Biblia Todo Logo
အွန်လိုင်း သမ္မာကျမ်းစာ

- ကြော်ငြာတွေ -




ꞌRooma 9:11 - ꞌBuuk cĩ Thõõth cĩ Nyekuci

11 Nẽẽthĩ, baa nga hittirria lohollia ꞌcĩg ĩĩn heengti ho, hode hĩdĩmanit ꞌgiimwa ꞌcĩ abũnnaa hode ꞌcĩ abathĩ, ikia ũmmũda Rẽbẽka nyeemuut umwa hĩ Nyekuc, ꞌcĩ aĩ, ẽbẽra Nyekuci eet hĩnĩngĩtĩ tabiinit cĩnnĩ.

အခန်းကိုကြည့်ပါ။ ကော်ပီ




ꞌRooma 9:11
22 ပူးပေါင်းရင်းမြစ်များ  

Hĩcĩ eheeddi ꞌBuuhaa cĩ Nyekuci aĩ nẽẽ, “Haaꞌnyii naa nganiit ĩĩnu maaꞌnyĩ loonyin ꞌcĩg mẽẽlĩg.” Ĩĩn nẽẽ baangeet cĩnaac muumaa cĩ Nyekuci, baa ẽlẽmĩ nẽẽ aĩ, aaꞌnyĩk rũgẽt daakiak nẽ ẽtẽhẽnya hẽlẽggĩ ꞌcĩg ĩĩn ngeju.


Baa gõõng haattĩg naag vẽlẽk noho, ngaatĩ hanũĩ hẽlẽggĩ ꞌcĩg abũraneek eleeti cĩggaac. Nẽ hĩnĩngĩtĩ thooꞌthiok baag hadĩman naaga, ikia ĩlĩĩlĩeeheet Nyekuci ngagĩĩt haau hĩcĩ alĩĩllĩk eet vẽlẽk.


Hõllõngaa ĩĩn elliaanĩtĩ dũman cĩ dtiicanĩ ꞌcĩg baag hadĩman naaga, nẽ occa aitiõõ ẽẽtĩ ꞌcĩ irrian, hĩnĩngĩtĩ elliaanĩt tõõ.


Baa muhẽẽnĩt cĩ Nyekuci ciee baa nga hẽtẽhẽnya nẽẽ looc. Nẽ baa ũũlũ Nyekuci ngaatĩ ẽdẽcaakĩ dtiic baa ammuk nẽẽ, hĩnĩngĩtĩ hẽlẽggĩ vẽlẽk baag adĩman Yeesu Krĩstõ Makayyioohiti cĩnaac.


ꞌGotoonoga hĩ ngoonoga, hagayyia naag ngaatĩ ammĩnannuung Nyekuci ngagiit nẽ ẽbẽraauung ĩĩtõ eet cĩgĩnnĩg,


Baa haduhaakuung naag ngagiit hanneekuung aaut jurrung nẽ hiittihuung ũnnẽẽc thõõth cĩ Nyekuci, hĩ ngaatĩ hamammaayannuung ngagiit aaut ꞌgõõlaa ꞌcĩ accamana Nyekuci, hĩnĩngĩtĩ ĩnõõnnõ ꞌcĩ ẽbẽraannuung ngagiit aĩ iita otholit hĩ ĩnõõnnõ bulẽẽnĩt cĩ habuccieet cĩ õlõ cĩnnĩ.


Baa ẽẽlaeet ngagĩĩt Nyekuci nẽ ẽbẽraaeet hĩĩtõ eet cĩgĩnnĩg ꞌcĩg haattĩg authetaa ꞌcĩ ẽllẽẽmĩthĩ. Adĩman Nyekuci hoti, hõllõngaa, hĩnĩngĩtĩ thõõth ꞌcĩ hadĩman naaga, adĩman nẽẽ noho, hĩnĩngĩtĩ bũnnai cĩnnĩ. Baa aaꞌnyeet Nyekuci ngagĩĩt bũnnai, ꞌthaarĩĩ cĩg Yeesu Krĩstõ, baa nga heteheꞌnyiaa lõõcĩ.


ikia eeleet nẽẽ ngagĩĩta, hõllõngaa hĩnĩngĩtĩ thõõth umwa ꞌcĩ abũnnaa ꞌcĩ hadtican naaga, aku ẽẽlanneet hĩnĩngĩtĩ ammaannĩkeet ngagĩĩt nẽ ũtũũny ꞌthẽccanẽẽt cĩggaac vẽlẽk. Aaꞌnyeet nẽẽ ngagĩĩt hittirria tarĩ nẽ haꞌnyahit rũgẽt ꞌcĩ ĩĩn ngeju Loriiaa ꞌcĩ Ẽllẽẽmĩthĩ,


Tarbalꞌthẽẽtaa cĩnnĩ, baa ũtũvvaauung ngagiit Nyekuci, hátĩ otholit bulẽẽnĩt cĩnnĩ ꞌcĩ aalla ũdũt, hĩnĩngĩtĩ Yeesu Krĩstõ. Nẽẽthĩ, urutaa ꞌcĩ accanatteeu hĩdĩhĩdĩĩc, ẽẽlannuung hatĩ nẽẽ ngagiit nẽ aaꞌnyuung okomit lemiittaa cunuung.


Nẽẽthĩ ꞌyioko ꞌgotoonoga hĩ ngoonoga, ĩttĩmanit gẽrrẽẽt ngaatĩ ẽtẽrꞌthaannu aĩ aattiyyu niig hõrggẽẽnaa cĩ eet baag avvaa nẽ ẽbẽra Nyekuci. Má aallannu adĩmannu thõõth icci, aitiõõ hatĩ hõllõngaa ũũnnĩku lemiinit cunuung.


Nẽ aak hatĩ habuẽẽta niccieeg vẽlẽk jore ꞌcĩ õõ aruhõõnĩ hĩ Mĩꞌnyõõn. Ĩllõõan hatĩ Mĩꞌnyõõn ĩhõõggõ, hĩnĩngĩtĩ ĩĩn nẽẽ Makayyioohit cĩ makayyioohu nẽ ĩĩ Habu cĩ habuẽẽt vẽlẽk. Arũmĩ hatĩ Mĩꞌnyõõn hĩ eet baag avva nẽẽ nẽ ẽbẽra, hĩnĩngĩtĩ baa athĩhĩ nẽẽg ĩnõõnnõ nẽ uꞌthuutti thõõth cĩnnĩ.”


ကြှနျုပျတို့နောကျလိုကျပါ:

ကြော်ငြာတွေ


ကြော်ငြာတွေ