ꞌRooma 8:8 - ꞌBuuk cĩ Thõõth cĩ Nyekuci

⁸ Eeta ꞌcĩg aggam ꞌthẽccanẽẽta cĩggĩĩng, hõllõngaa aaꞌnyĩk Nyekuc haccamanoothĩk.

ꞌRooma 8:8 ပူးပေါင်းရင်းမြစ်များ

Maatteeo 3:17

Ma ho, õthõõtha mõlõõhĩ umwaa hẽẽtahujjieen ĩĩ, “Loholeec caannĩ ciee ꞌcĩ hamĩna, haccamanaa naa ĩnõõnnõ gẽrrẽẽt.”

Yõaannẽ 3:3

Ẽdẽcĩ Yeesu Nikodemo anneek, “Haduhaakii dĩdĩ, aitiõõ ẽẽtĩ ꞌcĩ occa aduhun habuccieet cĩ Nyekuci, hatĩ nga hittirria nẽẽ tarĩ tõõ.”

Yõaannẽ 8:29

Harũmeenna naag hĩ eet baa ĩꞌthõõannaa nganĩĩta, nga hũtũngeeha nẽẽ nganĩĩt ẽmmẽn, hĩnĩngĩtĩ hadĩmani naa hõdõõkõthĩ thõõth ꞌcĩ accamana nẽẽnĩ.”

ꞌRooma 1:21

Tananga baa aga ꞌthẽccanniooha Nyekuc, baa hõllõngaa abuluth nẽẽg ĩnõõnnõ haau hĩ Nyekuci dĩdĩ, hode anneek ĩnõõnnõ ĩlaallẽ, nẽẽthĩ, ikia ẽꞌthẽcanĩ muhẽẽnĩtĩ cĩnĩĩng nẽ abathit ꞌthinneeti cĩggĩĩng.

ꞌRooma 7:5

Hĩnĩngĩtĩ baa nga aggammeet ngagĩĩt thõõth ꞌcĩ habũranẽẽkĩ ꞌthẽccan, baa aaꞌnyeet nyattalĩ hũbũratteek ꞌthẽccan eleetinii cĩggaac ĩcĩg aĩnanaanneet hadaahit.

ꞌRooma 8:9

Nẽẽthĩ, ꞌgõõlaa umwaanĩ, iittiõõ niig hõllõngaa aggammuung ꞌthẽccanẽẽta cugguung, nẽẽthĩ hinnia, aggammuung ngagiit Lorii, hatĩ aaĩ Lorii cĩ Nyekuci hĩ ngagiita. Nẽ má hõllõngaa aꞌnyak ẽẽtĩ umwaa Lori cĩ Krĩstõ, aitiõõ nẽẽ hõllõngaa ĩĩn eet cĩ Krĩstõ.

1 Korinthia 7:32

Hadiimmuung naa ngagiit aaut lõꞌngõõc iittiõõc hõllõngaa apuppuddu. Arrĩĩppan ẽẽtĩ ꞌcĩ nga hũꞌthũwanõõ thõõth cĩ Makayyiookto nẽ arrĩĩppan ꞌgõõl ꞌcĩ occa aaꞌnyĩkĩ nẽẽ Makayyioohit haccamanoothĩk.

Pilippi 4:18

Nẽ ꞌyioko, haꞌnyaha naa ꞌgii vẽlẽk ꞌcĩ hadiimi hĩllõõan. Aanytaangu niig nganĩĩt ꞌbaaninit ꞌcĩ maka baa ĩꞌthõõakaangu haꞌnyahaaha Epavorodito. Aaĩ ꞌbaaniniti ciee hĩ ꞌgaarrieeniti ꞌcĩ õꞌngõlĩ ẽmmẽdĩ ꞌcĩ accamana Nyekuci.

Kolooꞌthe 1:10

Nẽ hatĩ aꞌnyaktu rũgẽt ꞌcĩ adĩhĩꞌthu Makayyioohit nẽ aanytĩhu ĩnõõnnõ haccamanoothĩk hõdõõkõthĩ, ngaatĩ adĩmannu dtiicanĩ ꞌcĩg abũnnaa. Au hatĩ agayyu niig Nyekuc hĩllõõan.

Kolooꞌthe 3:20

Niig lohollia, ĩthĩhĩt maajihu hĩ ngaaggu thooꞌthiohĩ vẽlẽk, hĩnĩngĩtĩ ma adĩmannu hoti, accamanoothĩk Makayyioohiti gẽrrẽẽt.

1 Tẽꞌthaloonika 4:1

ꞌGotoonoga hĩ ngoonoga, baa haduhaakuung naag authet ꞌcĩ abũnnaa ꞌcĩ haaꞌnyĩkĩ Nyekuc hatal dĩdĩ, hĩcĩ aattiyyu niig ꞌyioko ho. Hanneekuung ngagiit ĩdĩmanit hoti hĩllõõan ꞌthaarĩĩ cĩg Makayyioohit cĩnaac Yeesu Krĩstõ.

Ebereei 13:16

Nẽ ma hatarroꞌthu ngaatĩ eellu ꞌgoonogu nẽ othollu ijjio cugguung hĩ ĩhõõggõ. Aduhõõ thõõth ciee hĩ ngaatĩ aaꞌnyiku Nyekuc ꞌgarrieenit ꞌcĩ atalĩ nẽẽ thõng.

Ebereei 13:21

Halayyi naa haini, aꞌnyĩĩk Nyekuc haaꞌnyuung ĩthĩhĩt ĩnõõnnõ nẽ hatĩ gõõng ĩdĩmattu thooꞌthiok ꞌcĩg aũlanĩ. Aꞌnyĩĩk Yeesu heeluung ĩdĩmanit thõõth ꞌcĩ aaꞌnyĩk Nyekuc haccamanoothĩk. Aꞌnyĩĩk bulẽẽnĩt haau hĩ Yeesu Krĩstõ ooo! Aamẽn.

1 Yõaannẽ 3:22

Aaꞌnyeet hatĩ nẽẽ ngagĩĩt ꞌgii vẽlẽk ꞌcĩ hajin naag ĩnõõnnõ, hĩnĩngĩtĩ hathĩhĩ naag thõõth cĩnnĩ nẽ hĩdĩmanit thooꞌthiok ꞌcĩg accamana nẽẽnĩ.