ꞌRooma 8:39 - ꞌBuuk cĩ Thõõth cĩ Nyekuci

³⁹ ꞌcĩ aku hẽẽtahujjieen hode ꞌtirrian ꞌcĩ aku loota, ꞌcĩ eꞌngerreet ngagĩĩt mĩnnaanaa cĩ Nyekuci. Hiꞌthihi ꞌgii ꞌcĩ occa eꞌngerreet ngagĩĩt hẽlẽggẽẽnnĩĩ vẽlẽk ĩĩcĩg ẽhẽnytaa mĩnnaanaa cĩ Nyekuci, hĩnĩngĩtĩ Yeesu Krĩstõ Makayyioohit cĩnaac.

ꞌRooma 8:39 ပူးပေါင်းရင်းမြစ်များ

Maatteeo 24:24

Hĩnĩngĩtĩ au hatĩ krĩstõꞌnya hĩ põrõvẽtaaꞌnya ꞌcĩg hõllõngaa ĩĩn dĩdĩ nẽ idticanit thooꞌthiok ꞌcĩg ĩnaat eeta gẽrrẽẽt, hĩttĩmanit ngaatĩ ĩggõõlĩ eet ꞌcĩg ẽbẽra Nyekuci buúk.

Yõaannẽ 16:27

Aitiõõ, ammĩnannuung ngagiit Baaba, hĩnĩngĩtĩ baa ammĩnannaangu niig nganĩĩta nẽ elemtu ngaatĩ hakuuni naa hĩ Baaba.

Yõaannẽ 17:26

Haaꞌnyĩha naa ĩhõõggõ hagayyi nganiita nẽ aalla hatĩ haaꞌnyihi ĩhõõggõ hagayyi nganiit, hátĩ haau mĩnnanĩ ꞌcĩ aꞌnyaheekaa nii nganĩĩt hĩ ĩhõõggõ nẽ hátĩ haau naa buúk hĩ ĩhõõggõ.”

Yõaannẽ 3:16

“Hĩnĩngĩtĩ baa ammĩnan Nyekuci eet cĩg looc nicci gẽrrẽẽt ũdũt, ĩnõõ ꞌcĩ ẽlẽmanaanĩ Ngeerĩnĩ ꞌcĩ odoyyii ẽlẽ cĩnnĩ, hátĩ hiittiõõ ẽẽtĩ ꞌcĩ ẽlẽmĩ Ngeerĩnĩ hõllõngaa adaahĩ. Ammũda hatĩ ẽẽtĩ ꞌcĩ ẽlẽmĩ ĩnõõnnõ ho, rũgẽt ꞌcĩ aalla ooo.

ꞌRooma 1:7

Hẽhẽẽdakuung naa ngagiit vẽlẽk waraga icci ꞌRoomattĩ. Ammĩnannuung Nyekuci ngagiit nẽ ẽbẽraauung ĩĩtõ eet cĩgĩnnĩg ꞌcĩg ẽllẽẽmĩthĩ. Aꞌnyĩĩk bũnnai hĩ ganõn ꞌcĩ aku hĩ Nyekuc Baangeet cĩnaac hĩ Makayyioohit cĩnaac Yeesu Krĩstõ, haau hĩ ngagiita.

ꞌRooma 11:33

Nganĩ ꞌcĩ occa attĩman baliinit hĩ ꞌgẽẽnyĩth cĩ Nyekuci? Nganĩ ꞌcĩ occa aga muhẽẽnĩt cĩnnĩ hode nganĩ ꞌcĩ occa ẽddẽẽba ꞌgii ꞌcĩ adtican nẽẽnĩ?

ꞌRooma 5:8

Nẽẽthĩ eteretheeheet Nyekuci ngagĩĩt mĩnnan cĩnnĩ ꞌgõõlaa ĩĩcĩ, baa nga hĩĩgĩn naag ꞌthẽccanniook, ikia adaak Krĩstõ, hĩnĩngĩtĩ ngagĩĩta.

