ꞌRooma 8:7 - ꞌBuuk cĩ Thõõth cĩ Nyekuci

⁷ Aaburreek muhẽẽnĩtĩ cĩ ꞌthẽccaanõ hõdõõkõthĩ Nyekuc. Hõllõngaa ẽlẽmĩ nyattal cĩ Nyekuci nẽ hõllõngaa occa adĩman noho ũdũt.

ꞌRooma 8:7 ပူးပေါင်းရင်းမြစ်များ

Luugithõõ 20:5

Ma hakanneeku ĩhõõggõ huruꞌnyia hode alayyu ĩhõõggõ, hĩnĩngĩtĩ naa Makayyioohiti Nyekuci cunuung, hĩĩnĩ Nyekuc ꞌcĩ hõllõngaa haccamanoothihi, hatĩ abuluꞌthu nyekuꞌnya ũgĩ, occa huuki lõhõlĩ, hĩnĩngĩtĩ ꞌthẽccanẽẽt cĩg maajihi cĩggĩĩng, ĩꞌthõng lõhõlĩ cĩg lõhõlĩ cĩggĩĩng ꞌcĩg aaburreeka nganĩĩta.

Maatteeo 12:34

Niig cĩg abaꞌthu dtẽc aaut hĩ hũkaaꞌnya ho, occa gõõng aduhaannu niig thõõth ꞌcĩ abũnnaa hutuno? Hĩnĩngĩtĩ ꞌgii ꞌcĩ aduhaannu niiga, ẽtẽrꞌtha ꞌgii ꞌcĩ aaĩ ꞌthinneetinii cugguung.

Maatteeo 5:19

Má abũrĩ eet umwaa tilooinit ꞌcĩ hidici cĩ nyattaalõ nẽ illimaneek ꞌgõõnõgĩ ũgĩ buúk hũtũbũrĩt, auyyuung hatĩ eeta anneekuung, eet ꞌcĩg kidicig gẽrrẽẽt habuccieetaa cĩ hẽẽtkujjieen. Nẽẽthĩ, ẽẽtĩ ꞌcĩ ẽlẽmĩ nyattalliook cĩg Nyekuci nẽ illimaneek ꞌgõõnõgĩ, aũ hatĩ eeta ĩnõõnnõ anneek, eet cobbi habuccieetaa cĩ hẽẽtkujjieen.

Yõaannẽ 7:7

Aitiõõ hõllõngaa aaburreekuung eeta cĩg looc nicci ngagiita, aaburreeka nẽẽg nganĩĩt, hĩnĩngĩtĩ hĩbbõõrahi naa ĩhõõggõ thooꞌthiok ꞌcĩg abathĩ ꞌcĩg adĩman nẽẽgĩ.

ꞌRooma 1:28

Nẽẽthĩ hoti ho, hĩcĩ ũtũbũrĩt eeta cieeg ngaatĩ aꞌthũũnnĩ thõõth cĩ Nyekuci ho, ikia alahanẽẽhĩ nẽẽ muhẽẽnĩt ꞌcĩ abathĩ haggam ĩhõõggõ, hátĩ hĩdĩmanit nẽẽg thooꞌthiok ꞌcĩg hõllõngaa occa adĩmanni.

ꞌRooma 1:30

õthõõth ꞌgõõnõgĩ ꞌbuth, aaburreek Nyekuc, athĩngõõnyanĩ nẽ irrianit gẽrrẽẽt nẽ accamatta ngaatĩ adĩmanĩ thooꞌthiok ꞌcĩg abathĩ. Hõllõngaa athĩhĩ maajihi hĩ ngaaggi.

ꞌRooma 3:31

Occa ꞌyioko ꞌthẽk hadhuha naag nyattal, hĩnĩngĩtĩ lemiinit icci? Aitiõõ ũdũt! Huꞌthuutti nẽẽ naag nyattal hõkõm.

ꞌRooma 5:10

Tananga baa hĩĩtõ naag mĩrõk cĩg Nyekuci, ikia aganĩꞌtheet nẽẽ ngagĩĩta, hĩnĩngĩtĩ baa adaahĩ Ngeerĩnĩ, hĩnĩngĩtĩ ngagĩĩta. Nẽẽthĩ, nga aayyiaa ꞌgiimwaa ꞌcĩ ĩllõõan ꞌgõnnaꞌthẽẽt cĩnaac. Nẽẽthĩ ꞌyioko, hĩcĩ hagayyiõõ naag hĩ Nyekuc ko, heelliaa hatĩ naag rũgẽtaa cĩ Ngeerĩnĩ.

ꞌRooma 7:22

ꞌThĩnĩtatõõ caannĩ vẽlẽk, helemi naa nyattal cĩ Nyekuci.

