ꞌRooma 8:9 - ꞌBuuk cĩ Thõõth cĩ Nyekuci

⁹ Nẽẽthĩ, ꞌgõõlaa umwaanĩ, iittiõõ niig hõllõngaa aggammuung ꞌthẽccanẽẽta cugguung, nẽẽthĩ hinnia, aggammuung ngagiit Lorii, hatĩ aaĩ Lorii cĩ Nyekuci hĩ ngagiita. Nẽ má hõllõngaa aꞌnyak ẽẽtĩ umwaa Lori cĩ Krĩstõ, aitiõõ nẽẽ hõllõngaa ĩĩn eet cĩ Krĩstõ.

ꞌRooma 8:9 ပူးပေါင်းရင်းမြစ်များ

ꞌLuuka 11:13

Ma agayyu niig ngaatĩ aaꞌnyiku lõhõlĩ cugguung hẽlẽggĩ ꞌcĩg abũnnaa tananga iiginnu ꞌthẽccanniook, ma ꞌthẽk hinnia Maaꞌnyu cĩ hẽẽtkujjieen, aaꞌnyĩk hatĩ nẽẽ eet ꞌcĩg ala ĩnõõnnõ Lori ꞌcĩ Ẽllẽẽmĩth tabattĩ thõng?”

Yõaannẽ 14:17

Eterꞌtheekuung hatĩ ngagiit Lorii ꞌcĩ Ẽllẽẽmĩth ko, thõõth ꞌcĩ ĩĩn dĩdĩ. Nẽ hõllõngaa ẽlẽmĩ eeta cĩg looc nicci ĩnõõnnõ, hĩnĩngĩtĩ hõllõngaa acĩn nẽẽg hode aga ĩnõõnnõ. Nẽẽthĩ, agayyu niig Lori ꞌcĩ Ẽllẽẽmĩth, hĩnĩngĩtĩ aalla hatĩ nẽẽ arũmeennu hĩ ngagiit ooo.

Yõaannẽ 14:23

Ẽdẽcĩ Yeesu ꞌJuuda anneek, “Má ammĩnannaa eet umwaa nganĩĩta, aꞌthũũnnĩ hatĩ nẽẽ ꞌlimman caannĩ. Ammĩnan hatĩ Baaba ĩnõõnnõ buúk nẽ hatĩ hiitaawa naag hĩ Baaba hẽtẽhẽnytaawa õlõ cĩnaang hĩ ĩnõõnnõ.

Yõaannẽ 3:34

Hĩnĩngĩtĩ ẽẽtĩ baa ĩꞌthõõa Nyekuci, õthõõth thõõth cĩ Nyekuci, hĩnĩngĩtĩ hõllõngaa abĩlĩ Nyekuci ngaatĩ aaꞌnyĩkĩ eet Lori ꞌcĩ Ẽllẽẽmĩthĩ.

Yõaannẽ 3:6

Arrita eeta lõhõlĩ cĩggĩĩng, nẽẽthĩ, Lori cĩ Nyekuci diooni ꞌcĩ occa ũũhũyyii nganiit ĩĩ loholeec cĩ Nyekuci.

Dtiicanĩ cĩg ꞌThooyyiahu 16:7

Ma baa ma õdõlan nẽẽg lõkõõrĩ cĩ looc cĩ Miꞌthia ho, iita idiimito nẽẽg edeccieek ĩcĩ looc cĩ Bithinia. Baa hinnia hõllõngaa ẽlẽmaakĩ Lorii cĩ Yeesu ĩhõõggõ hõõt.

ꞌRooma 7:5

Hĩnĩngĩtĩ baa nga aggammeet ngagĩĩt thõõth ꞌcĩ habũranẽẽkĩ ꞌthẽccan, baa aaꞌnyeet nyattalĩ hũbũratteek ꞌthẽccan eleetinii cĩggaac ĩcĩg aĩnanaanneet hadaahit.

ꞌRooma 8:1

Nẽẽthĩ ꞌyioko, iittiõõ thõõth ꞌcĩ etteedothoothĩk eet ꞌcĩg ũrũmtĩ hĩ Yeesu Krĩstõ tõõ,

ꞌRooma 8:11

Nẽ má aaĩ Lorii cĩ Nyekuc baa arũgtha Yeesu daahĩtha hĩ ngagiita, aaꞌnyĩk hatĩ Nyekuci baa arũgtha Krĩstõ daahĩtha eleeti cugguung ꞌcĩg occa adaahĩ ho, rũgẽt Loriiaa cĩnnĩ ĩcĩ aaĩ hĩ ngagiita.

