20 Nẽẽthĩ, nganĩ nii ẽẽtĩ ꞌcĩ occa ajini Nyekuc ko? Occa gõõng ꞌgii ꞌcĩ ẽhẽnytaa, ajin eet ꞌcĩ ẽhẽnyta ĩnõõnnõ ho anneek, “Ẽhẽnytaannaa baa hoti inni?”
Hõllõngaa haꞌnyahi naa makaaꞌthĩt ꞌcĩ hadĩmanĩĩ thõõth ꞌcĩ hadiimi ꞌrabbẽẽtĩĩ cĩgannĩg? Hode iinani nii thõõth ꞌcĩ hẽẽlĩ naa eet iccig ko?’
Ẽdẽcĩ hinnia Yeesu anneek, “Ẽlẽ, nganĩ baa ꞌcĩ ẽbẽraanna nganĩĩt hikia hẽttẽẽd thõõth cunuung hĩ ꞌgotonu ho?”
Nganiit nganĩ ꞌcĩ occa etteedihi dticciannioohit cĩ eet umwa thõõth ko? Makayyioohit cĩnnĩ dioo ꞌcĩ aduha, hatĩ adĩman nẽẽ thõõth ꞌcĩ aũlanĩ nẽ Makayyioohit hatĩ dioo ꞌcĩ aaꞌnyĩk ĩnõõnnõ hĩdĩman thõõth ꞌcĩ aũlanĩ.
Õhõppõõcannu niig eet ũgĩ ainnu ẽꞌthẽcan thooꞌthiok. Nẽẽthĩ, aitiõõ ꞌgõõl ꞌcĩ occa ẽppẽhannu niig thooꞌthiok ꞌcĩg adĩmannu niig ko tõõ. Má etteediku niig ꞌgoonogu thõõth, etteediku eleeti cugguung buúk, hĩnĩngĩtĩ adĩmannu niig buúk thooꞌthiok tĩko dẽẽdẽ.
Nẽ ꞌyioko ma etteedihi nii ẽẽtĩ ꞌcĩ holli õõ haaga ĩhõõggõ thõõth nẽ nẽẽ aalla adĩmani thooꞌthiok tĩko dẽẽdẽ, ammuhi nii aini alĩĩta hatĩ ukẽẽnĩt cĩ Nyekuci?
Hõllõngaa occa ẽbẽra teheꞌnyioohiti cĩ ijjioꞌnyaannu ngaatĩ ẽhẽnytaanĩ ijjioꞌnya cĩg dtiicanĩ ꞌcĩg aaddi nẽ ĩĩtõ ũgẽẽgĩ ꞌcĩg dtiicanĩ aag gõõng hõdõõkõthĩ haaga.
Baa adiim Nyekuci ẽtẽrꞌtha liilii cĩnnĩ nẽ ẽdẽẽnya ꞌtirrian cĩnnĩ hĩ eet vẽlẽk ꞌcĩg occa adiim aruhi. Nẽẽthĩ hinnianĩ, baa ẽmmẽẽthĩ nẽẽ ĩhõõggõ.
Aaĩ ẽẽtĩ ꞌcĩ ẽggẽẽnyĩth ko ĩĩna? Aaĩ ẽẽtĩ ꞌcĩ aga thõõth gẽrrẽẽt ĩĩna? Aaĩ ẽẽtĩ ꞌcĩ aga thõõth cĩ looc vẽlẽk hĩ rũgẽt cĩ eeto ĩĩna? Nga nooyyia baa higgiith Nyekuci ꞌgẽẽnyĩth cĩ lootu?
Occa aga nii ngaa hutuno ngaatĩ ẽẽlanĩ maac cunni, hode occa aga nii maac hutuno, ngaatĩ occa ẽẽlanĩĩ ngaa cunni?
hĩ jore hĩ ngaatĩ õdõõmĩ ꞌgõõnõgĩ hĩ muhẽẽnĩt ꞌcĩ abathĩ nẽ aꞌnyak nẽẽ õõ ꞌcĩ abathĩ, ꞌcĩ hõllõngaa agaĩ thooꞌthiok ꞌcĩg ĩĩn dĩdĩ. Ammuk nẽẽg aĩ, ĩĩn thõõth cĩ Nyekuci ꞌcĩ hammũdaanĩ ꞌrabbẽẽta.
ꞌCieetõõ cobbi, aattĩg hẽddẽmĩ ꞌcĩg tiirik ꞌcĩg adĩmanniaa ꞌdaaba, hode maccĩrẽẽnĩĩ dioo nẽ aattĩg ꞌcĩg adamanniaa hẽẽnĩ nẽ ẽtẽhẽnytaa ũgẽẽgĩ dooba. Hadticaniini ũgĩ korrioohĩĩ ꞌcĩg obbitig nẽ hidticattõõĩ ũgĩ waathinnioohĩ vẽlẽk.
ꞌLimman appahacaaꞌnya buúk hĩthĩhĩt thooꞌthiok cĩg makayyiook cĩggĩĩng nẽ idticattoothĩk ĩhõõggõ jurrung, abathĩ ngaatĩ ẽdẽcõõnĩ hĩ ĩhõõggõ thõng,
Nii ꞌgiiꞌthiahiti, adiimi nii heterethoothihii thõõth ꞌcĩ aĩ, hõllõngaa ẽẽlannii nganiit lemiiniti ꞌcĩ aitiõõ dtiicanĩ ꞌcĩg abũnnaa tõõ?