Terethiinit 1:16 - ꞌBuuk cĩ Thõõth cĩ Nyekuci

¹⁶ Aggam nẽẽ mũnyũny tũkĩramma, attiaa cĩnnĩ ĩcobbi nẽ uluba nyetuboot ꞌcĩ ꞌlẽhẽdĩ ũtũũgaa cĩnnĩ, attalĩth muum cĩnnĩ haau hĩ kõrra gõõng aara.

Terethiinit 1:16 ပူးပေါင်းရင်းမြစ်များ

Maatteeo 17:2

Ma muuraa tĩho, ikia ũtũhũĩ ẽlẽ cĩ Yeesu hẽbẽrẽẽnnĩĩ cĩggĩĩng hattaal hĩĩ õõppẽr. Baa attaalĩth muum cĩnnĩ haau hĩ kõrra nẽ attaalito ceremwaana cĩgĩnnĩg buúk, haauto hĩ lanyit cĩ korro.

Dtiicanĩ cĩg ꞌThooyyiahu 26:13

Ma baa aau kõrra lokora, baa nga hõvvõ ꞌgõõla habuu, hadtuuha hinnia lanyit ꞌcĩ aku hẽẽtahujjieen ꞌcĩ attaalĩth hĩllõõan kõr, attũhũllaa nganĩĩt hĩ eet ꞌcĩg baag hõõkõrra vẽlẽk.

Eevvetho 6:17

Aanytĩk ꞌtirrian cĩ Nyekuci ꞌcĩ ẽẽlanneet ngagĩĩt, haau hĩ tẽmẽdẽhĩ ꞌcĩ ĩĩn naꞌngaala nẽ aanytĩhu nyeemuut cĩ Nyekuci ꞌcĩ aku hĩ Lori cĩnnĩ, haau hĩ nyetuboota.

Ebereei 4:12

Hĩnĩngĩtĩ arũgĩ thõõth cĩ Nyekuci nẽ attiranĩ. ꞌLẽhẽd hĩllõõan nyetuboot ꞌcĩ ꞌlẽhẽdĩ gẽrrẽẽt, ẽttẽẽd thõõth cĩ Nyekuci loriẽẽt hõdõlan lobulẽẽt hĩ õnyõ, ĩꞌthõng hũmmũda mũyan hĩ muhẽẽnĩt cĩ ꞌthinneeti cĩggaac.

Terethiinit 1:20

Haduhaakii ꞌyioko thõõth cĩ mũnyũny ꞌcĩg ĩĩn tũkĩramma, ꞌcĩg acini nii aattĩg ĩĩcĩ aꞌthiit caannĩ cobbi ho, hĩ ꞌthĩĩk tũkĩramma ꞌcĩg ĩĩn ꞌdaab, ꞌcĩg aꞌnyak ꞌlõõmẽẽt ko buúk. Abĩllĩ mũnyũnya ꞌcĩg ĩĩn tũkĩramma ho nĩngĩtĩ aajĩlẽẽt cĩg lothippiꞌnya cĩg lemmioohu, ꞌcĩg ĩĩn tũkĩramma ho nẽ ibilli ꞌthĩĩha ꞌcĩg ĩĩn tũkĩramma ꞌcĩg aꞌnyak ꞌlõõmẽẽt ko, nĩngĩtĩ lothippiꞌnya cĩg lemmioohu.”

Terethiinit 10:1

Nẽ hudtuuha aajĩlõ umwa ꞌcĩ attiran gẽrrẽẽt ꞌcĩ alluuccia hẽẽtahujjieen aku loota. Baa ammũta ĩnõõnnõ diith nẽ ohoorranoothĩk tõõlõngẽẽcĩ õõ cĩnnĩ. Baa aara muum cĩnnĩ haau hĩ kõrra nẽ aꞌnyak ꞌthoo ꞌcĩg aattĩg hĩ lanyit cĩ ꞌgwoyyio.

