ꞌRooma 9:4 - ꞌBuuk cĩ Thõõth cĩ Nyekuci

⁴ Ĩꞌthĩraẽl. Hĩnĩngĩtĩ baa ĩĩn nẽẽg eet ꞌcĩg ẽbẽra Nyekuci nẽ eterꞌtheek ĩhõõggõ bulẽẽnĩt cĩnnĩ. Baa adak nẽẽ hĩ ĩhõõggõ lõhõt nẽ aaꞌnyĩk nyattal. Aaꞌnyĩk nẽẽ ĩhõõggõ authet ꞌcĩ alaĩ ĩnõõnnõ nẽ umuddia thooꞌthiok cĩgĩnnĩg ꞌcĩg ĩllõõanĩ.

ꞌRooma 9:4 ပူးပေါင်းရင်းမြစ်များ

ꞌThianaattõ 15:18

Nẽ ꞌgõõlẽẽ cĩ, iita adahit Makayyioohiti hĩ Abũraamõ lõhõt. Nĩngĩtĩ annẽẽkĩ Makayyioohiti Abũraamõ “Hẽlẽma naa ngaatĩ haaꞌnyĩkĩĩ lõhõlĩ cugunnig looc nicci vẽlẽk. Iꞌthianaanĩ hatĩ lokoorriaa cĩ Ijjibi ĩꞌthõng hõdõlan hidioo cobbi cĩ Euvaratẽthĩ,

ꞌThianaattõ 17:10

Ĩĩn ciee lõhõt caannĩ hĩ nganiita hĩ lõhõlĩ cugunnig, nẽẽꞌthẽk hĩ lõhõlĩ ꞌcĩg nga hatĩ arrittiaa irkiꞌnyiaannĩ vẽlẽk. ꞌTẽẽd eleeti cĩg lõhõlĩ ꞌcĩg maacĩg hĩ eet ꞌcĩg maacĩg ꞌcĩg aattĩg õlõõ cunni vẽlẽk.

ꞌThianaattõ 17:2

Haꞌthũũnnĩ hatĩ naa lõhõt cĩnaac ko nẽ hĩttõõra lõhõlĩ cugunnig hĩĩtõ mẽẽlĩg ꞌrĩng.”

ꞌThianaattõ 17:7

Haꞌthũũnnĩ hatĩ naa lõhõt ꞌcĩ hadak hĩ nganiit ko, ĩꞌthõng hõdõlan lõhõlĩ cĩg lõhõlĩ cugunnig vẽlẽk irkiꞌnyia hĩ irkiꞌnyia. Hĩĩnĩ hatĩ naa Nyekuc cunni hĩ cĩ lõhõlĩ cugunnig urutaa cunni buúk.

ꞌThianaattõ 32:28

Ẽdẽcĩ ẽẽtĩ nicciee ĩnõõnnõ tarĩ anneek, “Iittiõõ hatĩ hõllõngaa hainni nganiit Yakobo tarĩ. Hiitti hatĩ nganiit Ĩꞌthĩraẽl, hĩnĩngĩtĩ anyamanuu nii Nyekuc hĩ eet vẽlẽk.”

Luugithõõ 12:25

Ma õdõlattu looc ꞌcĩ hatĩ aaꞌnyuung Makayyioohiti hĩ baa aduha nẽẽnĩ, uꞌthuutti karrama icci.

Luugithõõ 4:22

Nẽẽthĩ, duhaak habu cĩ Ijjibi anneek, ‘Thõõth ꞌcĩ aduha Makayyioohiti cieeni. Ĩĩn Ĩꞌthĩraẽlĩ loholeec caannĩ ꞌcĩ oou,

Maatteeo 21:33

Ĩthĩhĩt dtẽẽllẽn ũgĩ ꞌcĩg awantoothĩk aĩ, “Baa aaĩ eet umwaa ꞌcĩ õkõ atiboolan hẽẽn cĩg viinoaak nẽ ũlũk araan hirriaman nẽ ada ꞌlook ꞌcĩ ammaccĩ viino nẽ ẽttẽẽd lobelĩ ꞌcĩ behiitto. Ma nĩngaata, ikia ũtũngẽẽhĩ mana cĩnnĩ ho eet ũgĩ hebehit, nĩngĩtĩ õkõõĩ hẽẽrõna looccaa umwaanĩ.

Yõaannẽ 1:17

Baa aaꞌnyĩk Nyekuci eet nyattal cĩnnĩ, eetaa ꞌcĩ haĩ Mũũꞌtha, nẽ ikia bũnnai hĩ thõõth ꞌcĩ ĩĩn dĩdĩ hĩ Yeesu Krĩstõ.

Yõaannẽ 1:47

Ma baa acĩn Yeesu Nathaniele aku obokii ho, ikia õthõõth ĩnõõnnõ ĩĩ, “Eet ꞌcĩ ĩĩn Ĩꞌthĩraẽleenit dẽẽdẽ cieeni, ꞌcĩ hõllõngaa ĩĩn oloꞌngiaahit.”

Dtiicanĩ cĩg ꞌThooyyiahu 2:39

Ĩĩn thõõth ciee adukiaa ho cunuung hĩ lõhõlĩ cugguung. Nẽ ĩĩn thõõth cĩ eet vẽlẽk ꞌcĩg hatĩ ẽbẽra Makayyioohiti Nyekuci cĩnaac, ꞌgoolliohĩ vẽlẽk ĩĩcĩg aattiyyi nẽẽgĩ.”

