Terethiinit 1:11 - ꞌBuuk cĩ Thõõth cĩ Nyekuci

¹¹ Othoothĩkaa mõlõõhĩ tĩho anneeka, “Teheedĩk ꞌbuuhatõõ thooꞌthiok ꞌcĩg acini nii vẽlẽk nẽ ĩꞌthooihuu lothippiꞌnya cĩg lemmiook ꞌcĩg ĩĩn tũkĩramma ho. ꞌThooĩk Eevvetho hĩ Thĩmĩrna hĩ Pẽrgamo hĩ Thiatira hĩ Thaardith hĩ Viladelvia hĩ Laodicea.”

Terethiinit 1:11 ပူးပေါင်းရင်းမြစ်များ

Dtiicanĩ cĩg ꞌThooyyiahu 16:14

Ngaaĩnĩĩ ꞌcĩg hothoothonna ho, baa aaĩ ngaa umwaa ꞌcĩ haĩ Liidia ꞌcĩ aku ꞌtaaũnaa cobbi ĩĩcĩ Thiatira, ꞌcĩ baa ũũtẽnĩ ceremwa ꞌcĩg õkõmĩ ꞌcĩg ꞌrẽggẽẽg. Baa ala nẽẽ Nyekuc gẽrrẽẽt, nĩngĩtĩ abbuuhi Makayyioohiti Yeesu ꞌthĩnĩt cĩnnĩ hĩthĩk nyeemuut cĩ Paaulo.

Dtiicanĩ cĩg ꞌThooyyiahu 18:24

Baa aku eet umwaa ꞌcĩ ĩĩn ꞌJudeeinit ꞌcĩ haĩ Appoolo ꞌtaaũnaa cĩ Eevvetho. Baa arrittiaa Appoolo ꞌtaaũnaa cobbi ĩĩcĩ Alethandria. Ĩĩn nẽẽ eet ꞌcĩ aganeek thothi nẽ aganeek thõõth cĩ ꞌBuuk cĩ Nyekuci gẽrrẽẽt.

Dtiicanĩ cĩg ꞌThooyyiahu 20:17

Ma Mileeto, ĩꞌthooĩk Paaulo nyeemuut makayyiook cĩg lothippit cĩ lemmiook cĩg Eevvetho.

1 Korinthia 15:32

Má baa haruhoonna naag hĩ eet ꞌcĩg aꞌthĩlan aattĩg hĩ idiꞌngwa cĩg moru ꞌtaaũnaa cĩ Eevvetho, hĩnĩngĩtĩ thooꞌthiok cĩg eetuk haaga, ne ꞌyioko ꞌcĩ baa hammũda naa ho? Má hõllõngaa arũgthaa eeta ꞌcĩg adaahito, “Hudukto thĩ nẽẽ naag nẽ hũhũdĩt mẽrtĩ, hĩnĩngĩtĩ hadaahĩ hatĩ lohotha.”

1 Korinthia 16:8

Nẽẽthĩ, haaĩ hatĩ ꞌtaaũnaa cĩ Eevvetho ĩꞌthõng Karrama cĩ Waathinniook Hẽẽn ꞌTur,

Eevvetho 1:1

Waraga ciee ꞌcĩ aku hĩ nganĩĩt Paaulo, eet ꞌcĩ ẽbẽraanna Nyekuci tabiittaa cĩnnĩ, hĩĩ ꞌthooyyiahit cĩ Yeesu Krĩstõ. Heheedihi naa waraga icci eet ꞌcĩg ẽllẽẽmĩth cĩg Nyekuci ꞌtaaũnaa cĩ Eevvetho. Eet ꞌcĩg aꞌthũũnnĩ thõõth cĩ Yeesu Krĩstõ nẽ ĩĩtõ nuyyiook cĩgĩnnĩg.

Kolooꞌthe 2:1

Hadiimmuung naa ngagiit agaac ngaatĩ hadticaniini naa gẽrrẽẽt, hĩnĩngĩtĩ ngagiit hĩ eet ꞌcĩg aattĩg ꞌtaaũnaa cĩ Laodicea hĩ ꞌcĩg nga homottiooa hĩ nganĩĩt vẽlẽk.

