ꞌRuuth 1:11 - ꞌBuuk cĩ Thõõth cĩ Nyekuci

¹¹ Ẽdẽcĩ hinnia Naoomi ĩhõõggõ anneek, “Lõhõlẽẽtĩg, oboddiooth ĩĩcĩ olooyyiok cugguung! Nga ꞌyioko ꞌthẽk anũaannangu niig nganĩĩt ne? Occa ꞌthẽk nga harrita naa lõhõlĩ ꞌcĩg maacĩg ũgĩ ꞌcĩg occa alĩꞌtha hiita holomttuung ngagiita?

ꞌRuuth 1:11 ပူးပေါင်းရင်းမြစ်များ

ꞌThianaattõ 38:11

Ma ngaati, ũtũvvũ ꞌJuuda alaannĩnĩ Tamar nẽ ĩĩnnĩk, “Bodooth mĩĩ nuun nõõ ĩĩcĩ õlõ cĩ maaconu. Bĩĩt nõõ ꞌthẽk au ĩĩ ngaatĩbõyyĩ ĩĩca ĩꞌthõng hĩtĩlĩtha ꞌThẽẽla, nẽ iita ũrũmteeu hĩ ĩnõõnnõ.” Baa aduhaak ꞌJuuda Tamar hoti, hĩnĩngĩtĩ baa iꞌngolli nẽẽ aĩ, aku mõnõ hatĩ adaahĩ ꞌThẽẽla buúk hĩ baa ꞌgotoonoggia tarĩ thõng. Nĩngĩtĩ õkõõĩ Tamarĩ ĩĩcĩ õlõ cĩ maacõnĩ.

ꞌThianaattõ 38:9

Abũrĩ hinnia Õnaanĩ ngaatĩ õlõmĩ ngagõtõnõõnĩ, hĩnĩngĩtĩ agaoothi aĩ, aitiõõ hatĩ loholeec ꞌcĩ arrittiaa hõllõngaa ĩĩn cĩnnĩ. Nẽ ma adiim oogin hĩ ngaa nicci, attumaniini hinnia ĩnõõnnõ haaga hõllõngaa arritaak loholeec ũdũt.

ꞌRuuth 1:10

Ma ho, õthõõth hinnia alawanĩta aĩ, “Aitiõõ! Hookorit ꞌthẽk ĩꞌthõng eet cugunnig.”

ꞌRuuth 1:12

Lõhõlẽẽtĩg, oboddiooth ĩĩcĩ olooyyiok cugguung! Iittiõõ hatĩ eet ꞌcĩ nga õlõmma nganĩĩt ꞌcĩ hĩĩna morwahit haaga ho tõõ. Tananga hõlõma eet umwaa nganĩĩt hatĩbaal nẽ hittirriawa lõhõlĩ ꞌcĩg maacĩg,