ꞌRuuth 3:9 - ꞌBuuk cĩ Thõõth cĩ Nyekuci

⁹ Nĩngĩtĩ ajini ꞌBõathĩ ngaa tĩho annẽẽkĩ, “Nganiit nganĩ?” Ẽdẽcĩ ngaa tĩho ꞌBõath anneek, “Makayyioohit caannĩ, nganĩĩt ꞌRuuth, bungaa baaĩ nuun eetocaa cĩ cẽrẽm cunni, hĩnĩngĩtĩ ĩĩnĩ nii lommioohit cĩ halang caannĩ.”

ꞌRuuth 3:9 ပူးပေါင်းရင်းမြစ်များ

ꞌLuuka 14:11

Ẽẽtĩ ꞌcĩ õdõng ẽlẽ cĩnnĩ ꞌgoonoginni vẽlẽk, arritanniaak hatĩ looc. Nẽ ẽẽtĩ ꞌcĩ arritan ẽlẽ cĩnnĩ, odoꞌngi hatĩnĩ.”

ꞌRuuth 2:20

Nĩngĩtĩ annẽẽkĩ Naoomi alaannĩnĩ, “Aꞌnyĩĩk Makayyioohit haggatan ĩnõõnnõ! Atamaatĩheet Makayyioohiti ngagĩĩt ꞌcĩg nga harũgĩ ho, hĩ eet baaggaac adaahito buúk.” Nẽ tarĩ ĩĩ, “Ĩĩn ꞌBõathĩ ittioonniohit cĩnaac dẽẽdẽ, ĩĩn nẽẽ lommioohit ꞌcĩ occa aꞌthũũnnĩ ijjio cĩggaac nẽ ittira lõhõlĩ cĩg halang cĩnaac.”

ꞌRuuth 3:10

Ma ngaati, ẽdẽc ꞌBõathĩ ĩĩ, “Aꞌnyĩĩk Makayyioohit haggataniina loholeec caannĩ. Hĩnĩngĩtĩ hõllõngaa ammĩnani nii iꞌnyinnuni diooni, ammĩnani eet cĩg halang cunni vẽlẽk, hátĩ hubuluꞌthiaa ꞌthaara cĩg maac cunni baa adaaha. Nẽ tarĩ hõllõngaa aallahi ngaatĩ occa aꞌthũwanni nyahaappanĩta, tananga ꞌcĩg aballi hode ꞌcĩg ĩĩn hullaha, akuu hinnia hĩ nganĩĩt nẽ ĩĩnnĩhaa lõmaanĩ.

ꞌRuuth 3:12

Nẽ dĩdĩ, hĩĩnĩ naa ittioonniohit cunuung ꞌcĩ maac cunni ꞌcĩ occa holommii nganiita, nẽẽthĩ hinnianĩ, aaĩ ittioonniohiti umwaa cĩ hattũũg cĩ maac cunni dẽẽdẽ.

ꞌRuuth 3:8

Ma baa baal hõrggẽẽna, ukuleek ꞌBõathĩ ꞌjieen. Ma baa ũũkcĩ ho, acĩn hinnia ngaa umwa oongi ĩĩcĩ ꞌthoo cĩgĩnnĩg!

ꞌRuuth 4:4

Baa hammuhi haini, occa hõthõõth hĩ nganiit thõõth icci, hátĩ tũũwa looc. Má adiimi ũũta, tũũwa hẽbẽrẽẽnnĩĩ cĩg makayyiook iccig. Nẽẽthĩ má hõllõngaa adiimi, duhaahaa nganĩĩt haga, hĩnĩngĩtĩ iini nii eet cobbi nẽ hanueeki naa nganiita.” Nĩngĩtĩ ẽdẽcĩ ẽẽtĩ tĩho aĩnnĩ, “Hũũta hatĩnĩ.”

ꞌRuuth 4:6

Ẽdẽcĩ ittioonniohiti ciee ꞌBõath anneek, “Aitiõõ naa hõllõngaa occa hũũta looc iccia, hĩnĩngĩtĩ hadhuheehi hatĩ looc caannĩ ho tuu uruta. Tũũwa nẽẽ nii looc, aitiõõ naa hõllõngaa occa hũũta.”