ꞌRooma 9:5 - ꞌBuuk cĩ Thõõth cĩ Nyekuci

⁵ Ĩĩn Abũrahamĩ hĩ Iꞌthaako hĩ Yakobo maajihi cĩggĩĩng nẽ baa ĩĩn Yeesu Krĩstõ buúk Ĩꞌthĩraẽleenit hĩ ẽẽtĩ ꞌcĩ holli õõ. Nẽ ĩĩn nẽẽ Nyekuc, ꞌcĩ aggam looc vẽlẽk, hátĩ hĩdĩhĩthĩt eeta ĩnõõnnõ ooo! Aamẽn.

ꞌRooma 9:5 ပူးပေါင်းရင်းမြစ်များ

ꞌThianaattõ 12:3

Haggatani hatĩ naa eet ꞌcĩg aggatannii nganiita, nẽ hĩccĩĩna eet ꞌcĩg acciinni nganiita. Haggatani hatĩ naa eet loonyini vẽlẽk, hĩnĩngĩtĩ nganiita.”

ꞌThianaattõ 49:10

Aitiõõ hatĩ ẽẽtĩ ꞌcĩ occa aggama makaaꞌthĩt cĩ ꞌJuuda tõõ, hode nẽẽ hĩbahĩt cĩnnĩ cĩ makaaꞌthĩtõõ haaga, ĩꞌthõng hikia baattĩ hĩbahĩtõ, nẽ elemit loonyini vẽlẽk thõõth cĩnnĩ.

Maatteeo 28:20

õõt illimanit ĩhõõggõ jurrung hĩthĩhĩt thõõth vẽlẽk baa hallimaneekuung naa ngagiita. Nẽ dĩdĩ, harũmĩ hatĩ gõõng naag hĩ ngagiit hõdõõkõthĩ ĩꞌthõng kõr cĩ decciaanĩt cĩ lootu.”

Maatteeo 6:13

Ma haaꞌnyeet ngagĩĩt hĩttĩmaneet ꞌThĩttaanĩ, nẽẽthĩ, õgaaeet ngagĩĩt ꞌtĩmmaniittaa cĩ ꞌThĩttaanõ.’

ꞌLuuka 20:44

“Ma avvĩ Daavide ĩnõõnnõ anneek, ‘Makayyioohit,’ nẽ tarĩ ikia ĩĩ nẽẽ ngeertĩ Daavide hutuno?”

Yõaannẽ 10:30

Hĩĩgĩnna naag hĩ Baaba hõdẽẽthõng.”

Dtiicanĩ cĩg ꞌThooyyiahu 20:28

Uꞌthuutti eleeti cugguung nẽ ũtũhayyu lothippit cĩ lemmiook baag aaꞌnyuung Lorii ꞌcĩ Ẽllẽẽmĩth ngagiit ũtũhaac. Ĩĩtõ tũhayyiook cĩg lothippit cĩ lemmiook cĩg Nyekuci, baa ũũta nẽẽ biyyiẽẽtĩĩ cĩgĩnnĩg.

Dtiicanĩ cĩg ꞌThooyyiahu 3:13

Nyekuc cĩ Abũrahamĩ hĩ cĩ Iꞌthaako hĩ cĩ Yakobo, Nyekuc cĩ hĩbaangĩ cĩggaac ꞌcĩ aggatan dticciannioohit cĩnnĩ Yeesu baa õhõppõõcannu niig huruhi. Baa aburru niig Yeesu hẽbẽrẽẽnnĩĩ cĩg Pĩlaatõ, tananga baa adiim alahaneek Pĩlaatõ ĩnõõnnõ hũũk.

ꞌRooma 1:25

Iita ũtũngteek nẽẽg thõõth cĩ Nyekuci ꞌcĩ ĩĩn dĩdĩ nẽ idticattõõĩ thõõth ꞌcĩ ĩĩn õlõng, ala nẽẽg nẽ idticattoothĩk hẽlẽggĩ ꞌcĩg ẽhẽnyta Nyekuci nẽ ũtũbũrĩt ngaatĩ alaĩ Teheꞌnyioohit ꞌcĩ adĩkꞌthĩ ooo. Aamẽn.

ꞌRooma 1:3

ĩĩn nyeemuut ciee abũnnaa ho, cĩ Ngeerĩnĩ baa aku arrittiaa hĩĩ eet hĩ naaga, hattũũgaa cĩ habu Daavide.

ꞌRooma 10:12

Hĩnĩngĩtĩ aduhõõ eeta ꞌcĩg ĩĩn ꞌJudeei hĩ eet ꞌcĩg hõllõngaa ĩĩn ꞌJudeei thõng, Makayyioohit hõdẽẽthõng dioo ꞌcĩ ĩĩn Makayyioohit cĩ eet vẽlẽk nẽ aggatan eet vẽlẽk gẽrrẽẽt ꞌcĩg ẽlẽmĩ ĩnõõnnõ.

