ꞌRooma 8:38 - ꞌBuuk cĩ Thõõth cĩ Nyekuci

³⁸ Aitiõõ ꞌgii ꞌcĩ occa eꞌngerreet ngagĩĩt mĩnnaanaa cĩ Nyekuci tõõ, hĩnĩngĩtĩ haga naag dĩdĩ haĩ, hõllõngaa daahĩth hode rũgẽt, hõllõngaa aajĩlẽẽt hode loriẽẽt ꞌcĩg abathĩ, hõllõngaa kõr nicci hode horumwa, hode ꞌtirrian umwa,

ꞌRooma 8:38 ပူးပေါင်းရင်းမြစ်များ

Yõaannẽ 10:28

Haaꞌnyihi naa aꞌtha rũgẽt ꞌcĩ aalla ooo nẽ aitiõõ hatĩ nẽẽg hõllõngaa adaahĩ ũdũt. Nẽ aitiõõ eet ꞌcĩ occa avvucanaanna nganĩĩt ĩhõõggõ athĩnĩĩ cĩgannĩg tõõ.

ꞌRooma 14:7

Hĩnĩngĩtĩ hõllõngaa harũgĩ naag, hĩnĩngĩtĩ eleeti cĩggaac hode hadaahĩ, hĩnĩngĩtĩ eleeti cĩggaac diooni.

ꞌRooma 14:8

Má harũgĩ naaga, harũgĩ hĩnĩngĩtĩ Makayyioohit nẽ má hadaahĩ, hadaahĩ hĩnĩngĩtĩ Makayyioohit. Nẽẽthĩ, tananga harũgĩ hode hadaahĩ, nga hĩĩgĩn cĩg Makayyiooktak noho.

ꞌRooma 4:21

Baa aga Abũrahamĩ ngaatĩ aꞌnyahĩ Nyekuci makaaꞌthĩt dĩdĩ, ꞌcĩ occa adĩmanĩ thõõth baa aduha nẽẽnĩ.

ꞌRooma 6:23

Hĩnĩngĩtĩ, dũman cĩ ꞌthẽccaanõ daahĩthĩ, nẽẽthĩ, ꞌbaaninit cĩ Nyekuci, rũgẽtĩ ꞌcĩ aalla ooo, hĩ Yeesu Krĩstõ Makayyioohit cĩnaac.

1 Korinthia 15:24

Nẽ urutaa ꞌcĩ ĩllõõanĩ Krĩstõ mĩrõk cĩgĩnnĩg vẽlẽk, ikia thĩ hatĩ decciaanĩtĩ cĩ lootu nẽ aaꞌnyĩk nẽẽ habuccieet Nyekuc Maaꞌnyĩ.

2 Korinthia 11:14

Aitiõõ hõllõngaa occa hakuleek naag ꞌjieen, hĩnĩngĩtĩ ꞌThĩttaan dẽẽdẽ ꞌcĩ õõlõng aĩ, hĩĩnĩ aajĩlõ ꞌcĩ hakuu hĩ Nyekuc.

2 Korinthia 4:13

Aĩ ꞌBuuhi cĩ Nyekuci nẽẽ, “Baa helemi naa Nyekuc, ĩnõõ ꞌcĩ hõthõõthĩ naa ho.” Nẽ haꞌnyak naag buúk lemiinit icci, hátĩ hothoothit,

Eevvetho 1:21

Aggam Krĩstõ hẽlẽggĩ vẽlẽk ꞌcĩg attiran hĩ ꞌcĩg aꞌnyak makaaꞌthĩt hĩ ꞌcĩg aggam loonyin vẽlẽk. Aggam nẽẽ hẽlẽggĩ vẽlẽk cĩg looc nicci nẽ hatĩ aggam cĩg looc ꞌcĩ hatĩ horumwa buúk.

Kolooꞌthe 1:16

Hĩnĩngĩtĩ baa ẽhẽnytaa hẽlẽggĩ vẽlẽk Krĩstõa, hẽlẽggĩ cĩg hẽẽtkujjieen hĩ cĩg lootu, hẽlẽggĩ ꞌcĩg hacĩnĩ hĩ ꞌcĩg hõllõngaa hacĩnĩ, ꞌcĩg aattĩg hĩ habuẽẽta hode habuccieeꞌnya hode makayyiooha ꞌcĩg aggam looc hode ꞌcĩg aꞌnyak makaaꞌthĩt, baa ẽhẽnytaa hẽlẽggĩ vẽlẽk Krĩstõa hĩĩtõ cĩgĩnnĩg.

Kolooꞌthe 2:15

Ma baa ĩllõõan nẽẽ ꞌtirrian hĩ makaaꞌthĩt vẽlẽk ꞌcĩg ĩĩn mĩrõk cĩgĩnnĩg, ikia aꞌthalana nẽẽ ĩhõõggõ lothippita thõõthaa ꞌcĩ ĩllõõanĩ nẽẽ ĩhõõggõ hurucceea.

2 Timotteeo 1:12

Ĩnõõ ꞌcĩ happĩĩrnanĩĩ naa hĩ ꞌyioko ho. Nẽ hõllõngaa haꞌngaaoni, hĩnĩngĩtĩ haga naa Krĩstõ ꞌcĩ helemi naa dĩdĩ nẽ õkõmĩ nganĩĩt ꞌthĩnĩt haini, ĩnõõnnõ ꞌcĩ occa aꞌthũũnna nganĩĩt dtiicaa cĩnnĩ, ĩꞌthõng kõr ꞌcĩ hatĩ õbõdaanĩ nẽẽnĩ.

Ebereei 11:13

Baa adaahito eeta cieeg vẽlẽk nẽ nga ẽlẽmĩ thõõth baa aduhaak Nyekuci ĩhõõggõ. Baa nga hummuddia nẽẽg thõõth baa aduhaak Nyekuci ĩhõõggõ, nẽẽthĩ, baa accamanoothĩk nẽẽg ngaatĩ acĩnõõꞌthĩ thooꞌthiok tĩko ꞌrẽẽna nẽ elemita. Baa ẽlẽmĩ nẽẽg ngaatĩ ĩĩnnĩ tahan nẽ ĩĩtõ tũhayyiook loota nĩnga.

1 Pẽẽtũrũ 3:22

Nẽẽthĩ ꞌyioko, ũũk Krĩstõ hẽẽtahujjieen. Iccioloongan nẽẽ ꞌyioko bulẽẽtta attiaa cobbi ĩcĩ Nyekuci nẽ ẽlẽmĩ aajĩlẽẽta hĩ makayyiook hĩ makaaꞌthĩt vẽlẽk cĩ hẽẽtkujjieen, ngaatĩ ĩĩnnĩ nẽẽ Makayyioohit cĩnĩĩng.