ꞌRooma 8:27 - ꞌBuuk cĩ Thõõth cĩ Nyekuci

²⁷ Nẽ Nyekuci ꞌcĩ aga ꞌthinneeti cĩggaac, aga muhẽẽnĩt cĩ Loriio buúk. Hĩnĩngĩtĩ alaiini Lorii eet ꞌcĩg aꞌnyak lemiinit tabiittaa cĩ Nyekuci.

ꞌRooma 8:27 ပူးပေါင်းရင်းမြစ်များ

Maatteeo 6:8

Ma hattiyyu hĩ nẽẽgĩ, hĩnĩngĩtĩ aga Maaꞌnyu ꞌgii ꞌcĩ adiimmu niig nga alaac ĩnõõnnõ.

ꞌLuuka 16:15

Nĩngĩtĩ annẽẽkĩ Yeesu ĩhõõggõ, “Gõõng ꞌthẽk ngagiit ꞌcĩg athĩngõnyannu ainnu abũnnayyu hẽbẽrẽẽnnĩĩ cĩg eet vẽlẽk. Nẽẽthĩ, aga Nyekuci ꞌthinneeti cugguung. ꞌGii ꞌcĩ tiiri hĩ eeta, ĩĩn ꞌgii ꞌcĩ abathĩ hĩ Nyekuc.”

Yõaannẽ 14:13

Ijittaangu nganĩĩta nẽ hatĩ hĩdĩmaneehuung naa thõõth ꞌcĩ adiimmu ho, hátĩ haaꞌnyĩk Ngeerĩnĩ Maaꞌnyĩ bulẽẽnĩt.

Yõaannẽ 21:17

Ma ĩcĩ ĩĩn iyyio cĩnnĩ, õbõdẽẽhĩ Yeesu ijin ꞌThimõõnẽ Pẽẽtũrũ ĩĩnnĩk, “ꞌThimõõnẽ ngeertĩ Yõaannẽ, ammĩnannaa nii nganĩĩta?” Ma nĩngaata, ikia õmmõthĩ Pẽẽtũrũ gẽrrẽẽt ngaatĩ ajini Yeesu ĩnõõnnõ tabattĩ iyyio. Nĩngĩtĩ ẽdẽcĩ annẽẽkĩ, “Makayyioohit, aga nii thooꞌthiok vẽlẽk, aga ngaatĩ hammĩnanni naa nganiita.” Ẽdẽcĩ Yeesu anneek, “Tirok aꞌtha cĩgannĩg.

Dtiicanĩ cĩg ꞌThooyyiahu 1:24

Ma ho, alayyio ꞌthooyyiaha vẽlẽk ĩĩtõ, “Makayyioohit, aga nii ꞌthinneeti cĩg eet vẽlẽk. Teretheeheet eet iina ꞌcĩ ẽbẽra nii,

Dtiicanĩ cĩg ꞌThooyyiahu 15:8

Aga Nyekuci ꞌthinneeti cĩg eetuk nẽ ẽlẽm eet ꞌcĩg hõllõngaa ĩĩn ꞌJudeei, ngaatĩ aaꞌnyĩkĩ ĩhõõggõ Lori ꞌcĩ Ẽllẽẽmĩth, hĩ baa aaꞌnyeet ngagĩĩt buúk.

ꞌRooma 8:34

Aitiõõ eet ꞌcĩ occa etteedĩkeet ngagĩĩt thõõth tõõ, hĩnĩngĩtĩ baa adaak Yeesu Krĩstõ nẽ ũrũga daahĩtha, hĩnĩngĩtĩ ngagĩĩta nẽ iccioloongan bulẽẽtta, attiaa cobbi ĩĩcĩ Nyekuci nẽ alaiinneet ngagĩĩta.

ꞌRooma 8:6

Aꞌnyaha muhẽẽnĩtĩ cĩ eet ꞌcĩ ĩĩn ꞌthẽccannioohit daahĩth, nẽẽthĩ, muhẽẽnĩtĩ cĩ eet ꞌcĩ aggam Lorii, ĩĩn rũgẽt hĩ ganõn.

Eevvetho 2:18

Nẽ hĩnĩngĩtĩ Krĩstõ, hiita hummuddia naag ꞌJudeei hĩ eet ꞌcĩg hõllõngaa ĩĩn ꞌJudeei, ꞌgõõl ꞌcĩ hõõĩ hĩ Baangeet Loriia nĩĩcĩ dioo.

1 Tẽꞌthaloonika 2:4

Baa accamanoothĩk Nyekuci ngaatĩ aaꞌnyeet ngagĩĩt nyeemuut cĩnnĩ ꞌcĩ abũnnaa nẽ baa hõllõngaa hõthõõꞌtha naag, hátĩ haccamattoothĩk eeta, Nyekuc dioo ꞌcĩ aga thõõth cĩ ꞌthinneeti cĩggaang, ĩnõõnnõ ꞌcĩ hadiimma naag haccamanoothĩk.

Ebereei 4:13

Aitiõõ ꞌgii baa ẽhẽnyta Nyekuci hõllõngaa occa aguꞌthi hẽbẽrẽẽnnĩĩ cĩgĩnnĩg, acĩn nẽẽ ꞌgii vẽlẽk cũrũmũũm, hĩnĩngĩtĩ haduhaak hatĩ naag ĩnõõnnõ thõõth ꞌcĩ ĩĩn dĩdĩ ꞌcĩ baa hidticanit naaga.

ꞌJeemith 5:16

Má baa ẽꞌthẽcattoou niiga, occa aduhaaku ꞌgoonogu ꞌthẽccanẽẽt ꞌcĩg baa adĩmannu ho. Nẽẽthĩ, alayyiooyyu eleeti hõdẽĩ, hátĩ hũtũngeek Makayyioohiti ꞌthẽccanẽẽt cugguung. Attiran laiiniti cĩ eet ꞌcĩ abũnnaa nẽ aga ngaatĩ eelluung ngagiit gẽrrẽẽt.

Terethiinit 2:23

Haruhi hatĩ naa nuyyiook cĩgĩnnĩg hadaahito nẽ hatĩ iita agaacõ lothippiꞌnya cĩg lemmioohu vẽlẽk, ngaatĩ ĩĩnnĩ nganĩĩt ꞌcĩ hatarraabani muhẽẽnĩt hĩ thooꞌthiok vẽlẽk ꞌcĩg aꞌnyak eeta ꞌthinneetinii cĩggĩĩng. Nẽ hatĩ hũdũmana naa eet hõdẽĩ hõdẽĩ ꞌgõõlaa ꞌcĩ adticaniini nẽẽgĩ.