ꞌRooma 8:32 - ꞌBuuk cĩ Thõõth cĩ Nyekuci

³² Baa hõllõngaa ẽdẽnĩ Nyekuci Ngeerĩnĩ, nẽẽthĩ, baa aaꞌnyeet nẽẽ ĩnõõnnõ ngagĩĩta. Má baa adĩman Nyekuci hoti, ĩcca occa hatĩ hõllõngaa aaꞌnyeet nẽẽ hẽlẽggĩ vẽlẽk haaga?

ꞌRooma 8:32 ပူးပေါင်းရင်းမြစ်များ

ꞌThianaattõ 22:12

Ma nĩngaata, ĩĩnnĩk aajĩlõ ĩnõõnnõ, “Ma haruhi loholeec! Hagawa naa ngaatĩ iꞌngoliini nii Nyekuc dĩdĩ, hĩnĩngĩtĩ hõllõngaa ẽdẽnĩ nii ngeeruni ꞌcĩ odoyyii ho.”

Maatteeo 3:17

Ma ho, õthõõtha mõlõõhĩ umwaa hẽẽtahujjieen ĩĩ, “Loholeec caannĩ ciee ꞌcĩ hamĩna, haccamanaa naa ĩnõõnnõ gẽrrẽẽt.”

Maatteeo 7:11

Má agayyu niig tananga abaꞌthu, ngaatĩ aaꞌnyiku lõhõlĩ cugguung ꞌbaaninit ꞌcĩ abũnnaa, ĩĩn occa hatĩ ꞌbaaniniti ꞌcĩ aaꞌnyĩk Maaꞌnyu cĩ aaĩ hẽẽtahujjieen eet ꞌcĩg ajin ĩnõõnnõ hutuno?

Yõaannẽ 3:16

“Hĩnĩngĩtĩ baa ammĩnan Nyekuci eet cĩg looc nicci gẽrrẽẽt ũdũt, ĩnõõ ꞌcĩ ẽlẽmanaanĩ Ngeerĩnĩ ꞌcĩ odoyyii ẽlẽ cĩnnĩ, hátĩ hiittiõõ ẽẽtĩ ꞌcĩ ẽlẽmĩ Ngeerĩnĩ hõllõngaa adaahĩ. Ammũda hatĩ ẽẽtĩ ꞌcĩ ẽlẽmĩ ĩnõõnnõ ho, rũgẽt ꞌcĩ aalla ooo.

ꞌRooma 11:21

Má baa hetengedeek Nyekuci taba nicciag tuu, occa baa hõllõngaa adĩman noho hĩ ngagiit buúk.

ꞌRooma 4:25

Baa aaꞌnyĩk Nyekuci Yeesu hadaak, hĩnĩngĩtĩ ꞌthẽccanẽẽt cĩggaac nẽ ũrũgũtha ĩnõõnnõ daahĩtha, hátĩ helemeet Nyekuci ngagĩĩta.

ꞌRooma 6:23

Hĩnĩngĩtĩ, dũman cĩ ꞌthẽccaanõ daahĩthĩ, nẽẽthĩ, ꞌbaaninit cĩ Nyekuci, rũgẽtĩ ꞌcĩ aalla ooo, hĩ Yeesu Krĩstõ Makayyioohit cĩnaac.

ꞌRooma 8:28

Nẽ haga naag buúk haĩ hẽlẽggẽẽnnĩ vẽlẽk, adtican Nyekuci ꞌgii ꞌcĩ abũnnaa, hĩnĩngĩtĩ eet ꞌcĩg ammĩnan ĩnõõnnõ, baag avvaa tabiittaa cĩnnĩ.

1 Korinthia 2:12

Hĩcĩ humuddia naag Lori cĩ Nyekuci, ꞌcĩ hõllõngaa ĩĩn lori cĩ looc nicci, hiita hagaacõ naag hẽlẽggĩ ꞌcĩg ẽllẽẽmĩth gẽrrẽẽt ꞌcĩg aaꞌnyeet Nyekuci haaga.

2 Korinthia 4:15

Ĩĩn ciee vẽlẽk ꞌbaaninit cunuung, hátĩ hagaacõ eeta ꞌcĩg mẽẽlĩg gẽrrẽẽt bũnnai cĩ Nyekuci nẽ ĩdĩhĩthĩt ĩnõõnnõ tẽẽlꞌthĩta.

2 Korinthia 5:21

Tananga baa hõllõngaa ĩĩn Krĩstõ ꞌthẽccannioohit, baa aaꞌnyĩk Nyekuci ĩnõõnnõ hĩĩ ꞌgaarrieenit, hĩnĩngĩtĩ ꞌthẽccanẽẽt cĩggaac, hátĩ hũbũttaath naag nẽ elemeet Nyekuci.

2 Korinthia 6:10

nẽ haccamanoothĩka ooo tananga korrioohĩĩ cĩg pĩĩrnattaak. Nẽ tananga hĩĩgĩnna naag hullaha, haanytĩha naag eet ꞌcĩg mẽẽlĩg gẽrrẽẽt baliinit, tananga hiꞌthihi ꞌgii ꞌcĩ haꞌnyaka naaga, ĩĩn hẽlẽggĩ vẽlẽk cĩggaang.

1 Yõaannẽ 4:10

Mĩnnan ꞌcĩ ĩĩn dĩdĩ ꞌcĩ ammĩnnaneet Nyekuci ngagĩĩt, ngaatĩ ĩꞌthõõanĩ Ngeerĩnĩ ꞌcĩ odoyyi hikia hĩĩ ꞌgaarrieenit ꞌcĩ attik ꞌthẽccanẽẽt cĩggaac battaala, hõllõngaa hĩnĩngĩtĩ hammĩnan naag Nyekuc.

Terethiinit 21:7

Aggatanni hatĩ eeta vẽlẽk ꞌcĩg ẽmmẽẽthĩ ꞌcannan nicci nẽ hĩĩnĩ hatĩ naa Nyekuc cĩnĩĩng nẽ ĩĩtõ nẽẽg eet cĩgannĩg.