ꞌRooma 9:1 - ꞌBuuk cĩ Thõõth cĩ Nyekuci

¹ Hothoothi naa thõõth dĩdĩ cĩ Krĩstõ, hõllõngaa hoolongi thõng, aduha ꞌthĩnĩt caannĩ thõõth icci Loriiaa ꞌcĩ Ẽllẽẽmĩthĩ,

ꞌRooma 9:1 ပူးပေါင်းရင်းမြစ်များ

ꞌRooma 1:9

Ĩĩn Nyekuci ꞌcĩ hadticanoothihi naa ꞌthĩnĩtaa caannĩ vẽlẽk, hirrioonĩk eet nyeemuut ꞌcĩ abũnnaa cĩ Ngeerĩnĩ ho, hebereec caannĩ ꞌcĩ aga ꞌgõõl ꞌcĩ hammuhaannuung naa ngagiit hõdõõkõthĩ

ꞌRooma 2:15

Ẽtẽrꞌtha nẽẽg aĩ, eheeddi nyattalĩ cĩ Nyekuci ꞌthinneetinitõõ cĩggĩĩng, hĩnĩngĩtĩ eterꞌtheek muhẽẽnĩtĩ cĩ ꞌthinneeti cĩggĩĩng ĩhõõggõ thõõth ꞌcĩ abũnnaa hĩ thõõth ꞌcĩ abathĩ.

ꞌRooma 8:16

Aaꞌnyeet Lorii cĩ Nyekuci hagaac dĩdĩ hĩĩtõ, hĩĩgĩn naag lõhõlĩ cĩg Nyekuci.

ꞌRooma 9:2

haꞌnyahi naa mothiinit cobbi gẽrrẽẽt ꞌcĩ hõllõngaa edecciaa ꞌthĩnĩtaa caannĩ.

2 Korinthia 1:12

Nẽ ꞌyioko, ĩĩn ciee ꞌrianĩĩth cĩnaang nẽ aduha ꞌthinneeti cĩggaang ꞌgõõl baa harũmẽẽnĩ hĩ ngagiita nẽ dĩdĩ baa gõõng harũmĩ naag hĩ ngagiit lõꞌngõõc. Baa bũnnai cĩ Nyekuci ꞌcĩ aaꞌnyeet hĩdĩmatta noho, hõllõngaa ꞌgẽẽnyĩth cĩ looc nicci ꞌcĩ hadĩmanna noho ho.

2 Korinthia 1:23

Baa haari naa Nyekuc hĩĩ hebereec caannĩ. Ĩnõõ ꞌcĩ hõllõngaa hõbõdaanĩ naa ꞌtaaũnaa cĩ Korinthia tarĩ haini, hátĩ hiittiõõ hõllõngaa hakuu hiloottuung ngagiita.

2 Korinthia 11:10

Hĩcĩ aaĩ thõõth cĩ Krĩstõ dĩdĩ hĩ nganĩĩt ko, aitiõõ hatĩ ẽẽtĩ ꞌcĩ abĩllĩ ꞌrianĩĩth caannĩ ho looccaa cĩ Acaia, ngaatĩ hallimanĩĩ thõõth cĩ Nyekuci haaga tõõ.

2 Korinthia 11:31

Nyekuc Maaꞌnyĩ Makayyioohit cĩnaac Yeesu Krĩstõ, ꞌcĩ aga aĩ hõllõngaa hoolongi naana nẽ aꞌnyĩĩk hĩdĩhĩthĩ nẽẽ ooo!

2 Korinthia 12:19

Unuuktihu baa niig ngaatĩ ammuku aĩ, hẽẽlanna naag eleeti cĩggaang? Baa hõthõõꞌtha thooꞌthiok ꞌcĩg aga Nyekuci buúk aĩ, hĩĩgĩnna nuyyiook cĩg Krĩstõ. Nẽ ꞌgotoonoga hĩ ngoonoga, ꞌgii vẽlẽk ꞌcĩ hadticanna naaga, hadticanna, hátĩ hõkõm lemiiniti cunuung hĩ Krĩstõ.

ꞌGalaaꞌthia 1:20

Habũtani Nyekuc dĩdĩ, thõõth ꞌcĩ heheedi naa ho, ĩĩn thõõth dĩdĩ ꞌcĩ hiꞌthihi õlõng.

Pilippi 1:8

Nyekuc ꞌcĩ aga dĩdĩ, ngaatĩ hadiim hakuu hacinnuung naa ngagiita. Aga nẽẽ ngaatĩ haꞌthuunnuung naa ngagiit, hĩcĩ aꞌthuunnuung Yeesu Krĩstõ ngagiita.

1 Tẽꞌthaloonika 2:5

Agayyu niig buúk nga hĩttĩmatta naag ngaatĩ hĩggõõlla eet umwa. Aga Nyekuci buúk ngaatĩ aitiõõnnĩ thõõth baa hadĩmanna naag, hõllõngaa ĩĩn ꞌgii ꞌcĩ hammũtta lõbõlõbẽẽꞌthĩt cĩnaang.

1 Timotteeo 1:5

ꞌLimman eet haꞌnyahit mĩnnan ꞌthinneetini dĩdĩ nẽ aꞌnyahit ꞌthinneeti ꞌcĩg tẽllĩg hĩ lemiinit dĩdĩ.

1 Timotteeo 2:7

Nẽ baa ẽbẽraanna Nyekuci nganĩĩt hĩĩ eet ꞌcĩ hirriooni nyeemuut ꞌcĩ abũnnaa nẽ hĩĩna ꞌthooyyiahit ꞌcĩ hallimaneehi eet ꞌcĩg hõllõngaa ĩĩn ꞌJudeei, nyeemuut cĩ lemiitto hĩ cĩ thõõth ꞌcĩ ĩĩn dĩdĩ. Hõllõngaa hittoorihi naa thõõth umwa, haduha thõõth ꞌcĩ ĩĩn dĩdĩ.

1 Timotteeo 5:21

Haduhaaki muumaa cĩ Nyekuci hĩ ĩcĩ Yeesu Krĩstõ, hĩ aajĩlẽẽt cĩgĩnnĩg vẽlẽk baag eberriaa hanneeki, nũũ thooꞌthiok ꞌcĩg haduhaaki naa ho. Nẽ ma hahali eet thõng.