ꞌRooma 8:2

hĩnĩngĩtĩ aaꞌnyuung hatĩ Lorii ꞌcĩ Ẽllẽẽmĩth ngagiit rũgẽt ꞌcĩ aku hĩ Yeesu Krĩstõ nẽ õõgauung ꞌthẽccaana hĩ daahĩtha.

1 Korinthia 15:23

Nẽẽthĩ, occa hẽrẽẽa naag vẽlẽk hõdẽĩ hõdẽĩ kõr cĩnaac. Baa nõõ arũgtha Nyekuci Krĩstõ ĩĩcĩ oou daahĩtha nẽ arũgthaa hatĩ eeta cĩgĩnnĩg buúk daahĩtha hatĩ õbõda nẽẽnĩ.

1 Korinthia 3:16

Hõllõngaa agayyu niig aĩ, ĩĩn eleeti cugguung ꞌCieeth cĩ Nyekuci nẽ aaĩ Lorii cĩ Nyekuci hĩ ngagiita?

1 Korinthia 6:17

Nẽẽthĩ, ẽẽtĩ ꞌcĩ arũm ẽlẽ cĩnnĩ hĩ cĩ Makayyiookto, iita ĩĩtõ lorii cĩnnĩ hĩ cĩ Makayyiookto hõdẽẽthõng.

1 Korinthia 6:19

Hõllõngaa agayyu niig ngaatĩ ĩĩnnĩ eleeti cugguung ꞌCieeth cĩ Lori ꞌcĩ Ẽllẽẽmĩth ꞌcĩ aaĩ hĩ ngagiit baa aaꞌnyuung Nyekuci? Hõllõngaa ĩĩn eleeti cugguung diooni;

2 Korinthia 10:7

Akannu niig hẽbẽrĩ hẽlẽggĩ ꞌcĩg acinnu niig battaali thõng diooni. Má ammuk ẽẽtĩ umwaa aĩ hĩĩnĩ eet cĩ Krĩstõ, aꞌnyĩĩk hummuhunõõthĩ nẽẽ hĩĩ, hĩĩgĩnna naag buúk eet cĩg Krĩstõ hĩ nẽẽnĩ.

2 Korinthia 6:16

Ganõn iina ꞌcĩ aꞌnyak ꞌCieeth cĩ Nyekuci hĩ hẽlẽggĩ ꞌcĩg aar eeta hĩĩtõ nyekuꞌnya ho? Hĩnĩngĩtĩ hĩĩgĩn naag ꞌCieeth cĩ Nyekuc ꞌcĩ arũgĩ. Hĩcĩ aduha ꞌBuuhi cĩ Nyekuci aĩ, “Haaĩ hatĩ naa hĩ ĩhõõggõ nẽ hookorria hĩ ĩhõõggõ. Hĩĩnĩ hatĩ naa Nyekuc cĩnĩĩng nẽ ĩĩtõ nẽẽg eet cĩgannĩg.”

ꞌGalaaꞌthia 4:6

Nẽẽthĩ, hĩnĩngĩtĩ hĩĩtõ naag lõhõlĩ cĩgĩnnĩg, ikia ĩꞌthõõa Nyekuci Lori cĩ Ngeerĩnĩ, hikia haau ꞌthinneetinii cĩggaac. Nẽ aduhaakeet Lorii cĩnnĩ anneekeet, “Ĩĩn Nyekuci Baangeet.”

ꞌGalaaꞌthia 5:24

Eeta cĩg Yeesu Krĩstõ, ĩĩn eet ꞌcĩg otoddoyyieek thooꞌthiok ꞌcĩg abathĩ ꞌcĩg abũraneek nẽẽg vẽlẽk hurucceea.