ꞌRooma 6:23

Hĩnĩngĩtĩ, dũman cĩ ꞌthẽccaanõ daahĩthĩ, nẽẽthĩ, ꞌbaaninit cĩ Nyekuci, rũgẽtĩ ꞌcĩ aalla ooo, hĩ Yeesu Krĩstõ Makayyioohit cĩnaac.

ꞌRooma 8:1

Nẽẽthĩ ꞌyioko, iittiõõ thõõth ꞌcĩ etteedothoothĩk eet ꞌcĩg ũrũmtĩ hĩ Yeesu Krĩstõ tõõ,

ꞌRooma 8:35

Nganĩ ꞌcĩ occa eꞌngerreet ngagĩĩt mĩnnaanaa cĩ Krĩstõ? Eꞌngerreet occa pĩĩrnanĩtĩ hode ukẽẽnĩtĩ hode nyarõnĩ hode arriẽẽꞌthĩta hode bathi hode jõrẽẽĩ?

2 Korinthia 11:3

Nẽẽthĩ, homoꞌthi naa haini iggoolluung hatĩ ꞌThĩttaanĩ baa ĩĩn hũkaat baa ĩggõõl Ẽẽvva, nẽ arahannuung hatĩ ngagiit, hátĩ hiittiõõ hõllõngaa anuyyu thõõth ꞌcĩ tẽllĩ ꞌcĩ ĩĩn dĩdĩ cĩ Krĩstõ.

2 Korinthia 2:11

hátĩ hiittiõõ hõllõngaa aku ĩllõõanneet ngagĩĩt ꞌThĩttaanĩ. Hĩnĩngĩtĩ haga naag muhẽẽnĩt cĩnnĩ gẽrrẽẽt.

Eevvetho 1:4

Baa nga hẽtẽhẽnya Nyekuci looc, baa ammĩnanneet nẽẽ ngagĩĩt nẽ aaꞌnyĩk Krĩstõ hẽbẽraeet ngagĩĩt hĩĩtõ eet cĩgĩnnĩg ꞌcĩg hẽllẽẽmĩth ꞌcĩg hammĩrĩ muumaa cĩ Nyekuci. Hĩnĩngĩtĩ baa ammĩnanneet Nyekuci ngagĩĩta,

Pilippi 3:12

Aitiõõ naa hõllõngaa haini, hũmmũda hẽlẽggĩ iccig vẽlẽk hode haini hẽdẽcaaha dtiic cĩ Nyekuci. Nẽẽthĩ, nga ꞌthẽk harriiꞌnyi ĩꞌthõng haau ꞌgõõlaa ꞌcĩ adiimma Yeesu Krĩstõ kõr baa aũyyaanĩ.

Pilippi 3:3

Hĩnĩngĩtĩ ngagĩĩt dẽẽdẽ ꞌcĩg halayyi Loriiaa cĩ Nyekuci ꞌcĩg etteeddi ꞌthinneeti Loriia dĩdĩ. Hirrianĩ naag thooꞌthiok baag ĩdĩmaneeheet Yeesu Krĩstõ ngagĩĩt ẽlẽk. Hõllõngaa hirrian, hĩnĩngĩtĩ hẽlẽggĩ ꞌcĩg hĩdĩmanit naaga,

Pilippi 3:8

Nẽ dĩdĩ, ĩllõõan thõõth ꞌcĩ hagaĩ Makayyioohit Yeesu Krĩstõ ꞌgii vẽlẽk. Ĩnõõ baa hacĩnĩ naa hẽlẽggĩ vẽlẽk hĩ tahaha haaga, hátĩ hũnũ Krĩstõ,

2 Tẽꞌthaloonika 2:4

Irrian hatĩ ẽẽtĩ tĩho nẽ ũtũbũr hẽlẽggĩ vẽlẽk ꞌcĩg ẽllẽẽmĩth hode ꞌcĩg aꞌngirannii. Nẽẽthĩ tarĩ, iccioloongan hatĩ nẽẽ ꞌCieetõõ cĩ Nyekuci nẽ uduha ĩĩ hĩĩnĩ Nyekuc.