ꞌRooma 8:4

Baa adĩman Nyekuci hoti, hátĩ hĩdĩmanit thõõth ꞌcĩ adiimmeet nyattalĩ hidticanit ꞌgõõlaa ꞌcĩ hathĩknĩ Lori ꞌcĩ Ẽllẽẽmĩthĩ, hĩllõõan ngaatĩ hathĩknĩ thooꞌthiok ꞌcĩg habũraneek naaga.

1 Korinthia 2:14

Ẽẽtĩ ꞌcĩ hõllõngaa aꞌnyak Lori, hõllõngaa ẽlẽmĩ thooꞌthiok ꞌcĩg au hĩ Lori cĩ Nyekuci, hĩnĩngĩtĩ ĩĩn thooꞌthioha nicciag ꞌgiithẽnĩt hĩ ĩnõõnnõ nẽ hõllõngaa occa athĩhĩ nẽẽ thooꞌthiok tĩko, hĩnĩngĩtĩ athĩhĩ ĩhõõggõ Lorii diooni.

1 Korinthia 9:21

Nẽ má harũmeenna naag hĩ eet ꞌcĩg hõllõngaa aggam nyattalĩ, hataarothi naa nyattal nẽ hũlũllũũmana ĩhõõggõ hĩĩtõ lemmiook. Nẽẽthĩ nẽẽꞌthẽk, baa nga hataaroth naa thõõth cĩ nyattal cĩ Nyekuci. Nẽ dĩdĩ, aggamma nganĩĩt nyattalĩ cĩ Krĩstõ.

Kolooꞌthe 1:21

Baa gõõng iiginnu niig ꞌrẽẽttĩg hĩ Nyekuc. Baa aaꞌnyuung muhẽẽnĩtĩ cunuung ngagiit ĩĩtõ mĩrõk cĩg Nyekuci nẽ ĩdĩmattu thooꞌthiok ꞌcĩg abathĩ.

Kolooꞌthe 2:18

Ma haaꞌnyiku eet ꞌcĩg athĩngõõnyan aĩ hĩĩgĩnna tarbalĩg nẽ alaacõ aajĩlẽẽt, higgoolluung ngagiita. Irrian nẽẽg aĩ hĩcĩtta thooꞌthiok ꞌcĩg eterꞌtheek Nyekuci ĩhõõggõ honoothitatõõ. Nẽẽthĩ, ĩĩn thõõth cĩnĩĩng ko õlõng haaga, hĩnĩngĩtĩ abbĩꞌthĩĩ muhẽẽnĩtĩ cĩ thooꞌthiok ꞌcĩg abathĩ ꞌthinneetinii cĩggĩĩng.

2 Timotteeo 3:4

Au hatĩ õhõppõõcan ꞌgõõnõgĩ, ajanĩ thooꞌthiok tahatak, attik iꞌnyiaati nẽ accamattoothĩk, hĩnĩngĩtĩ ammĩnan ngaatĩ adĩmanĩ thooꞌthiok ꞌcĩg adiim nẽẽgĩ nẽ ũtũbũrĩt ngaatĩ ammĩnanĩ Nyekuc.

Ebereei 8:10

Nẽẽthĩ, aduha Makayyioohit aĩ, lõhõt caannĩ ciee ꞌcĩ ĩĩn ngeju ꞌcĩ hatĩ hadaka naag hĩ eet ꞌcĩg Ĩꞌthĩraẽlĩ kõr tĩho. Haarihi hatĩ naa nyattal caannĩ ootinii cĩggĩĩng nẽ heteheedĩha ꞌthinneetinii cĩggĩĩng. Hĩĩnĩ hatĩ naa Nyekuc cĩnĩĩng, nẽ ĩĩtõ nẽẽg eet cĩgannĩg.

ꞌJeemith 4:4

Niig eeta ꞌcĩg adĩmannu hẽlẽggĩ ꞌcĩg ĩĩn ꞌriiring ko, hõllõngaa agayyu niig ngaatĩ aaꞌnyuung ꞌgõnnaꞌthẽẽt cĩ lootu ĩĩtõ mĩrõk cĩg Nyekuci? Nẽ má eberriaau ngaatĩ iiginnu ꞌgõõnõgĩ lootu, iittu niig mĩrõk cĩg Nyekuci.

2 Pẽẽtũrũ 2:14

Thõõth vẽlẽk ꞌcĩ ammuk nẽẽgĩ, ammuk thõõth ꞌcĩ adiim ooginni hĩ maac hode ngaa cĩ ꞌgõõnõnĩ. Aitiõõ nẽẽg hõllõngaa ũũnnĩk ꞌthẽccanẽẽt ũdũt. Allabeek nẽẽg eet ꞌcĩg aggiithi hẽꞌthẽẽcattõõ nẽ abbĩꞌthĩĩ ooti cĩggĩĩng muhẽẽnĩtĩ ꞌcĩ aĩnnĩ ngaam ngaam diooni. Nẽẽthĩ, ĩccĩĩn Nyekuci ĩhõõggõ ẽlẽk.