Eevvetho 1:13

Ikia aꞌnyahaahuung Krĩstõ buúk ngagiit thõõth ꞌcĩ ĩĩn dĩdĩ, ꞌcĩ ĩĩn nyeemuut ꞌcĩ abũnnaa ꞌcĩ occa eelliannu niiga. Baa aarrihu niig lemiinit cunuung hĩ Krĩstõ nẽ aaꞌnyĩhoothĩhuung nyamacaar cĩ Lori ꞌcĩ Ẽllẽẽmĩth baa adukiaa, hátĩ hedeeꞌnyia ngaatĩ iiginnu niig eet cĩg Nyekuci.

Eevvetho 2:22

Nẽ iiginnu niig dhoorit cĩ ꞌcieeth tĩho, ꞌcĩ baa ẽhẽnyĩt Krĩstõ hĩĩ nĩngĩtĩ aayyi Lorii cĩ Nyekuci.

Eevvetho 3:17

hatĩ haau Krĩstõ ꞌthinneetinii cugguung, hĩnĩngĩtĩ lemiinit cunuung. Uꞌthuutti thõõth cĩnnĩ jurrung nẽ okomit mĩnnaanaa cĩnnĩ.

Pilippi 1:19

hĩnĩngĩtĩ haga naa laiittaa cunuung hĩ eliinit ꞌcĩ aku hĩ Lori cĩ Yeesu Krĩstõ, ꞌgii baa adĩmanoothĩkaa nganĩĩta, aku hatĩ ũũkcĩ hĩĩ thõõth ꞌcĩ heellianĩĩ naana.

2 Timotteeo 1:14

ꞌThũũtĩ thõõth cĩ Nyekuci baa aaꞌnyĩhoothikii nganiit, eliittaa cĩ Lori ꞌcĩ Ẽllẽẽmĩthĩ, ĩcĩ aaĩ eleetinitõõ cĩggaac.

1 Pẽẽtũrũ 1:11

Baa aaĩ Lorii cĩ Krĩstõ eleetinii cĩggĩĩng, ꞌcĩ baa aduhaak ĩhõõggõ ꞌgõõl ꞌcĩ hatĩ accananiini Krĩstõ nẽ aaꞌnyĩhoothĩk bulẽẽnĩtĩ cobbiẽẽnĩ. Nẽ baa adiim nẽẽg aga eet occa hatĩ iina ꞌcĩ aku ĩĩn Krĩstõ ho nẽ aku occa hatĩ nẽẽ hatĩngaan.

1 Yõaannẽ 3:24

Má hathĩhĩ naag tilooinit cĩ Nyekuci, harũmĩ hatĩ naag ꞌthinneetinii cĩggaac hĩ ĩnõõnnõ nẽ hatĩ aau nẽẽ ꞌthinneetinii cĩggaac. Eterꞌtheekeet Lorii baa aaꞌnyeet nẽẽ ngagĩĩt ngaatĩ hĩĩgĩnnĩ naag hõdẽẽthõng hĩ ĩnõõnnõ.

1 Yõaannẽ 4:13

Haga naag ngaatĩ haattiyyi hĩ ĩnõõnnõ nẽ aau nẽẽ hĩ ngagĩĩta, hĩnĩngĩtĩ aaꞌnyeet nẽẽ ngagĩĩt Lori cĩnnĩ.

1 Yõaannẽ 4:4

Niig lohollia, ĩĩgĩnnu niig cĩg Nyekuci nẽ ĩllõõattu põrõvẽtaaꞌnya ꞌcĩg ĩĩn oloꞌngiaak ko. Hĩnĩngĩtĩ ĩllõõan Lorii ꞌcĩ aaĩ hĩ ngagiit ko, lori ꞌcĩ aaĩ loota nĩnga ho.

Terethiinit 13:8

Nĩngĩtĩ au alaĩ eeta vẽlẽk cĩg looc nicci nyaharahaak nicci, eeta baag hõllõngaa eheeddi ꞌthaara cĩggĩĩng ꞌBuuhaa cĩ Mĩꞌnyõõn baa aruhi baa nga heteheꞌnyiaa lõõcĩ.

Terethiinit 20:15

Nẽ eeta vẽlẽk ꞌcĩg baag hõllõngaa eheeddi ꞌthaara cĩggĩĩng ꞌbuuhaa cĩ rũgẽtõ, iita udhuktoothĩk ꞌgelemtaa cĩ ꞌgwoo ꞌcĩ aalla ooo ho.