ꞌRuuth 2:4 - ꞌBuuk cĩ Thõõth cĩ Nyekuci

⁴ Ma baa ũtũngeek ꞌBõathĩ Bẽtẽlẽm nẽ ũũk manaa cĩnnĩ, ũũk ĩꞌtha nẽẽ janniook nẽ ĩĩnnĩk, “Aꞌnyĩĩk Makayyioohit haau hĩ ngagiita!” Ẽdẽcĩ janniooha aĩ, “Aꞌnyĩĩk Makayyioohit haggattanii nganiita!”

ꞌRuuth 2:4 ပူးပေါင်းရင်းမြစ်များ

ꞌThianaattõ 18:19

Baa hẽbẽra naa ĩnõõnnõ, hátĩ heteretheek lõhõlĩ cĩgĩnnĩg hĩ lõhõlĩ cĩg lõhõlĩ cĩgĩnnĩg, hĩthĩhĩt hatĩ gõõng nẽ uꞌthuutti thõõth cĩ Makayyiookto, ngaatĩ adĩmanĩ thooꞌthiok ꞌcĩg aũlanĩ ꞌcĩg ĩĩn dĩdĩ, hátĩ haꞌnyahaak Makayyioohiti Abũrahaamõ thooꞌthiok baag aduhaak nẽẽ ĩnõõnnõ.”

ꞌThianaattõ 28:3

Nẽ aggatan tarĩ ĩĩnnĩk, “Aꞌnyĩĩk haggatanii Nyekuci ꞌTirriannioohiti ꞌcĩ ĩllõõan vẽlẽk nẽ aaꞌnyi ꞌtira lõhõlĩ ꞌcĩg mẽẽlĩg ĩꞌthõng ĩĩ maaꞌnyĩ eet ꞌcĩg mẽẽlĩg looccaa nĩĩcĩ.

ꞌLuuka 1:28

Nĩngĩtĩ õkõõĩ aajĩlõ ꞌGaburẽẽlẽ ĩꞌthõng hõdõlan Maria nẽ ĩꞌtha ĩnõõnnõ ĩĩnnĩk, “Hĩꞌthaayyina loholeec ciee accamanaanni Makayyioohiti ho! Aaĩ Makayyioohiti hĩ nganiita.”

2 Tẽꞌthaloonika 3:16

Halayyi naa haini, aꞌnyĩĩk Makayyioohit cĩ ganõõnõ haaꞌnyuung ngagiit ganõn waathinniook vẽlẽk hĩ ꞌgoolliohĩ vẽlẽk. Aꞌnyĩĩk Makayyioohit haau hĩ ngagiit vẽlẽk.

1 Timotteeo 6:2

Má aꞌnyaku niig eeta ꞌcĩg iiginnu appahacaaꞌnya makayyiook cugguung ꞌcĩg ĩĩn lemmiook cĩg Nyekuci, ma hamaaccu makaaꞌthĩt cĩnĩĩng, hĩnĩngĩtĩ ĩĩn nẽẽg ꞌgotoonogu ꞌthaarĩĩ cĩg Yeesu nẽ ammĩnannu niig buúk ĩhõõggõ. ꞌLimman thooꞌthiok iccig jurrung.

2 Timotteeo 4:22

Aꞌnyĩĩk Makayyioohit haau loriiaa cunni. Aꞌnyĩĩk bũnnai cĩ Nyekuci haau hĩ ngagiita.

ꞌRuuth 2:3

Ma baa õkõ anuoothi ꞌRuuthi eet ꞌcĩg ajanni ĩĩcĩ uruto ahuurothi haal ko, ĩko hinnia ẽbẽanoothĩk mana cĩ ꞌBõathĩ dẽẽdẽ, eet ꞌcĩ baa aku habuccieetaa cĩ Elimẽlẽhĩ.

ꞌRuuth 2:5

Ma baa adtuuha ꞌBõathĩ ꞌRuuth manatõõ tõõ ho, ijin makayyioohit cĩ janniook cĩgĩnnĩg ĩĩnnĩk, “ꞌCĩ nganĩ thĩnõ loholeec caa?”

ꞌRuuth 4:11

Nĩngĩtĩ ẽdẽcĩ makayyiooha hĩ eet vẽlẽk ꞌcĩg baag aattĩg hattũũgaa cobbi aĩnnĩ, “Hĩĩgĩnna naag hẽbẽrĩ cĩg thõõth icci! Aꞌnyĩĩk Makayyioohit haaꞌnyĩk ngaa icci aku õlõõ cunni ho, hittira lõhõlĩ ꞌcĩg mẽẽlĩg haau hĩ baa Rakĩlẽ hĩ Lẽẽa, baag arrittiaanĩ eeta cĩg Ĩꞌthĩraẽlĩ! Aꞌnyĩĩk haaꞌnyi Makayyioohiti baliinit hattũũgaa cĩ Ẽvarathĩ nẽ ubuli Bẽtẽlẽma.