Terethiinit 12:1

Ma ho, hudtuuha ꞌgiimwa ꞌcĩ ĩnaat eeta ꞌcĩ edeeꞌnyia hẽẽtahujjieen. Ĩĩn ngaa umwa ꞌcĩ ahimit ceremwa ꞌcĩg ĩĩn kõr, abĩlĩ nyĩlõõha nẽ itihim temedek ꞌcĩ aꞌnyak mũnyũny õmmõtõ hĩ ꞌramma.

Terethiinit 19:15

Baa adukna nyetuboot umwaa ꞌcĩ ꞌlẽhẽdĩ gẽrrẽẽt ũtũũgaa cĩnnĩ, ꞌcĩ ẽꞌngẽddĩ nẽẽ eet cĩg loonyinu. “Aggam hatĩ nẽẽ loonyin hĩbahĩtaa ꞌcĩ ĩĩn ꞌthiihit.” Adduuta hatĩ nẽẽ liilii cobbi cĩ Nyekuc ꞌTirriannioohit vẽlẽk, haau hĩ viino ꞌcĩ ariha ꞌloohaa ꞌcĩ ammacciini.

Terethiinit 19:21

Ma nĩngaata, ũcũda nyetuboot ꞌcĩ ꞌlẽhẽdĩ baa adukna ũtũũgaa cĩ eet ꞌcĩ avvir nyangõõllẽẽaa ꞌcĩ õõrĩ ho, ũũrũta cĩg nyaharahaahõ hĩĩ ꞌthĩĩ nẽ ũtũngẽẽhĩ hodobwa hadahit eleeti cĩggĩĩng.

Terethiinit 2:1

Nẽ ĩnnĩhaa Yeesu nẽẽ, “Teheedĩk waraga aajĩlõ cĩ lothippit cĩ lemmioohu ꞌtaaũnaa cĩ Eevvetho. “Duhaak anneek, aku nyeemuut nicciaa hĩ eet ꞌcĩ aggam mũnyũny tũkĩramma attiaa cobbi, nẽ õtõ hõrggẽẽnaa cĩ ꞌthĩĩk tũkĩramma ꞌcĩg ĩĩn ꞌdaab, ꞌcĩg aꞌnyak ꞌlõõmẽẽt.

Terethiinit 2:12

Ma ho ĩnnĩhaa Yeesu nẽẽ, “Teheedĩk waraga aajĩlõ cĩ lothippit cĩ lemmioohu, ꞌtaaũnaa cĩ Pẽrgamo. “Duhaak anneek, nyeemuut ꞌcĩ aku hĩ eet ꞌcĩ aꞌnyak nyetuboot ꞌcĩ ꞌlẽhẽdĩ gẽrrẽẽt nicciaani.

Terethiinit 2:16

Haduhaakuunga, ũtũngteek ꞌthẽccanẽẽta, má hõllõngaa uunniku, hakuu hatĩ hĩdĩĩkoothong hiita huruktooa hĩ eet ꞌcĩg adĩman ꞌthẽccanẽẽta. Haruhi hatĩ ĩhõõggõ nyetubootaa ꞌcĩ haꞌnyahi ũtũũga ho.

Terethiinit 3:1

Nẽ ĩnnĩhaa Yeesu nẽẽ, “Teheedĩk waraga aajĩlõ cĩ lothippit cĩ lemmioohu ꞌtaaũnaa cĩ Thaardithi. “Duhaak anneek, ĩĩn ciee nyeemuut ꞌcĩ aku hĩ eet ꞌcĩ aꞌnyak Loriẽẽt cĩg Nyekuci tũkĩramma, hĩ mũnyũny tũkĩramma, ‘Haga naa thooꞌthiok vẽlẽk ꞌcĩg adĩmannu niiga. Ammuku oho ainnu nga arũgnu niiga, ĩko nẽẽ adaaktu ẽlẽk.’