ꞌRuuth 3:10 - ꞌBuuk cĩ Thõõth cĩ Nyekuci

¹⁰ Ma ngaati, ẽdẽc ꞌBõathĩ ĩĩ, “Aꞌnyĩĩk Makayyioohit haggataniina loholeec caannĩ. Hĩnĩngĩtĩ hõllõngaa ammĩnani nii iꞌnyinnuni diooni, ammĩnani eet cĩg halang cunni vẽlẽk, hátĩ hubuluꞌthiaa ꞌthaara cĩg maac cunni baa adaaha. Nẽ tarĩ hõllõngaa aallahi ngaatĩ occa aꞌthũwanni nyahaappanĩta, tananga ꞌcĩg aballi hode ꞌcĩg ĩĩn hullaha, akuu hinnia hĩ nganĩĩt nẽ ĩĩnnĩhaa lõmaanĩ.

ꞌRuuth 3:10 ပူးပေါင်းရင်းမြစ်များ

ꞌThianaattõ 24:31

“Ne ꞌcĩ abillu battaala ngaati ho? Hõõt ĩĩcĩ olu. Aggatannii Makayyioohiti nganiita, hũkũmaneeha naa ꞌcieeth ꞌcĩ occa ooginnu õlõõ cĩnaang ẽlẽk hĩ nĩngĩtĩ ꞌcĩ occa ooginni nyaakaalnya buúk.”

ꞌRuuth 1:8

Ma ꞌgõõla, ũũk ĩĩnnĩk Naoomi alawanĩt cĩgĩnnĩg, “Oboddiooth ĩĩcĩ olooyyiok cĩg morwak cugguung. Aꞌnyĩĩk Makayyioohit hĩĩ tarbal hĩ ngagiit haau hĩ baa iiginnu niig tarbalĩg hĩ maaccwa cugguung baag adaahito, hĩ nganĩĩt buúk.

ꞌRuuth 2:11

Ẽdẽcĩ hinnia ꞌBõathĩ aĩ, “Hĩthĩha naa ꞌgii vẽlẽk baa adĩmaneehi nii iꞌnyinnuni ngaanĩngĩ baa adaaknĩ maac cunnẽẽnĩ. Nẽ tarĩ hĩthĩha ꞌgõõl ꞌcĩ ũũnnĩkĩĩ nii maaꞌnyu hĩ ngaanu hĩ looc cunni nẽ iita ũrũmteeu hĩ eet ꞌcĩg looc ꞌrĩĩng pir ko.

ꞌRuuth 2:20

Nĩngĩtĩ annẽẽkĩ Naoomi alaannĩnĩ, “Aꞌnyĩĩk Makayyioohit haggatan ĩnõõnnõ! Atamaatĩheet Makayyioohiti ngagĩĩt ꞌcĩg nga harũgĩ ho, hĩ eet baaggaac adaahito buúk.” Nẽ tarĩ ĩĩ, “Ĩĩn ꞌBõathĩ ittioonniohit cĩnaac dẽẽdẽ, ĩĩn nẽẽ lommioohit ꞌcĩ occa aꞌthũũnnĩ ijjio cĩggaac nẽ ittira lõhõlĩ cĩg halang cĩnaac.”

ꞌRuuth 2:4

Ma baa ũtũngeek ꞌBõathĩ Bẽtẽlẽm nẽ ũũk manaa cĩnnĩ, ũũk ĩꞌtha nẽẽ janniook nẽ ĩĩnnĩk, “Aꞌnyĩĩk Makayyioohit haau hĩ ngagiita!” Ẽdẽcĩ janniooha aĩ, “Aꞌnyĩĩk Makayyioohit haggattanii nganiita!”

ꞌRuuth 3:9

Nĩngĩtĩ ajini ꞌBõathĩ ngaa tĩho annẽẽkĩ, “Nganiit nganĩ?” Ẽdẽcĩ ngaa tĩho ꞌBõath anneek, “Makayyioohit caannĩ, nganĩĩt ꞌRuuth, bungaa baaĩ nuun eetocaa cĩ cẽrẽm cunni, hĩnĩngĩtĩ ĩĩnĩ nii lommioohit cĩ halang caannĩ.”