ꞌRooma 9:30 - ꞌBuuk cĩ Thõõth cĩ Nyekuci

³⁰ Occa ꞌyioko hõthõõth haĩ ne? Aĩ thõõth ciee, baa hõllõngaa attĩman eeta ꞌcĩg hõllõngaa ĩĩn ꞌJudeei, ngaatĩ ammũdaanĩ ꞌgõõl cĩ bũnnaiitto, nẽẽthĩ, iita ummuddia nẽẽg bũnnai ngaatĩ aꞌnyahĩ nẽẽg lemiinit hĩ Nyekuc.

ꞌRooma 9:30 ပူးပေါင်းရင်းမြစ်များ

ꞌRooma 10:10

Hĩnĩngĩtĩ má elemi nii ꞌthĩnĩtaa cunni aini, aaꞌnyi hatĩ Nyekuci bũna nẽ má uduha nii lemiinit hĩ Krĩstõ ũtũgaa cunni, eellia thĩ niina.

ꞌRooma 10:20

Baa hõllõngaa itieelli põrõvẽtaacĩ Iꞌthaia ngaatĩ aduhaanĩ thõõth cĩ Makayyiookto aĩnnĩ, “Baa ummuddiaawa eeta baag hõllõngaa adiimma nganĩĩta. Nẽ huppwaannaha eet baag hõllõngaa ajinna nganĩĩta.”

ꞌRooma 10:6

Nẽẽthĩ, aduha bũnnai ꞌcĩ aku lemiitta aĩ, “Ma hothooꞌthu ꞌthinneetinitõõ hainnu, ‘Nganĩ ꞌcĩ occa õtõd hẽẽtahujjieen?’ ” Nĩngĩtĩ aĩ, hũũk haꞌnyaha Krĩstõ loota.

ꞌRooma 3:5

Nẽẽthĩ, má uppulana bathi cĩnaac bũnnai cĩ Nyekuci battaala, ĩcca occa ꞌyioko hõthõõth haĩ ne? Occa ꞌyioko hatĩ abathĩ hĩ Nyekuc ngaatĩ alĩĩllĩ nẽ uukeet ngagĩĩta? Hothoothi naa hĩ gõõng õthõõth eeta.

ꞌRooma 4:11

Baa aaꞌnyĩk Abũrahamĩ ẽlẽ cĩnnĩ hẽttẽẽdĩ, hĩnĩngĩtĩ hẽtẽrẽtha aĩ, baa ẽlẽmĩ Nyekuci ĩnõõnnõ, hĩnĩngĩtĩ lemiinit cĩnnĩ, tananga baa nga hẽttẽẽdĩ ẽlẽ cĩnnẽẽnĩ. Thõõth ꞌcĩ aaꞌnyĩk Abũrahaamõ hĩĩ maaꞌnyĩ eet vẽlẽk ꞌcĩg ẽlẽmĩ Nyekuc ko cieeni, tananga nga hetteeddi eleeti cĩggĩĩng.

ꞌRooma 4:13

Baa hõllõngaa ammũda Abũrahamĩ hĩ lõhõlĩ cĩg lõhõlĩ cĩgĩnnĩg, thõõth ꞌcĩ aduha Nyekuci, aĩ ĩĩn hatĩ nẽẽg ꞌrigiꞌthiook cĩg lootu, hĩnĩngĩtĩ nyattal. Nẽẽthĩ, baa ammũda, hĩnĩngĩtĩ bũnnai ꞌcĩ aku, hĩnĩngĩtĩ lemiinit.

ꞌRooma 4:22

Ĩnõõ baa adukiaanĩ nẽẽ aĩ, “Ikia accamana Nyekuci ĩnõõnnõ ngaatĩ ĩĩnnĩ eet ꞌcĩ abũnnaa.”

ꞌRooma 4:9

Ĩĩn ꞌgattanĩ ciee cĩ eet ꞌcĩg etteeddi eleeti dioo hode ꞌcĩg eet ꞌcĩg hõllõngaa etteeddi eleeti buúk? Baa gõõng hõthõõth naag haĩ, lemiiniti cĩ Abũrahamĩ aaꞌnyĩhoothĩk ĩnõõnnõ hĩ ẽẽtĩ ꞌcĩ abũnnaa.

ꞌRooma 5:1

Nẽẽthĩ hoti ho, hĩ baa elemeet Nyekuci ngagĩĩt hĩnĩngĩtĩ lemiinit, hiita haꞌnyahit naag ganõn hĩ Nyekuc, hĩnĩngĩtĩ Makayyioohit cĩnaac Yeesu Krĩstõ,

ꞌRooma 9:14

Occa ꞌyioko hõthõõth haĩ ne? Aitiõõ Nyekuci hõllõngaa abũnnaa? Aitiõõ ũdũt!

ꞌRooma 9:31

Nẽẽthĩ, eeta cĩg Ĩꞌthĩraẽlĩ baag anũ nyattal cĩ thõõth ꞌcĩ aũlanĩ, nga hummuddia buúk.

