ꞌRooma 8:34 - ꞌBuuk cĩ Thõõth cĩ Nyekuci

³⁴ Aitiõõ eet ꞌcĩ occa etteedĩkeet ngagĩĩt thõõth tõõ, hĩnĩngĩtĩ baa adaak Yeesu Krĩstõ nẽ ũrũga daahĩtha, hĩnĩngĩtĩ ngagĩĩta nẽ iccioloongan bulẽẽtta, attiaa cobbi ĩĩcĩ Nyekuci nẽ alaiinneet ngagĩĩta.

ꞌRooma 8:34 ပူးပေါင်းရင်းမြစ်များ

Maatteeo 20:28

haau hĩ Ngeertĩ Eeto baa aku hikia hidticanoothĩk eet, hõllõngaa hidticattoothĩk eeta ĩnõõnnõ, baa aku ajalana nẽẽ rũgẽt cĩnnĩ hẽẽla eet ꞌcĩg mẽẽlĩg.”

Maarko 16:19

Ma urutaa ꞌcĩ õthõõthĩhĩ Makayyioohiti Yeesu nuyyiook ẽlẽk, ikia õdõngĩ nẽẽ ũũk hẽẽtahujjieen nẽ ũũk aau attiaa cobbi ĩĩcĩ Nyekuci.

Yõaannẽ 14:19

Waathinnioohĩĩ ꞌcĩg abadtẽc, hõllõngaa hatĩ acĩnna eeta cĩg looc nicci nganĩĩta, nẽẽthĩ, acĩnnaangu hatĩ niiga. Arũgnu niig, hĩnĩngĩtĩ harugi naana.

Yõaannẽ 16:23

Kõr niccia, iittiõõ hatĩ ꞌgii ꞌcĩ nga ajinnaangu niig nganĩĩt tõõ. Haduhaakuung dĩdĩ, aaꞌnyuung hatĩ Baaba ꞌgii vẽlẽk ꞌcĩ ajinnu niig ĩnõõnnõ ꞌthaarĩĩ cĩgannĩg.

Dtiicanĩ cĩg ꞌThooyyiahu 2:24

Nẽ baa ũrũgũtha Nyekuci ĩnõõnnõ ꞌloohatõõ, ikia iittiõõ daahĩthĩ ꞌcĩ aggam ĩnõõnnõ tarĩ tõõ.

ꞌRooma 14:13

Nẽẽthĩ, hibilli ngaatĩ hẽttẽẽdĩkĩ ꞌgoonogeet thõõth. Nẽẽthĩ hinnianĩ, hũkũmatteek muhẽẽnĩt, hátĩ hiittiõõ hõllõngaa hahĩĩnak ꞌgotoonogeet hẽꞌthẽcattõõ.

ꞌRooma 14:9

Hĩnĩngĩtĩ thõõth icci, baa adaahĩ Krĩstõ nẽ ũrũga daahĩtha, hátĩ hĩĩ nẽẽ Makayyioohit cĩ daakiahu hĩ cĩ eet ꞌcĩg arũgĩ.

ꞌRooma 4:25

Baa aaꞌnyĩk Nyekuci Yeesu hadaak, hĩnĩngĩtĩ ꞌthẽccanẽẽt cĩggaac nẽ ũrũgũtha ĩnõõnnõ daahĩtha, hátĩ helemeet Nyekuci ngagĩĩta.

ꞌRooma 8:1

Nẽẽthĩ ꞌyioko, iittiõõ thõõth ꞌcĩ etteedothoothĩk eet ꞌcĩg ũrũmtĩ hĩ Yeesu Krĩstõ tõõ,

ꞌRooma 8:27

Nẽ Nyekuci ꞌcĩ aga ꞌthinneeti cĩggaac, aga muhẽẽnĩt cĩ Loriio buúk. Hĩnĩngĩtĩ alaiini Lorii eet ꞌcĩg aꞌnyak lemiinit tabiittaa cĩ Nyekuci.

Kolooꞌthe 3:1

Baa ũrũgũthaauung Nyekuci ngagiit hõdẽĩ hĩ Krĩstõ daahĩtha. Nẽẽthĩ ꞌyioko, aarrik ꞌthinneeti cugguung hẽlẽggẽẽnnĩĩ cĩg hẽẽtkujjieen, ngaatĩ aggamĩ Krĩstõ looc attiaa cobbi ĩĩcĩ Nyekuci.

Ebereei 1:3

Ĩĩn Ngeerĩnĩ lanyit cĩ bulẽẽnĩt cĩ Nyekuci nẽ aduhõõ nẽẽ hĩ Nyekuc ꞌgiiaa vẽlẽk. Aggam nẽẽ looc vẽlẽk kõmĩĩthaa cĩ thõõth cĩnnĩ. Ma baa ũtũũny nẽẽ ꞌthẽccanẽẽt cĩg eetuk ẽlẽk, ũũk iccioloongan hẽẽtahujjieen attiaa cobbi makaaꞌthĩtaa cĩ Nyekuci.

Ebereei 7:25

Nẽẽthĩ hoti ho, ũũlũ Yeesu ngaatĩ ẽẽlanĩ eet ꞌcĩg ẽlẽmĩ Nyekuc hĩnĩngĩtĩ ĩnõõnnõ.

Ebereei 9:24

Ĩnõõ baa hõllõngaa adukni Krĩstõ ꞌCieeth cĩ Nyekuci, baa ẽhẽnyta ẽẽtĩ ꞌcĩ holli õõ nẽ ꞌcieeth tĩho, ĩthakꞌthoothĩk ꞌcieeth ꞌcĩ ĩĩn dĩdĩ. Nẽẽthĩ, baa aduhun Krĩstõ hẽẽtahujjieen nẽ ꞌyioko arũmĩ nẽẽ hĩ Nyekuc heeleet ngagĩĩta.

1 Pẽẽtũrũ 3:18

Hĩnĩngĩtĩ baa adaahĩ Krĩstõ tabattĩ hõdẽẽthõng, hĩnĩngĩtĩ ꞌthẽccanẽẽt cĩggaac. Baa nga hẽꞌthẽcan nẽẽ thõõth umwa ũdũt, nẽẽthĩ, baa adaahĩ nẽẽ, hĩnĩngĩtĩ ꞌthẽccanniook, hátĩ huukuung ngagiit hĩ Nyekuc. Baa aruhi nẽẽ hadaak, nĩngĩtĩ aaꞌnyĩkĩ Nyekuci ĩnõõnnõ hũrũga Loriia.

1 Pẽẽtũrũ 3:22

Nẽẽthĩ ꞌyioko, ũũk Krĩstõ hẽẽtahujjieen. Iccioloongan nẽẽ ꞌyioko bulẽẽtta attiaa cobbi ĩcĩ Nyekuci nẽ ẽlẽmĩ aajĩlẽẽta hĩ makayyiook hĩ makaaꞌthĩt vẽlẽk cĩ hẽẽtkujjieen, ngaatĩ ĩĩnnĩ nẽẽ Makayyioohit cĩnĩĩng.

Terethiinit 1:18

Nganĩĩt ꞌcĩ harugi, baa hadaaha, nẽ ꞌyioko, hũrũga ũdũt nẽ haꞌnyahi mũhũtẽẽt ꞌcĩg daahĩthaak hĩ cĩg looc cĩ daakiahu.