thõõth cĩ Ngeerĩnĩ ĩĩ, “Iini nii Nyekuc nẽ aggami hatĩ looc ĩĩ habu ooo nẽ tarĩ, aꞌnyahaak hatĩ makaaꞌthĩt cunni eet bũnnai loota nĩnga.

Terethiinit 10:7

Uduhaak Nyekuci eet baag ĩĩn põrõvẽtaaꞌnya cĩgĩnnĩg thooꞌthiok baag ammiꞌthi nga hagayyi, hatĩ ũttũbaneek aajĩlõ ꞌcĩ ĩĩn tũkĩramma ngaatĩ adtahĩ tũũrĩ cĩnnĩ.

Terethiinit 12:10

Ma nĩngaata, hĩthĩha molook umwa ꞌcĩ aku hẽẽtahujjieen ꞌcĩ õthõõth aĩ, “Ikia kõr icci eliiniti hĩ makaaꞌthĩt hĩ habuccieet cĩ Nyekuc cĩnaac, hĩ makaaꞌthĩt cĩ Krĩstõ cĩnnĩ, hĩnĩngĩtĩ hoppocciaahit cĩ ꞌgotoonogeet cĩggaac, ꞌcĩ õhõppõõcan ĩhõõggõ muumaa cĩ Nyekuc cĩnaac baalin hĩ waathĩn, nĩngĩtĩ adhukiaakĩ looc noho hararac.

Terethiinit 15:4

Makayyioohit, nganĩ occa ꞌcĩ hõllõngaa iꞌngoliinni nganiit nẽ ubuluth ꞌthaar cugunnig? Hĩnĩngĩtĩ nganiit dioo ꞌcĩ elleemi. Au hatĩ eeta cĩg loonyin vẽlẽk alayyi nganiita, hĩnĩngĩtĩ ẽdẽẽnyta dtiicanĩ cugunnig ꞌcĩg ẽllẽẽmĩth ko ẽlẽk.”

Terethiinit 16:17

Ma ho, udduutik aajĩlõ ꞌcĩ ĩĩn tũkĩramma lohilihili cĩnnĩ ngõõta. Ma nĩngaata, ẽggẽrẽnya Nyekuci moloohaa cobbi dtaabawa ꞌCieethaa cĩnnĩ ĩĩ, “Hũttũbaneeha thõõth vẽlẽk!”

Terethiinit 17:14

Nẽ aak hatĩ habuẽẽta niccieeg vẽlẽk jore ꞌcĩ õõ aruhõõnĩ hĩ Mĩꞌnyõõn. Ĩllõõan hatĩ Mĩꞌnyõõn ĩhõõggõ, hĩnĩngĩtĩ ĩĩn nẽẽ Makayyioohit cĩ makayyioohu nẽ ĩĩ Habu cĩ habuẽẽt vẽlẽk. Arũmĩ hatĩ Mĩꞌnyõõn hĩ eet baag avva nẽẽ nẽ ẽbẽra, hĩnĩngĩtĩ baa athĩhĩ nẽẽg ĩnõõnnõ nẽ uꞌthuutti thõõth cĩnnĩ.”

Terethiinit 19:1

Ma uruta, hĩthĩha molook cĩ lothippit cobbi hẽẽtahujjieen ꞌcĩ ẽggẽrẽny aĩ, “Hadihiꞌthii naag nganiita Nyekuc! Aku ꞌtirrianĩ cobbi vẽlẽk hĩ nganiit ꞌcĩ ẽẽlanneet ngagĩĩta,

Terethiinit 19:6

Ma nĩngaata, hĩthĩha molook umwa cĩ lothippit cobbi ꞌcĩ ẽggẽrẽny hĩ tawanĩ cobbi nẽ ĩccaaõ hĩ bõrõhẽẽcĩ, ẽggẽrẽny mõlõõhĩ nicciee gẽrrẽẽt aĩ, “Hatalit nẽ hĩdĩhĩthĩt Makayyioohit Nyekuc ꞌTirriannioohit ꞌcĩ ĩllõõan vẽlẽk gẽrrẽẽt ũdũt. Ĩĩn nẽẽ habu cobbi ꞌcĩ aggam looc vẽlẽk.

Terethiinit 20:4

Ma nĩngaata, hudtuuha dtaabĩt ꞌcĩg aattiyyi eeta ꞌcĩg aaꞌnyĩhoothĩk makaaꞌthĩt ꞌcĩ ẽttẽẽdĩ thooꞌthiok cĩg eet cĩg lootu. Nẽ tarĩ, hudtuuha eet baag aruhi, hĩnĩngĩtĩ irrioon thõõth cĩ Yeesu hĩ thõõth cĩ Nyekuci. Baa nga halaacõ nẽẽg nyaharahaak hode ꞌthooura cĩnnĩ nẽ abũrĩ ngaatĩ amacaaranĩ athĩn hĩ muumti cĩggĩĩng. Arũgna hatĩ nẽẽg hiita haggamit looc hõdẽĩ hĩ Yeesu Krĩstõ irkiꞌnyia aalib hõdẽĩ.

Terethiinit 8:12

Ma baa adtak aajĩlõ ꞌcĩ ĩĩn ꞌwec tũũrĩ cĩnnĩ ho, ikia ammanyanĩ lanyit cĩ korro ĩĩcĩ odoyyii nẽ ammanyanĩ lanyit cĩ nyĩlooho buúk ĩĩcĩ odoyyii nẽ iita ammanyattĩ mũnyũnya ũgẽẽgĩ buúk ĩĩcĩ odoyyii nẽ iita ĩĩtõ nẽẽg vẽlẽk muguur ĩĩcĩ odoyyii. Ma baa waath, aitiõõ kõrra hõllõngaa aara ꞌthaaꞌnya ꞌwec nẽ aitiõõ nyĩlõhĩ buúk hõllõngaa aara baal ꞌthaaꞌnya ꞌwec.

Terethiinit 9:1

Ma baa adtak aajĩlõ ꞌcĩ ĩĩn ꞌtur tũũrĩ cĩnnĩ, hadtuuha hinnia mũꞌnyaac ngaatĩ adhukiaanĩ hẽẽtahujjieen hikia loota. Nẽ baa aaꞌnyĩhoothĩk mũꞌnyaac nicci mũhũta cĩ ꞌgõõl ꞌcĩ aduhun ꞌloohatõõ ꞌcĩ uuthik hiꞌthihi dtuurnanĩt.

Terethiinit 9:13

Ma ho, adtak aajĩlõ ꞌcĩ ĩĩn tõrkõnõn tũũrĩ cĩnnĩ, nẽ hĩthĩha molook ꞌcĩ õthõõth õttõõnnĩĩ ꞌcĩg ĩĩn ꞌwec ĩcĩg altaarĩ ꞌcĩ ẽhẽnytaa ꞌdaaba, ꞌcĩ abĩlĩ muumaa cĩ Nyekuci.