ꞌRuuth 4:4 - ꞌBuuk cĩ Thõõth cĩ Nyekuci

⁴ Baa hammuhi haini, occa hõthõõth hĩ nganiit thõõth icci, hátĩ tũũwa looc. Má adiimi ũũta, tũũwa hẽbẽrẽẽnnĩĩ cĩg makayyiook iccig. Nẽẽthĩ má hõllõngaa adiimi, duhaahaa nganĩĩt haga, hĩnĩngĩtĩ iini nii eet cobbi nẽ hanueeki naa nganiita.” Nĩngĩtĩ ẽdẽcĩ ẽẽtĩ tĩho aĩnnĩ, “Hũũta hatĩnĩ.”

ꞌRuuth 4:4 ပူးပေါင်းရင်းမြစ်များ

ꞌThianaattõ 23:11

“Aitiõõ hõllõngaa aaĩ nohotaa makayyioohit caannĩ, hippotaneekii hatĩ naa nĩngĩtĩho vẽlẽk hĩ ilom buúk haaga, hẽbẽrẽẽnnĩĩ cĩg eet cĩgannĩg ko vẽlẽk, hátĩ mũtĩ ngaa cunni.”

ꞌThianaattõ 23:18

Baa nẽ iita agaacõ eeta cĩg Hiiti vẽlẽk, ꞌcĩg baag aattĩg ngaatĩ õbõhõõ hĩ hattũũg cobbi cĩ ꞌtaaũnõõ, aĩ ĩĩ mana tĩho cĩ Abũrahamĩ.

ꞌRooma 12:17

Ma haruhaannu oolo hĩ eet ꞌcĩ adĩmannuung ngagiit ꞌbuth. Nẽ ĩdĩmanit thooꞌthiok ꞌcĩg ammuk eeta vẽlẽk aĩ abũnnaa.

2 Korinthia 8:21

Nẽ hadiimma naag hadticanna ꞌgii ꞌcĩ aaꞌnyĩk Makayyioohit hatal nẽ aaꞌnyĩk eet hummuhit hĩĩtõ aũlan thõõth cieeni.

Pilippi 4:8

Nẽẽthĩ ꞌyioko, ꞌgotoonoga hĩ ngoonoga, thõõthaa ꞌcĩ adtuurna, ummuhit thooꞌthiok ꞌcĩg ĩĩn dĩdĩ hĩ thooꞌthiok ꞌcĩg hiꞌngolli hĩ thooꞌthiok ꞌcĩg aũlanĩ, hĩ thooꞌthiok ꞌcĩg tẽllĩg hĩ thooꞌthiok cĩg occa hammĩnanĩ hĩ thooꞌthiok ꞌcĩg accamana ꞌthinneeti. Ummuhit thooꞌthiok ꞌcĩg ẽllẽẽmĩth gẽrrẽẽt ꞌcĩg occa hadĩhĩthĩ.

ꞌRuuth 2:20

Nĩngĩtĩ annẽẽkĩ Naoomi alaannĩnĩ, “Aꞌnyĩĩk Makayyioohit haggatan ĩnõõnnõ! Atamaatĩheet Makayyioohiti ngagĩĩt ꞌcĩg nga harũgĩ ho, hĩ eet baaggaac adaahito buúk.” Nẽ tarĩ ĩĩ, “Ĩĩn ꞌBõathĩ ittioonniohit cĩnaac dẽẽdẽ, ĩĩn nẽẽ lommioohit ꞌcĩ occa aꞌthũũnnĩ ijjio cĩggaac nẽ ittira lõhõlĩ cĩg halang cĩnaac.”

ꞌRuuth 3:12

Nẽ dĩdĩ, hĩĩnĩ naa ittioonniohit cunuung ꞌcĩ maac cunni ꞌcĩ occa holommii nganiita, nẽẽthĩ hinnianĩ, aaĩ ittioonniohiti umwaa cĩ hattũũg cĩ maac cunni dẽẽdẽ.

ꞌRuuth 3:9

Nĩngĩtĩ ajini ꞌBõathĩ ngaa tĩho annẽẽkĩ, “Nganiit nganĩ?” Ẽdẽcĩ ngaa tĩho ꞌBõath anneek, “Makayyioohit caannĩ, nganĩĩt ꞌRuuth, bungaa baaĩ nuun eetocaa cĩ cẽrẽm cunni, hĩnĩngĩtĩ ĩĩnĩ nii lommioohit cĩ halang caannĩ.”