1 Timotteeo 1:3

Ma baa hũũha naa ĩĩcĩ Maccedoonia, baa haduhaakii nganiit hanneekii au nõõ ꞌtaaũnaa cĩ Eevvetho, hátĩ bĩlĩ eet ꞌcĩg allimaneek eet thõõth ꞌcĩ hõllõngaa ĩĩn dĩdĩ.

Terethiinit 1:17

Ma baa hadtuuha ĩnõõnnõ ho, hẽttẽẽda looc ꞌthõõnĩĩ cĩgĩnnĩg haau hĩ ẽẽtĩ ꞌcĩ hadaaha ẽlẽk. Nĩngĩtĩ ataadĩka aꞌthiit cĩnnĩ cobbi nẽ ĩnnĩhaa, “Ma hiꞌngolli! Nganĩĩt ꞌcĩ hiꞌthianẽẽkĩ hẽlẽggĩ vẽlẽk nẽ nganĩĩt ꞌcĩ hadtuurna.

Terethiinit 1:19

“Tẽhẽẽd thooꞌthiok vẽlẽk ꞌcĩg acĩnĩ nii ho loota, hĩ hẽlẽggĩ ꞌcĩg aattĩg ꞌyioko, hĩ hẽlẽggĩ ꞌcĩg hatĩ au urutaa ꞌcĩ thooꞌthiok iccig.

Terethiinit 1:2

Nẽ ikia uduha Yõaannẽ thooꞌthiok vẽlẽk ꞌcĩg baag acĩn nẽẽ nyeemuutaa cĩ Nyekuci, hĩ thooꞌthiok vẽlẽk ꞌcĩg baag aduha Yeesu Krĩstõ, hĩ ꞌcĩg adĩmanĩ.

Terethiinit 1:20

Haduhaakii ꞌyioko thõõth cĩ mũnyũny ꞌcĩg ĩĩn tũkĩramma, ꞌcĩg acini nii aattĩg ĩĩcĩ aꞌthiit caannĩ cobbi ho, hĩ ꞌthĩĩk tũkĩramma ꞌcĩg ĩĩn ꞌdaab, ꞌcĩg aꞌnyak ꞌlõõmẽẽt ko buúk. Abĩllĩ mũnyũnya ꞌcĩg ĩĩn tũkĩramma ho nĩngĩtĩ aajĩlẽẽt cĩg lothippiꞌnya cĩg lemmioohu, ꞌcĩg ĩĩn tũkĩramma ho nẽ ibilli ꞌthĩĩha ꞌcĩg ĩĩn tũkĩramma ꞌcĩg aꞌnyak ꞌlõõmẽẽt ko, nĩngĩtĩ lothippiꞌnya cĩg lemmioohu.”

Terethiinit 1:4

Halaiinnuung naa Yõaannẽ ngagiit lothippiꞌnya cĩg lemmioohu ꞌcieethinii cĩg laiittak, ꞌcĩg iiginnu tũkĩramma looccaa cĩ Aaꞌthia. Aggatanuung Nyekuci ꞌcĩ aaĩ ꞌyioko, ꞌcĩ baa aalla baarkit hĩ ꞌcĩ hatĩ aku horumwa, ĩĩtõ tarbalĩg nẽ aauttu lõꞌngõõc hĩ loriẽẽt ꞌcĩg ĩĩn tũkĩramma, ꞌcĩg aattĩg muumaa cĩ Nyekuci nẽ irriamatteek dtaaba cĩnnĩ.

Terethiinit 1:8

Õthõõth Makayyioohiti Nyekuci aĩ, “Nganĩĩt ꞌcĩ hiꞌthianaanĩ nẽ hudtuura. Baa haalla haaĩ baangaani nẽ nga haalla noho nẽ hakuu hatĩ tarĩ. Nganĩĩt ꞌTirriannioohit ꞌcĩ hĩllõõani vẽlẽk.”

Terethiinit 10:4

Ma baa ĩbĩlĩt molookwaana cĩg bõrõhẽẽn ꞌcĩg ĩĩn tũkĩramma ho nẽ haĩ hẽtẽhẽẽd thõõth ꞌcĩ aduha nẽẽg ko loota, anneeka hinnia mõlõõhĩ umwaa hẽẽtahujjieen nẽẽ, “Ma heheedi thooꞌthiok nicciag loota, migithõõĩ.”

