ꞌRuuth 3:14 - ꞌBuuk cĩ Thõõth cĩ Nyekuci

¹⁴ Nĩngĩtĩ oongiyyi ꞌRuuthi ĩĩcĩ ꞌthoo cĩg ꞌBõathĩ ĩꞌthõng hõbõhĩ alĩĩthĩ, nẽẽthĩ, baa ĩꞌngaathĩ nẽẽ baa nga hõbõrrõõng uruto. Ma nĩngaata, uduhaak ꞌBõathĩ ꞌRuuth ĩĩnnĩk, “Ma haaꞌnyihi eet umwa haga ngaatĩ akuuni baa ngaa umwaa hilongana ngaati baal.”

ꞌRuuth 3:14 ပူးပေါင်းရင်းမြစ်များ

ꞌRooma 12:17

Ma haruhaannu oolo hĩ eet ꞌcĩ adĩmannuung ngagiit ꞌbuth. Nẽ ĩdĩmanit thooꞌthiok ꞌcĩg ammuk eeta vẽlẽk aĩ abũnnaa.

ꞌRooma 14:16

Ma haaꞌnyihi thõõth cunni ꞌcĩ adahĩ ꞌgẽẽn, haꞌnyahaak Krĩstõ ngaaoni.

1 Korinthia 10:32

Ma haĩnanaannu eet umwa hẽttẽẽd looc, hode ꞌJudeeinit hode ꞌGiriheenit hode lothippit cĩ lemmiook cĩg Nyekuci,

2 Korinthia 8:21

Nẽ hadiimma naag hadticanna ꞌgii ꞌcĩ aaꞌnyĩk Makayyioohit hatal nẽ aaꞌnyĩk eet hummuhit hĩĩtõ aũlan thõõth cieeni.

1 Tẽꞌthaloonika 5:22

Ũtũbũrĩt thooꞌthiok vẽlẽk ꞌcĩg abathĩ.

1 Pẽẽtũrũ 2:12

Aaut jurrung hatĩ arũmeennu hĩ eet ꞌcĩg nga helemit Nyekuc, tananga õhõppõõcannuung nẽẽg ngagiit thooꞌthiohĩĩ ꞌcĩg abathĩ. Ma hatĩ kõr ꞌcĩ ẽttẽẽdĩ Nyekuci thooꞌthiok, adĩhĩth hatĩ nẽẽg Nyekuc ngaatĩ aduhaanĩ thooꞌthiok ꞌcĩg abũnnaa ꞌcĩg baag acĩn adĩmani niina.

ꞌRuuth 3:15

Ma nĩngaata, ĩĩnnĩk tarĩ ꞌBõathĩ ꞌRuuth, “Daaĩ ngĩtõõga cunni hataa nẽ ẽbbẽttaanu ngaati.” Nĩngĩtĩ adamtiaakĩ ꞌBõathĩ ĩnõõnnõ haal tabattĩ tõrkõnõn nẽ ĩcĩĩdĩhĩ ngĩtõõgawatõõ nẽ õdõngẽẽhĩ iꞌnyiaawa. Nĩngĩtĩ õbõdõõꞌthĩ ꞌBõathĩ ꞌtaaũna.