ꞌGalaaꞌthia 2:16

Haga naag ngaatĩ ẽlẽmmĩ Nyekuci eet ꞌcĩg ẽlẽmĩ Yeesu Krĩstõ diooni, aitiõõ ẽẽtĩ ꞌcĩ occa aaꞌnyĩk Nyekuc haccamanoothĩk tõõ, hatĩ athĩhĩ thooꞌthiok cĩg nyattaalak diooni. Hẽlẽmĩ naag Yeesu Krĩstõ, hĩnĩngĩtĩ athĩhĩ nẽẽ Nyekuc, ĩnõõ ꞌcĩ elemeet Nyekuci ngagĩĩt, hĩnĩngĩtĩ lemiinit cĩnaac ko.

ꞌGalaaꞌthia 3:24

Baa ĩĩn nyattalĩ ꞌlimman ꞌcĩ aaꞌnyeet ngagĩĩt hagaac Krĩstõ, hátĩ hikia helemeet Nyekuci ngagĩĩta, hĩnĩngĩtĩ hẽlẽmĩ naag ĩnõõnnõ.

ꞌGalaaꞌthia 3:8

Baangaani, baa eheeddi ꞌBuuhaa cĩ Nyekuci aĩ nẽẽ, aga hatĩ Nyekuci eet ꞌcĩg hõllõngaa ĩĩn ꞌJudeei, hatĩ ẽlẽmĩ nẽẽg ĩnõõnnõ. Nĩngĩtĩ aduhaakĩ Nyekuci Abũrahaamõ nyeemuut ꞌcĩ abũnnaa annẽẽkĩ, “Haggatani hatĩ naa eet loonyini vẽlẽk, hĩnĩngĩtĩ nganiita.”

ꞌGalaaꞌthia 5:5

Nẽẽthĩ, aaꞌnyeet Lorii ꞌcĩ Ẽllẽẽmĩth hagaac ngaatĩ aaꞌnyeet Nyekuci hũbũttaath, hĩnĩngĩtĩ helemit naag Krĩstõ.

Eevvetho 2:12

Baa nohota, baa erekuung ngagiit Krĩstõ. Baa iiginnu eet cĩg looc cĩrrĩĩng looccaa cĩ Ĩꞌthĩraẽlĩ nẽ hõllõngaa othollu lõhõt baa adak Nyekuci hĩ ĩhõõggõ. Baa aattiyyu niig loota nĩnga, baa aitiõõ Nyekuci hĩ ngagiit tõõ nẽ iittiõõ muhẽẽnĩtĩ ꞌcĩ abũnnaa buúk tõõ.

Pilippi 3:9

nẽ hĩĩna eet cĩnnĩ. Hõllõngaa occa ẽlẽmma Nyekuci nganĩĩt ngaatĩ habũnnayyĩĩ ꞌgõõlaa ꞌcĩ hanũĩ nyattal, hĩnĩngĩtĩ ꞌgõõl ꞌcĩ elemmeet Nyekuci ngagĩĩt hũbũttaath, aaĩ lemiitta.

1 Timotteeo 6:11

Nẽ nii Timotteeo, ĩĩnĩ nii eet cĩ Nyekuci, ma hadĩmani thooꞌthiok ꞌcĩg abathĩ ꞌcĩg aattĩg noho, ꞌtĩmman gẽrrẽẽt ngaatĩ adĩmanĩĩ thõõth cĩ Nyekuci, hátĩ bũna au hĩ nẽẽnĩ, lẽẽm ĩnõõnnõ, mĩnnan ĩnõõnnõ nẽ etemeethu thooꞌthiok ꞌcĩg aꞌnyahaaki nẽẽnĩ nẽ ĩĩ tarballioohit.

Ebereei 11:7

Nẽ tarĩ, baa lemiinit ꞌcĩ aaꞌnyĩk Nõõa hẽtẽhẽnya haahũl cobbi, hẽẽla halang cĩnnĩ hiittiõõ hõllõngaa arũddĩ tawaanatõõ. Baa athĩhĩ nẽẽ Nyekuc baa eggerꞌnyeek ĩnõõnnõ thooꞌthiohĩĩ ꞌcĩg nga hẽdẽẽnyta ũdũt. Lemiittaa cĩnnĩ, ikia ũtũbũr nẽẽ eet cĩg lootu vẽlẽk nẽ ikia ĩĩ eet ꞌcĩ abũnnaa, hĩnĩngĩtĩ lemiinit.

1 Pẽẽtũrũ 4:3

Baa unuuktihu niig ngaatĩ aattiyyu hĩ eeta ꞌcĩg hõllõngaa aga Nyekuc. Baa iiginnu niig ꞌthẽccanniook nẽ unuyyu thooꞌthiok ꞌcĩg abathĩ ꞌcĩg abũraneeku niiga. Baa adaku karramẽẽt ꞌcĩg adĩmannu thooꞌthiok ꞌcĩg ĩĩn ꞌriiring nẽ tarĩ, uhuddieeu ũdũũtĩt tahatak. Nẽ dĩdĩ, alayyu hẽlẽggĩ ꞌcĩg aar eeta hĩĩtõ nyekuꞌnya nẽ iittiõõ hõllõngaa aꞌngaonnu buúk.