Terethiinit 14:13

Nĩngĩtĩ hathĩknĩ molook cĩ aku hẽẽtahujjieen aĩ, “Tẽhẽẽd thõõth icci loota. Iꞌthianaanĩ kõr nicci, aggatan hatĩ Makayyioohiti eet ꞌcĩg adaahĩ, hĩnĩngĩtĩ ẽlẽmĩ nẽẽg ĩnõõnnõ.” Ẽdẽcĩ Lorii ꞌcĩ Ẽllẽẽmĩthĩ aĩ, “Eei, ammũda hatĩ nẽẽg ꞌyiomman dtiicaa cĩnĩĩng õkõmĩ ho nẽ tarĩ, hatĩ aaꞌnyĩhoothĩk ĩhõõggõ ꞌbaaniniti ꞌcĩ adũman dtiic cĩnĩĩng.”

Terethiinit 19:9

Ma ho, õthõõthahaa aajĩlõ ĩnnĩhaa, “Tẽhẽẽd thõõth nicciaa loota. Aggatan hatĩ Nyekuci eet vẽlẽk ꞌcĩg au nyahũũtaawaa cĩ Mĩꞌnyoono.” Nẽ õthõõthahaa aajĩlõ tarĩ ĩĩnnĩhaa, “Ĩĩn thooꞌthioha cieeg vẽlẽk ꞌcĩg aduha Nyekuci dĩdĩ.”

Terethiinit 2:1

Nẽ ĩnnĩhaa Yeesu nẽẽ, “Teheedĩk waraga aajĩlõ cĩ lothippit cĩ lemmioohu ꞌtaaũnaa cĩ Eevvetho. “Duhaak anneek, aku nyeemuut nicciaa hĩ eet ꞌcĩ aggam mũnyũny tũkĩramma attiaa cobbi, nẽ õtõ hõrggẽẽnaa cĩ ꞌthĩĩk tũkĩramma ꞌcĩg ĩĩn ꞌdaab, ꞌcĩg aꞌnyak ꞌlõõmẽẽt.

Terethiinit 2:12

Ma ho ĩnnĩhaa Yeesu nẽẽ, “Teheedĩk waraga aajĩlõ cĩ lothippit cĩ lemmioohu, ꞌtaaũnaa cĩ Pẽrgamo. “Duhaak anneek, nyeemuut ꞌcĩ aku hĩ eet ꞌcĩ aꞌnyak nyetuboot ꞌcĩ ꞌlẽhẽdĩ gẽrrẽẽt nicciaani.

Terethiinit 2:18

Nẽ ĩnnĩhaa Yeesu nẽẽ, “Teheedĩk waraga aajĩlõ cĩ lothippit cĩ lemmioohu, ꞌtaaũnaa cĩ Thiatira. “Duhaak anneek, nyeemuut nicciaa ꞌcĩ ĩꞌthõõa Ngeertĩ Nyekuci, ꞌcĩ alanyĩt hẽbẽrĩ haauto hĩ lanyit cĩ ꞌgwoyyio nẽ attaalito ꞌthoona hĩ ꞌthĩĩha ꞌcĩg attalĩthĩ.

Terethiinit 2:24

Nẽ thĩ nẽẽꞌthẽk niig ũgẽẽgĩ ꞌtaaũnaa cĩ Thiatira ho, hõllõngaa anuyyu thõõth ꞌcĩ abathĩ ꞌcĩ allimaneekuung ngaa nicciee ho. Nẽ hõllõngaa agayyu thõõth ꞌcĩ anneek nuyyiooha cĩgĩnnĩg, ‘ꞌGii dĩdĩ ꞌcĩ ammiꞌthẽẽnĩ ꞌThĩttaanĩ.’ Nẽ hanneekuung, iittiõõ hatĩ hõllõngaa hatattadeekuung pĩĩrnanĩt umwa tarĩ.

Terethiinit 2:8

Nẽ ĩnnĩhaa Yeesu nẽẽ, “Teheedĩk waraga aajĩlõ cĩ lothippit cĩ lemmioohu, ꞌtaaũnaa cĩ Thĩmĩrna. “Duhaak anneek, nyeemuut nicciaa ꞌcĩ aku hĩ eet ꞌcĩ baa iꞌthianaanĩ hẽlẽggĩ vẽlẽk nẽ udtuura. Baa adaaha nẽ ꞌyioko kõr icci ũrũga.