1 Yõaannẽ 4:16

nẽ haga naag nẽ helemit dĩdĩ hĩĩtõ, ammĩnanneet Nyekuci ngagĩĩta. Ĩĩn Nyekuci mĩnnan. Má haalla hammĩnan naag eleeti cĩggaac, haalla hatĩ harũmĩ naag ꞌthinneetinii cĩggaac hõdẽĩ hĩ Nyekuc nẽ hatĩ aala nẽẽ hũrũmtĩ hĩ ngagĩĩta.

1 Yõaannẽ 4:19

Hammĩnanõõ naag, hĩnĩngĩtĩ baa itiman Nyekuci ngaatĩ ammĩnanneet ngagĩĩt baa ĩĩcĩ oou.

Terethiinit 12:9

Nẽ ꞌbuuhi ciee obbi aꞌthĩlan gẽrrẽẽt ko, ĩĩn hũkaat baa ꞌrẽẽnĩ baa haĩ habu cĩ loriẽẽt ꞌcĩg abathĩ, hode ꞌThĩttaan, gõõng ĩggõõl looc hũtũrũũr, itiggiayyiaak looc aajĩlẽẽtĩĩ cĩgĩnnĩg vẽlẽk.

Terethiinit 13:14

Baa ĩggõõl nyaharahaahĩ nicciee eet loota nĩnga, ngaatĩ adĩmanẽẽkĩ eet thooꞌthiok ꞌcĩg ĩnaat eeta cĩg nyaharahaak baa oou. Ma nĩngaata, ikia uduhaak eet hẽtẽhẽnyta ꞌthooura cĩ nyaharahaak ꞌcĩ baa hõllõngaa adaahĩ, baa ĩĩn botohit baa acuhanni nyetuboota.

Terethiinit 19:20

Ma joraa nĩĩca, ikia aggamĩ nyaharahaahĩ hĩ põrõvẽtaac cĩnnĩ ꞌcĩ ĩĩn oloꞌngiaahit, ꞌcĩ baa adtican thooꞌthiok ꞌcĩg ĩnaat eeta gẽrrẽẽt, hĩnĩngĩtĩ nyaharahaak. Baa adtican nẽẽ thooꞌthiok tĩko, aĩ hátĩ hĩggõõl eet baag aꞌnyak nyamacaar cĩ nyaharahaahõ nẽ alaacõ ꞌthooura cĩnnĩ. Ma ho, udhuktoothĩk nyaharahaahĩ hĩ põrõvẽtaac cĩnnĩ ꞌcĩ ĩĩn oloꞌngiaahit ko buúk ꞌgelemit cĩ ꞌgwoo ꞌcĩ aaburii padtahac ꞌcĩ aalla ooo.

Terethiinit 2:24

Nẽ thĩ nẽẽꞌthẽk niig ũgẽẽgĩ ꞌtaaũnaa cĩ Thiatira ho, hõllõngaa anuyyu thõõth ꞌcĩ abathĩ ꞌcĩ allimaneekuung ngaa nicciee ho. Nẽ hõllõngaa agayyu thõõth ꞌcĩ anneek nuyyiooha cĩgĩnnĩg, ‘ꞌGii dĩdĩ ꞌcĩ ammiꞌthẽẽnĩ ꞌThĩttaanĩ.’ Nẽ hanneekuung, iittiõõ hatĩ hõllõngaa hatattadeekuung pĩĩrnanĩt umwa tarĩ.

Terethiinit 20:3

Ma ho, udhuheek aajĩlõ ĩnõõnnõ ꞌloohatõõ nẽ ũꞌnyũũgĩk haala nĩngaata, irkiꞌnyia aalib hõdẽĩ, hátĩ hiittiõõ hõllõngaa aku ĩggõõl eet ꞌcĩg lootu tarĩ. Nẽẽthĩ, aku hatĩ õõga aajĩlõ ĩnõõnnõ tarĩ, hikia nõõ hiyyioman hĩdĩhĩdĩĩc.

Terethiinit 20:7

Ooggiaa hatĩ ꞌThĩttaanĩ baabuuthatõõ, hatĩ ũttũbattoothĩk irkiꞌnyia ꞌcĩg ĩĩn aalib hõdẽĩ ho.