ꞌRuuth 2:13 - ꞌBuuk cĩ Thõõth cĩ Nyekuci

¹³ Ma ho, ĩĩnnĩk ꞌRuuthi ĩnõõnnõ, “Makayyioohit caannĩ, hammuhi hĩcĩ haĩ occa nuun aalla acĩnnaa nii nganĩĩt ꞌthĩnĩtaa cĩ alalĩ hõdõõkõthĩ. Aaꞌnyaa nii nganĩĩt haccamanoothĩk, hĩnĩngĩtĩ othoothĩkaa ꞌthĩnĩtaa ꞌcĩ alalĩ, tananga hõllõngaa hĩĩnĩ dticciannioohit umwa cunni buúk.”

ꞌRuuth 2:13 ပူးပေါင်းရင်းမြစ်များ

ꞌThianaattõ 32:6

Ma baa oboddia dticcianniooha, iita uduktaak nẽẽg Yakobo ĩĩttĩk, “Hõdõlatta ꞌgotonu. Ovvooyyia nẽẽ ꞌyioko ꞌgõõla, õõkõra hĩ eet ꞌcĩg maacĩg ꞌmiiaꞌnya ꞌwec, adiim au ommotoonnu hĩ nganiita.”

ꞌThianaattõ 33:10

Ẽdẽcĩ Yakobo anneek, “Aitiõõ ẽlẽ, má nuun accamanannaanĩ, lẽẽm ꞌbaaninit caannĩ ho. Nẽ ꞌyioko, ma hacinnii nganiit ngaatĩ accamanaanna nganĩĩt hoti ho, aaĩ hĩcĩ hacini muum cĩ Nyekuci.

ꞌThianaattõ 33:15

Ẽdẽcĩ Eꞌthaau Yakobo anneek, “Abũnnaa, ĩꞌnya thĩ hutungeeki eet ũgĩ eetinii ĩcĩgannĩg ko hebekti nganiita.” Ẽdẽcĩ Yakobo anneek, “Aitiõõ hõllõngaa aaddi, ũũppanaa nganĩĩt thõõth ꞌcĩ ẽlẽmma nii nganĩĩt taliitta makayyioohit caannĩ.”

ꞌThianaattõ 33:8

Ma baa ĩꞌthaayyio nẽẽg ẽlẽk, ijin Eꞌthaau Yakobo ĩĩnnĩk, “Cĩheeggi hẽlẽggĩ ꞌcĩg ĩꞌthõõakaa hommotoonna ꞌgõõla ho?” Ẽdẽcĩ Yakobo anneek, “Ĩĩn ꞌbaaninit ꞌcĩ nuun haaꞌnyii naa nganiit, hátĩ haaut lõꞌngõõc.”

ꞌThianaattõ 34:3

Ma baa adtuuha ꞌThẽkẽmĩ ngaatĩ ĩĩnnĩ ꞌDiina tĩnaatĩ Yakobo bũhẽẽc ꞌcĩ ẽllẽẽmĩth gẽrrẽẽt ko, ikia accamana ĩnõõnnõ gẽrrẽẽt nẽ ũllũlũũman aĩ, hátĩ hẽlẽm ĩnõõnnõ.

ꞌThianaattõ 43:14

Aꞌnyĩĩk Nyekuc ꞌTirriannioohit ꞌcĩ ĩllõõan vẽlẽk, haaꞌnyĩk makayyioohit tĩho halal ꞌthĩnĩt, hátĩ haaꞌnyĩk Benyemiino hĩ ꞌgotonu baa uunniku nĩĩcĩ buúk, hoboddia lõꞌngõõc. Má idiim lõõcĩ aggamaawa lõhõlĩ hĩĩ ꞌthĩĩ buúk, aꞌnyĩĩk haggamawaanĩ.”

Pilippi 2:3

Ma hĩĩgĩnnu muruꞌthiook nẽ ma hathĩngõõnyaneeku ꞌgoonogu. Irritatta eleeti cugguung hĩĩtõ hĩdĩcĩg nẽ icittu ꞌgoonogu haauto hĩcĩ ĩllõõannuung ngagiita.

ꞌRuuth 2:12

Aꞌnyĩĩk Makayyioohit Nyekuc cĩ Ĩꞌthĩraẽlĩ ꞌcĩ aku adiimi nii huꞌthuutti nganiit ko, hũdũmanii jurrung, hĩnĩngĩtĩ thõõth ꞌcĩ adĩmani ho.”

ꞌRuuth 2:14

Ma baa duhẽẽtta, ũtũvvũ ꞌBõathĩ ꞌRuuth ĩĩnnĩk, “Ijjia hudukto. ꞌTiik ũbũnĩ cieeni, ꞌnyõllaneek viinoaa ꞌcĩ ẽmmẽdĩ ho.” Nĩngĩtĩ aku aayyi ꞌRuuthi loota arũmẽẽnĩ hĩ janniook nẽ aaꞌnyĩk ꞌBõathĩ ĩnõõnnõ haal ꞌcĩg ĩwaaddi hadak. Ma nĩngaata, adahõ ꞌRuuthi ĩꞌthõng hũũppanĩ hinyigitha ũgĩ.