Terethiinit 21:5

Ma ho, ikia õthõõthahaa Nyekuci ꞌcĩ iccioloongan dtaabawa ho ĩnnĩhaa, “Haaꞌnyihi hatĩ naa hẽlẽggĩ vẽlẽk hĩĩtõ ngeju!” Nẽ tarĩ, õthõõthahaa ĩnnĩhaa, “Tẽhẽẽd thõõth ꞌcĩ haduhaakii naa ho loota, hĩnĩngĩtĩ haduhaakii thõõth ꞌcĩ ĩĩn dĩdĩ, ꞌcĩ occa elemi niina.”

Terethiinit 22:10

Nẽ uduhaaha tarĩ ĩnnĩhaa, “Ma hammiꞌthẽẽnĩ thooꞌthiok ꞌcĩg aduha ꞌbuuhi cieeni, hĩnĩngĩtĩ edeeꞌnyia hatĩ hẽlẽggĩ cieeg vẽlẽk hĩdĩĩkoothong.

Terethiinit 22:16

“Nganĩĩt Yeesu! Nẽ nganĩĩt ꞌcĩ hĩꞌthõõakii nganiit aajĩlõ caannĩ ho, hikia huduhaahi thooꞌthiok iccig, hátĩ hĩthĩhĩt lothippiꞌnya cĩg lemmioohu vẽlẽk. Hĩĩnĩ naa habuccieet cĩ hattũũg cĩ õlõ cĩ Daavide. Nẽ Hĩĩnĩ coobooc gõõng aara ngerrenita.”

Terethiinit 3:1

Nẽ ĩnnĩhaa Yeesu nẽẽ, “Teheedĩk waraga aajĩlõ cĩ lothippit cĩ lemmioohu ꞌtaaũnaa cĩ Thaardithi. “Duhaak anneek, ĩĩn ciee nyeemuut ꞌcĩ aku hĩ eet ꞌcĩ aꞌnyak Loriẽẽt cĩg Nyekuci tũkĩramma, hĩ mũnyũny tũkĩramma, ‘Haga naa thooꞌthiok vẽlẽk ꞌcĩg adĩmannu niiga. Ammuku oho ainnu nga arũgnu niiga, ĩko nẽẽ adaaktu ẽlẽk.’

Terethiinit 3:14

Nẽ ĩnnĩhaa Yeesu nẽẽ, “Teheedĩk waraga aajĩlõ cĩ lothippit cĩ lemmioohu ꞌtaaũnaa cĩ Laodicea. “Duhaak anneek, aku nyeemuut ciee hĩ eet ꞌcĩ haĩ Aamẽn, eet ꞌcĩ ẽlẽmĩ Nyekuc nẽ ĩĩ hebereec ꞌcĩ ĩĩn dĩdĩ, ĩĩn nẽẽ eet ꞌcĩ aggam looc ꞌcĩ ĩĩn ngeju ꞌcĩ nga ẽhẽnyta Nyekuci thõng.

Terethiinit 3:4

“Nẽ nga aꞌnyaku niig eet ũgĩ lothippitaa cĩ lemmiook cĩg Thaardithi, ꞌcĩg nga hĩdĩmanit thõõth ꞌcĩ abathĩ. Hõõkõrra hatĩ hĩ ĩhõõggõ, ahimit ceremwa ꞌcĩg õõrĩg, hĩnĩngĩtĩ abũnnaa nẽẽgĩ.

Terethiinit 3:7

Nẽ ĩnnĩhaa Yeesu nẽẽ, “Teheedĩk waraga aajĩlõ cĩ lothippit cĩ lemmioohu ꞌtaaũnaa cĩ Viladelvia. “Duhaak anneek, ĩĩn ciee nyeemuut ꞌcĩ aku hĩ eet ꞌcĩ ẽllẽẽmĩth ꞌcĩ ĩĩn dĩdĩ, ꞌcĩ aꞌnyak mũhũta cĩ Daavide. Má ubbuuk nẽẽ hattũũg, aitiõõ ẽẽtĩ ꞌcĩ occa aꞌnyũũg tarĩ tõõ nẽ má ũꞌnyũũga, aitiõõ ẽẽtĩ ꞌcĩ abbuuk tõõ.