ꞌRooma 11:28

Mẽẽlĩg eeta cĩg Ĩꞌthĩraẽlĩ ꞌcĩg ꞌyioko ĩĩn mĩrõk cĩg nyeemuut ꞌcĩ abũnnaa nẽ abũnnaa thõõth ciee hĩ ngagiit eet ꞌcĩg hõllõngaa iiginnu ꞌJudeei. Nẽ nga ĩĩn nẽẽg eet ꞌcĩg ammĩnan Nyekuci noho, hĩnĩngĩtĩ baa ẽbẽra nẽẽ hĩbaangĩ cĩggĩĩng Abũrahaamõ hĩ Iꞌthaako hĩ Yakobo.

1 Korinthia 14:16

ꞌYioko haauto tahana laiittaa cunuung, hatĩ adĩhĩꞌthu niig Nyekuc loriiaa cunuung nẽ hõllõngaa athiknuung nẽẽg ngagiit, occa hatĩ aĩ nẽẽg, “Aamẽn” hutuno?

2 Korinthia 11:31

Nyekuc Maaꞌnyĩ Makayyioohit cĩnaac Yeesu Krĩstõ, ꞌcĩ aga aĩ hõllõngaa hoolongi naana nẽ aꞌnyĩĩk hĩdĩhĩthĩ nẽẽ ooo!

1 Timotteeo 3:16

Aitiõõ jinẽẽnĩtĩ tõõ, ĩĩn ciee thõõth cobbi gẽrrẽẽt, ꞌcĩ ĩllõõan ꞌgẽẽnyĩth cĩ eetu lemiittaa cĩnaac. Baa arrittiaa Yeesu loota nĩnga hĩĩ eet hĩ naaga nẽ ikia ẽtẽrẽtha Lorii ꞌcĩ Ẽllẽẽmĩth aĩ, aaꞌnyĩk nẽẽ Nyekuc hatal gẽrrẽẽt nẽ ĩcĩnĩt aajĩlẽẽta buúk ĩnõõnnõ, ma nĩngaata, ikia ũũhĩ Nyekuci ĩnõõnnõ bulẽẽtta hẽẽtahujjieen. Allimanoothĩk thõõth cĩnnĩ eet loonyini vẽlẽk, nĩngĩtĩ au ẽlẽmmĩ eeta thõõth cĩnnĩ.

1 Timotteeo 6:15

ꞌcĩ hatĩ aꞌnyaha Nyekuci kõr ꞌcĩ hatĩ ẽbẽra nẽẽnĩ, Nyekuc ꞌcĩ abuli, ꞌcĩ ĩĩn Makayyioohit ꞌcĩ odoyyii, Habu cobbi cĩ habueetu, Makayyioohit cobbi cĩ makayyioohu.

2 Timotteeo 2:8

Muhunooth Yeesu Krĩstõ, baa arũgtha Nyekuci daahĩtha, baa arrittiaa nẽẽ hattũũgaa cĩ habu Daavide. Nyeemuut ꞌcĩ abũnnaa ꞌcĩ hallimani naa ho cieeni,

Ebereei 7:24

Nẽẽthĩ, Yeesu ꞌcĩ arũgĩ ũdũt ko, aalla paadĩrꞌthẽẽt cĩnnĩ buúk ũdũt.

1 Yõaannẽ 5:20

Hagaacõ naag buúk haĩ, ikia Yeesu Krĩstõ Ngeertĩ Nyekuci nẽ eteretheeheet ngagĩĩt Nyekuc ꞌcĩ ĩĩn dĩdĩ. Nẽ haattĩg naag hĩ ĩnõõnnõ ꞌcĩ ĩĩn dĩdĩ nẽ tarĩ, hũrũmtĩ hĩ Loholeec cĩnnĩ Yeesu Krĩstõ ꞌcĩ ĩĩn Nyekuc dĩdĩ nẽ aaꞌnyeet ngagĩĩt rũgẽt ꞌcĩ aalla ooo.

Terethiinit 1:18

Nganĩĩt ꞌcĩ harugi, baa hadaaha, nẽ ꞌyioko, hũrũga ũdũt nẽ haꞌnyahi mũhũtẽẽt ꞌcĩg daahĩthaak hĩ cĩg looc cĩ daakiahu.

Terethiinit 22:16

“Nganĩĩt Yeesu! Nẽ nganĩĩt ꞌcĩ hĩꞌthõõakii nganiit aajĩlõ caannĩ ho, hikia huduhaahi thooꞌthiok iccig, hátĩ hĩthĩhĩt lothippiꞌnya cĩg lemmioohu vẽlẽk. Hĩĩnĩ naa habuccieet cĩ hattũũg cĩ õlõ cĩ Daavide. Nẽ Hĩĩnĩ coobooc gõõng aara ngerrenita.”

Terethiinit 22:20

Nẽ ẽẽtĩ ꞌcĩ ĩĩn hebereec cĩ thooꞌthiok iccig vẽlẽk aĩ, “Eei, hakuu naa hĩdĩĩkoothong!” Aamẽn! Ijjia Makayyioohit Yeesu!

Terethiinit 5:14

Nĩngĩtĩ ẽdẽcĩ hẽlẽggĩ ꞌcĩg arũgĩ ĩĩn ꞌwec ko aĩnnĩ, “Aamẽn!” Ma ho, akatit makayyiooha ꞌcĩg ĩĩn hẽẽn ꞌramma hĩ ꞌwec ko huruꞌnyia nẽ alaacõ Nyekuc hĩ Mĩꞌnyõõn.