ꞌRooma 9:16 - ꞌBuuk cĩ Thõõth cĩ Nyekuci

¹⁶ Nẽẽthĩ hoti ho, arũgĩ hẽlẽggĩ vẽlẽk tamaatittaa cĩ Nyekuci nẽ hõllõngaa hĩnĩngĩtĩ ꞌgii ꞌcĩ adiim hode adtican eeta.

ꞌRooma 9:16 ပူးပေါင်းရင်းမြစ်များ

Maatteeo 11:27

“Baa aaꞌnya nganĩĩt Baaba hẽlẽggĩ vẽlẽk. Aitiõõ ẽẽtĩ ꞌcĩ aga Ngeerĩnĩ tõõ, Maaꞌnyĩ dioo ꞌcĩ aga nẽ aitiõõ ẽẽtĩ ꞌcĩ aga Maaꞌnyĩ tõõ, Ngeerĩnĩ dioo ꞌcĩ aga, hĩ eet baag ẽbẽra Ngeerĩnĩ, hátĩ hagaacõ nẽẽg buúk ĩnõõnnõ.

Maatteeo 4:8

Ma tarĩ ho, ũũhĩ habuui cĩ loriẽẽt ꞌcĩg abathĩ ĩnõõnnõ muuraa ꞌcĩ uuni kĩdak nẽ eteretheek ĩnõõnnõ habuccieeꞌnya cĩg lootu hĩ makaaꞌthĩt cĩnĩĩng vẽlẽk.

ꞌLuuka 10:21

Ma nĩngaata, aaꞌnyĩk Lorii ꞌcĩ Ẽllẽẽmĩth Yeesu haccamanoothĩk gẽrrẽẽt, nĩngĩtĩ õthõõthĩ Yeesu aĩnnĩ, “Hatallii naa nganiit gẽrrẽẽt Baaba, Makayyioohit cĩ hẽẽtkujjieen hĩ cĩ lootu, ngaatĩ ammiꞌthẽẽkĩ thooꞌthiok iccig eet ꞌcĩg ẽggẽẽnyĩth hĩ ꞌcĩg illimattĩ nẽ eteretheehu lõhõlĩ ꞌcĩg hidicig hĩ eet ꞌcĩg nga hillimattĩ. Ee Baaba, baa ꞌthẽk ꞌgii ꞌcĩ accamanaa nii cieeni.”

Yõaannẽ 3:8

Lori cĩ Nyekuci diooni, ꞌcĩ aaꞌnyuung rũgẽt ꞌcĩ ĩĩn ngeju. Aaĩ Lorii hĩ ngõõtĩ ꞌcĩ uuhan õkõ ĩĩcĩ adiim nẽẽnĩ. Occa athiknu niig ngõõt nẽ hõllõngaa agayyu aku ĩĩna hode õkẽẽna.”

ꞌRooma 9:11

Nẽẽthĩ, baa nga hittirria lohollia ꞌcĩg ĩĩn heengti ho, hode hĩdĩmanit ꞌgiimwa ꞌcĩ abũnnaa hode ꞌcĩ abathĩ, ikia ũmmũda Rẽbẽka nyeemuut umwa hĩ Nyekuc, ꞌcĩ aĩ, ẽbẽra Nyekuci eet hĩnĩngĩtĩ tabiinit cĩnnĩ.

ꞌGalaaꞌthia 2:2

Baa hõkõ naa ĩĩca, hĩnĩngĩtĩ baa uppulanaaha Nyekuci heeroni niccia hũũhõ. Ma baa hõdõlana ꞌJeruꞌthalẽm, hõõt hutuhatta thõõth hĩ makayyiook ꞌcĩg obbitig ꞌcĩg baag ĩĩn ꞌJudeei nĩngaata, nyeemuut ꞌcĩ abũnnaa cĩ Yeesu, tuhan umwa ꞌcĩ baa haꞌnyaka ngadiiha. Nĩngĩtĩ hẽdtẽbanaanĩ thõõth cĩ Yeesu ꞌcĩ hallimaneehi eet ꞌcĩg hõllõngaa ĩĩn ꞌJudeei ho. Baa hõkõ haduhaahi ĩhõõggõ, hĩnĩngĩtĩ baa hõllõngaa hadiimi naa ꞌlimman icci hõꞌthõdanoothĩk haaga.

Eevvetho 2:8

Baa eelliannu niig, hĩnĩngĩtĩ elemmu Nyekuc ꞌcĩ aꞌthũũnneet ngagĩĩt jurrung, hĩllõõan ꞌgii ꞌcĩ hadiim naaga. ꞌBaaninit cĩ Nyekuci hĩ ngagiit cieeni nẽ hõllõngaa ĩĩn ꞌgiimwa ꞌcĩ baa adĩmannu niig ẽmmẽn.

Pilippi 2:13

Hĩnĩngĩtĩ adticanni Nyekuci hĩ ngagiit, haaꞌnyuung accamatta tabiinit nẽ aaꞌnyuung ꞌtirriani ꞌcĩ uuluyyu ngaatĩ adĩmannu thõõth ꞌcĩ accamana nẽẽnĩ.

ꞌJeemith 1:18

Adiimmeet Nyekuci ngagĩĩt hĩĩtõ eet cĩgĩnnĩg nẽ ĩꞌthõõa nyeemuut ꞌcĩ ĩĩn dĩdĩ haaꞌnyeet ngagĩĩt rũgẽt ꞌcĩ ĩĩn ngeju.