ꞌRooma 3:2

Nẽ dĩdĩ, maka ꞌbaaniniti! Ĩĩcĩ oou, baa aaꞌnyĩhoothĩk ĩhõõggõ thooꞌthioha cĩg Nyekuci huꞌthuutti.

ꞌRooma 8:15

Aitiõõ Lorii cĩ Nyekuci hõllõngaa aaꞌnyeet ngagĩĩt hĩĩtõ appahacaaꞌnya ꞌcĩg hiꞌngolli Nyekuc. Nẽẽthĩ hinnia, hiita hĩĩtõ naag lõhõlĩ cĩgĩnnĩg nẽ hũtũvvẽẽcõ ĩnõõnnõ hĩĩttĩk Baangeet cĩnaac.

ꞌRooma 9:6

Nga hudhukia thõõth baa aduha Nyekuci. Hĩnĩngĩtĩ hõllõngaa lõhõlĩ ꞌcĩg Ĩꞌthĩraẽlĩ vẽlẽk ꞌcĩg ĩĩn Ĩꞌthĩraẽl.

2 Korinthia 11:22

Irrian nẽẽg aĩ, hĩĩgĩnna Ebereei? Hĩĩnĩ naa buúk. Irrian nẽẽg aĩ hĩĩgĩnna eet cĩg Ĩꞌthĩraẽlĩ? Hĩĩnĩ naa buúk Ebereeinit. Irrian nẽẽg aĩ, hĩĩgĩnna lõhõlĩ cĩg Abũrahamĩ? Hĩĩnĩ naa buúk loholeec cĩ Abũrahamĩ.

ꞌGalaaꞌthia 3:16

Baa aduhaak Nyekuci Abũrahaamõ hĩ loholeec cĩnnĩ thõõth ꞌcĩ hatĩ aggatanĩ nẽẽ eet loonyini vẽlẽk, hĩnĩngĩtĩ Abũrahaamõ. Nẽ agaac ngaatĩ hõllõngaa aduhaanĩ ꞌBuuhi cĩ Nyekuci aĩnnĩ, “Hõllõngaa õkõ ꞌgattanĩ ciee hĩ lõhõlĩ cĩgĩnnĩg,” ꞌcĩg mẽẽlĩg, ĩko aĩ õkõ, “Hĩ loholeec cĩnnĩ,” nẽ ĩĩn loholeec niccia Krĩstõ.

Eevvetho 2:12

Baa nohota, baa erekuung ngagiit Krĩstõ. Baa iiginnu eet cĩg looc cĩrrĩĩng looccaa cĩ Ĩꞌthĩraẽlĩ nẽ hõllõngaa othollu lõhõt baa adak Nyekuci hĩ ĩhõõggõ. Baa aattiyyu niig loota nĩnga, baa aitiõõ Nyekuci hĩ ngagiit tõõ nẽ iittiõõ muhẽẽnĩtĩ ꞌcĩ abũnnaa buúk tõõ.

Ebereei 9:1

Nẽ ꞌyioko, lõhõt ꞌcĩ oou baa aarĩk Nyekuci hĩ eet cĩg Ĩꞌthĩraẽlĩ, aꞌnyak nyattalliook ꞌcĩg laiittak, nẽ tarĩ, aꞌnyak ꞌCieeth cĩ Nyekuci horrwaa ꞌcĩ õdõhõhĩĩ kak.

Ebereei 9:10

Ĩĩn nyattalliooha cieeg ꞌgõõl ꞌcĩ adahĩ eeta ꞌgeenniok hĩ cĩg ahũdẽẽnĩ hĩ tũũnyẽnĩt cĩ eleetinu haaga. Nẽ nyattalĩ cĩ tũũnyẽnĩt cĩ eleetinu, adticanni hatĩ hĩdĩhĩdĩĩc haaga, ĩꞌthõng hikia hẽgẽẽran nyattalĩ ꞌcĩ ĩĩn ngeju.

Ebereei 9:3

Nẽ ꞌCieetõõ ĩĩcĩ gõlla, baa aaĩ cẽrẽm ꞌcĩ ẽꞌngẽr ꞌcieeth hõrggẽẽna nẽ cẽrẽmaa ĩĩcĩ gõlla, aaĩ Nĩngĩtĩ Aꞌngirannii ꞌcĩ Ẽllẽẽmĩth Gẽrrẽẽt.

Ebereei 9:5

Cadduhaa cĩ lohoto ho lokora, abĩlĩ aajĩlẽẽta ꞌramma cĩg bulẽẽttak nẽ ẽbbẽttaanito havvuuto hithidit loriẽẽta cĩggĩĩng cadduk ꞌcĩ urwacanoothĩk biyyieeta ꞌcĩg ũũnnõthõõthĩkĩ ꞌthẽccanẽẽta nẽ occa hõllõngaa hẽddẽẽba thooꞌthiok iccig vẽlẽk ꞌyioko.

Ebereei 9:6

Nẽ ꞌgõõl ꞌcĩ baa aattiyyi hẽlẽggĩ vẽlẽk cieeni. Aduhun paadĩrꞌnya hõdõõkõthĩ Nĩngĩtĩ Ẽllẽẽmĩth ko, hõõt halayyio thõng.