Biblia Todo Logo
အွန်လိုင်း သမ္မာကျမ်းစာ

- ကြော်ငြာတွေ -




ꞌRooma 9:23 - ꞌBuuk cĩ Thõõth cĩ Nyekuci

23 Baa adĩman Nyekuci thõõth icci, aĩ hátĩ hẽtẽrẽtha bulẽẽnĩt cĩnnĩ cobbi, hatĩ ammaannĩk nẽẽ eet ꞌcĩg ẽbẽra nẽẽ, hotholit bulẽẽnĩt cĩnnĩ.

အခန်းကိုကြည့်ပါ။ ကော်ပီ




ꞌRooma 9:23
22 ပူးပေါင်းရင်းမြစ်များ  

Uwwattẽẽkĩ hatĩ nẽẽ Makayyioohit loriia hĩ ꞌtirriaana cĩ Eliijja. Uwwattaa hatĩ nẽẽ hikia haaꞌnyĩk eet hũkũmattoothĩk, nga hikia Makayyioohiti. Aku hatĩ aaꞌnyĩk nẽẽ lõhõlĩ harraaccio hĩ maajihi, hátĩ haauto lõꞌngõõc nẽ irrioonĩk eet ꞌcĩg hõllõngaa athĩknĩ, hĩthĩhĩt ꞌgẽẽnyĩth cĩ eet ꞌcĩg abũnnaa.”


Nẽẽthĩ, baa anneek Makayyioohiti Yeesu Anania, “Bĩtõ! Ĩĩn ẽẽtĩ ciee eet caannĩ ꞌcĩ tiiri ꞌcĩ eberriaa hillimman eet ꞌcĩg hõllõngaa ĩĩn ꞌJudeei hĩ habuẽẽt hĩ eet cĩg Ĩꞌthĩraẽlĩ thõõth caannĩ.


Hode arannĩ tarbalꞌthẽẽt cĩ Nyekuci, hĩ temeethi cĩnnĩ nẽ hõllõngaa iiyyelaa ngaatĩ okooyyi tarbalꞌthẽẽt cĩ Nyekuci, hátĩ tũngeek ꞌthẽccanẽẽt cugunnig?


Hĩnĩngĩtĩ eeta baag aga Nyekuci ngaanĩngĩtĩ baarkit, ikia ẽbẽra nẽẽ ĩhõõggõ hiita haauto hĩ Ngeerĩnẽẽnĩ, hátĩ hikia haau nẽẽ hĩ loholeec ꞌcĩ oou ꞌgotoonoginnii hĩ ngoonogiinni ĩĩcĩg mẽẽlĩg.


Nĩngĩtĩ ẽlẽmmĩ Nyekuci eet baag ẽbẽra nẽẽ baa ĩĩcĩ oou ẽlẽk nẽ otholit bulẽẽnĩt cĩnnĩ hĩ ĩhõõggõ.


Halayyi naa haini aꞌnyĩĩk lanyit cĩ Nyekuci hũttũhũl ꞌthinneeti cugguung, hátĩ agaac thõõth cĩ muhẽẽnĩt ꞌcĩ abũnnaa, baa aaꞌnyuung Nyekuci kõr baa ẽbẽraannuung nẽẽ ngagiita. Nẽẽthĩ hatĩ ummuddiaau ꞌgattan ꞌcĩ abuli ꞌcĩ hatĩ ĩĩn cunuung hõdẽĩ hĩ eet cĩg Nyekuci vẽlẽk.


Hĩĩgĩn naag eet ꞌcĩg ẽhẽnyta Nyekuci ꞌcĩg ĩĩn ngeju, baag hẽhẽnytaa haaut hõdẽĩ hĩ Yeesu Krĩstõ, hátĩ hĩdĩmanit dtiicanĩ ꞌcĩg abũnnaa baag ũkũmaneekeet Nyekuci ngagĩĩt baa ĩĩcĩ oou hĩdĩmanit.


Baa adĩman Nyekuci thõõth icci hoti, hátĩ horumwa heteretheeheet ngagĩĩt ꞌgõõl ꞌcĩ ĩĩnnĩ bũnnai cĩnnĩ maka nẽ ĩĩ tarbal hĩ ngagĩĩt dĩdĩ, hĩnĩngĩtĩ thõõth ꞌcĩ ĩdĩman Yeesu Krĩstõ.


Ĩllõõan Nyekuci nẽ abuli. Halayyi naa haini, aꞌnyĩĩk haaꞌnyuung Lorii cĩnnĩ ngagiit, ĩĩtõ nuyyiook ꞌcĩg attirannu,


Tananga hĩĩnĩ naa eet umwa haaga eetinii cĩg Nyekuci vẽlẽk, baa aaꞌnyĩhoothĩkaa nganĩĩt bũnnai ciee, hátĩ hillimaneek eet ꞌcĩg hõllõngaa ĩĩn ꞌJudeei baliinit cobbi gẽrrẽẽt ꞌcĩ aaĩ hĩ Krĩstõ.


Halayyi naa, hátĩ ĩĩttĩk Nyekuc Baangeet ĩlaallẽ, ngaatĩ aaꞌnyuung ngagiit otholit hĩ ĩnõõnnõ thõõth baa aduhaak nẽẽ eet ꞌcĩg aattĩg habuccieetaa cĩ lanyito.


Hĩnĩngĩtĩ baa adiimmuung ngagiit Nyekuci eet ꞌcĩg hõllõngaa ĩĩgĩnnu ꞌJudeei, agaac ngaatĩ ĩĩnnĩ baliiniti hĩ bulẽẽnĩt cĩ Krĩstõ cunuung buúk. Thõõth ꞌcĩ ammiꞌthi ho cieeni. Aaĩ Krĩstõ hĩ ngagiita. Aaꞌnyuung thõõth ciee ngagiit agaac ngaatĩ hatĩ othollu niig bulẽẽnĩt cĩnnĩ.


Baa hõllõngaa ẽbẽranneet ngagĩĩt Nyekuci hatĩ huukeet lĩĩlĩẽẽttaa cĩnnĩ, baa adiim nẽẽ hiita hummuddia naag eliinit hĩ Makayyioohit cĩnaac Yeesu Krĩstõ.


Má tẽlla ẽẽtĩ thooꞌthiohĩĩ cĩg, occa hatĩ aar Makayyioohiti ĩnõõnnõ haau hĩ hẽddẽmĩ cĩnnĩ ꞌcĩ adticanĩ dtiic ꞌcĩ ẽllẽẽmĩth ꞌcĩ tiiri hĩ Makayyioohit nẽ ũkũmanoothĩk, hátĩ hidtican dtiicanĩ vẽlẽk ꞌcĩg abũnnaa.


ကြှနျုပျတို့နောကျလိုကျပါ:

ကြော်ငြာတွေ


ကြော်ငြာတွေ