ꞌRooma 8:4 - ꞌBuuk cĩ Thõõth cĩ Nyekuci

⁴ Baa adĩman Nyekuci hoti, hátĩ hĩdĩmanit thõõth ꞌcĩ adiimmeet nyattalĩ hidticanit ꞌgõõlaa ꞌcĩ hathĩknĩ Lori ꞌcĩ Ẽllẽẽmĩthĩ, hĩllõõan ngaatĩ hathĩknĩ thooꞌthiok ꞌcĩg habũraneek naaga.

ꞌRooma 8:4 ပူးပေါင်းရင်းမြစ်များ

ꞌLuuka 1:6

Nẽ baa ĩĩn ꞌThakaria hĩ Eliꞌthẽbẽta eet ꞌcĩg abũnnaa gẽrrẽẽt muumaa cĩ Nyekuci, baa aꞌthũũnnĩ nẽẽg tilooinit hĩ nyattalliook cĩg Makayyiooktak jurrung.

ꞌRooma 2:26

Má aꞌthũũnnĩ eeta ꞌcĩg hõllõngaa etteeddi eleeti hẽlẽggĩ ꞌcĩg adiim nyattalĩ, hõllõngaa occa aga Nyekuci aĩ, aduhõõ nẽẽg hĩ eet ꞌcĩg etteeddi eleeti thõng?

ꞌRooma 3:31

Occa ꞌyioko ꞌthẽk hadhuha naag nyattal, hĩnĩngĩtĩ lemiinit icci? Aitiõõ ũdũt! Huꞌthuutti nẽẽ naag nyattal hõkõm.

2 Korinthia 10:2

Õthõõth eeta ũgẽẽgĩ aĩ, hidticanit naag thooꞌthiok ũgĩ ꞌcĩg abathĩ hĩ ꞌcĩg adtican eeta cĩg looc nicci. Nẽ ma hõdõlana naana, hammuhi hakuu hatĩ hothoothi komiitta hĩ ꞌgõõlaa ꞌcĩ attiranĩ thooꞌthiohĩĩ ꞌcĩg hatĩ hakuu haduhaahi naa ĩhõõggõ. Hõlõ, ma haaꞌnyaangu nganĩĩt hĩdĩmanuung ngagiit ꞌgõõla nĩĩca.

2 Korinthia 10:3

Tananga nga haattĩg naag loota nĩnga, hõllõngaa hadtican hẽlẽggĩ ꞌcĩg adtican eeta cĩg looc nicci,

ꞌGalaaꞌthia 5:16

Nẽẽthĩ, hĩĩna naa nẽẽ, aꞌnyahit rũgẽt cunuung Loriiaa ꞌcĩ Ẽllẽẽmĩthĩ, nẽẽthĩ hatĩ iittiõõ hõllõngaa adticannu ꞌthẽccanẽẽt ꞌcĩg abathĩ ꞌcĩg abũraneeku niiga.

Kolooꞌthe 1:22

Nẽ ꞌyioko, ikia aganĩthuung nẽẽ ngagiit, hátĩ agayyio hĩ ĩnõõnnõ daahĩthaa cĩ Krĩstõ. Nẽ hĩnĩngĩtĩ thõõth icci, aꞌnyahaauung nẽẽ ngagiit muumaa cĩnnĩ nẽ iittu eet ꞌcĩg ẽllẽẽmĩth cĩg Nyekuci ꞌcĩg ammĩrĩ ꞌcĩg abillu muumaa cĩnnĩ hiꞌthihi ꞌthẽccan umwa.

Ebereei 12:23

Nẽ ꞌyioko, iitiaau niig lothippiti cĩ lemmiook ꞌcĩg ammĩnan Nyekuci gẽrrẽẽt, ꞌcĩg ĩĩgĩnnu lõhõlĩ ꞌcĩg oou ꞌcĩg eteheeddi ꞌthaara cugguung hẽẽtahujjieen. Iitiaau niig hĩ Nyekuc ꞌcĩ ẽttẽẽd thooꞌthiok vẽlẽk cĩg eetuk. Nẽ tarĩ, iitiaau hĩ loriẽẽt cĩg eet ꞌcĩg abũnnaa hẽẽtahujjieen, ꞌcĩg ꞌyioko aanytĩhoothĩk hũbũttaathõ.

1 Yõaannẽ 3:2

ꞌGotoonoga hĩ ngoonoga, hĩĩtõ naag lõhõlĩ cĩg Nyekuci ẽlẽk, nẽẽthĩ hinnia, nga heteretheeheet nẽẽ ngagĩĩt ꞌgõõl ꞌcĩ hatĩ haattiyyi, hatĩ uppwaanna Krĩstõ. Nẽẽthĩ, haga naag haĩ, haattĩg hatĩ naag hĩ nẽẽnĩ, hĩnĩngĩtĩ hacĩn hatĩ naag ĩnõõnnõ dẽẽdẽ.

ꞌJuud 1:24

Nẽ ꞌyioko, aꞌnyĩĩk bulẽẽnĩt vẽlẽk hũũk hĩ Nyekuc, ꞌcĩ ũũlũ ngaatĩ aꞌthuunnuung ngagiit ꞌgõõlaa ꞌcĩ occa arahannu, nẽ aꞌnyahaauung ngagiit taliittaa cobbi gẽrrẽẽt iita ngaatĩ aayyi nẽẽ bulẽẽttaa cĩnnĩ ĩĩcĩ hiꞌthihi ꞌthẽccan umwa.

Terethiinit 14:5

Eet ꞌthẽk ꞌcĩg nga hoolongit ũdũt nẽ occa hõllõngaa aꞌngaaꞌnyi haaga.