ꞌRooma 8:26 - ꞌBuuk cĩ Thõõth cĩ Nyekuci

²⁶ Nẽ ꞌgõõlaa ĩcĩ dioo, eelleet Lorii ngagĩĩt hittiranit. Hõllõngaa haga naag ꞌgii ꞌcĩ hala ho, nẽẽthĩ hinnianĩ, alaiinneet Lorii nẽẽ dẽẽdẽ, guraanaa ꞌcĩ occa hõllõngaa haduha utugeetini.

ꞌRooma 8:26 ပူးပေါင်းရင်းမြစ်များ

Maatteeo 10:20

hĩnĩngĩtĩ hõllõngaa hatĩ ngagiit ꞌcĩg hatĩ othooꞌthu ho, Lori cĩ Maaconu ꞌcĩ hatĩ aduhaakuung thõõth ꞌcĩ hatĩ ooyyu othooꞌthu.

Maatteeo 20:22

Ẽdẽcĩ Yeesu ĩhõõggõ anneek, “Hõllõngaa agayyu niig thõõth ꞌcĩ ajinnu niig ko, uullu hatĩ niig ngaatĩ ahuddu hooppo cĩ ꞌcannaanõ ꞌcĩ hatĩ hõkõ hahudi naana?” Ẽdẽcĩ nẽẽg aĩ, “Occa hahũdda.”

ꞌLuuka 22:44

Baa aggam ĩnõõnnõ tẽẽlꞌthĩtĩ, nĩngĩtĩ alaiini gẽrrẽẽt ĩꞌthõng hĩdtĩlattaak mũlũha ꞌcĩg aattĩg hĩ biyyieeta looc.

Yõaannẽ 14:16

Nẽ haduhaahi hatĩ naa Baaba hĩꞌthõõahuung ngagiit Ellioohit, ꞌcĩ hatĩ gõõng arũmẽẽnnu hĩ ngagiit ooo.

ꞌRooma 15:1

Má õkõmĩ lemiiniti cĩnaac, occa haꞌnyak naag ꞌthinneeti ꞌcĩg makatĩg hĩ nuyyiook cĩg Makayyiooktak ꞌcĩg hõllõngaa attiran lemiiniti cĩnĩĩng. Occa haaꞌnyĩk ĩhõõggõ haccamattoothĩk hĩllõõan ngaatĩ haaꞌnyĩkĩ eleeti cĩggaac haccamattoothĩk.

ꞌRooma 7:24

Ĩcĩnĩt nõõ pĩĩrnanĩt caannĩ! Nganĩ occa ꞌthẽk ꞌcĩ ẽẽlannaa nganĩĩt daahĩtha?

ꞌRooma 8:15

Aitiõõ Lorii cĩ Nyekuci hõllõngaa aaꞌnyeet ngagĩĩt hĩĩtõ appahacaaꞌnya ꞌcĩg hiꞌngolli Nyekuc. Nẽẽthĩ hinnia, hiita hĩĩtõ naag lõhõlĩ cĩgĩnnĩg nẽ hũtũvvẽẽcõ ĩnõõnnõ hĩĩttĩk Baangeet cĩnaac.

2 Korinthia 5:2

Ma nga haattĩg naag loota nĩnga, nga hara haguran, hĩnĩngĩtĩ hadiim hõõ naag haattĩg õlõ hẽẽtahujjieen hĩ Nyekuc.

2 Korinthia 5:4

Tuggẽẽta cieeg haattiyyi naag ko, aduhõõ hĩ guran cĩ pĩĩrnanĩt ꞌcĩ maka ꞌcĩ haꞌnyak naaga ko. Nẽ hõllõngaa hadĩman noho haĩ, hátĩ hũtũngteek eleeti ꞌcĩg hatĩ adaahĩ haaga ho. Hadiim naag hũũhũ eleeti iccig, hátĩ hiittiõõ hõllõngaa adaahĩ.

ꞌGalaaꞌthia 4:6

Nẽẽthĩ, hĩnĩngĩtĩ hĩĩtõ naag lõhõlĩ cĩgĩnnĩg, ikia ĩꞌthõõa Nyekuci Lori cĩ Ngeerĩnĩ, hikia haau ꞌthinneetinii cĩggaac. Nẽ aduhaakeet Lorii cĩnnĩ anneekeet, “Ĩĩn Nyekuci Baangeet.”

Eevvetho 2:18

Nẽ hĩnĩngĩtĩ Krĩstõ, hiita hummuddia naag ꞌJudeei hĩ eet ꞌcĩg hõllõngaa ĩĩn ꞌJudeei, ꞌgõõl ꞌcĩ hõõĩ hĩ Baangeet Loriia nĩĩcĩ dioo.

Eevvetho 6:18

Nẽ alayyio hõdõõkõthĩ hĩcĩ etereꞌthuung Lorii ꞌcĩ Ẽllẽẽmĩthĩ. Aaut dĩkĩĩm nẽ alayyiooyyu lemmiook vẽlẽk.

Ebereei 4:15

Aga paadĩrĩ cobbi pĩĩrnanĩt cĩnaac vẽlẽk, hĩnĩngĩtĩ baa ĩttĩmanĩ nẽẽ pĩĩrnatta ꞌgoolliohĩ vẽlẽk hĩ naaga, nẽẽthĩ aitiõõ ĩnõõnnõ ꞌthẽccanĩ tõõ!

Ebereei 5:2

Ĩĩn paadĩrĩ cobbi buúk eet haaga ꞌcĩ hõllõngaa attiranĩ nẽ aga ngaatĩ ammaannĩkĩ eet ꞌcĩg ẽrẽk thõõth nẽ arahanita.

ꞌJeemith 4:3

Nẽ má alayyu Nyekuc, hõllõngaa ammũdaannu ꞌgii tĩho, hĩnĩngĩtĩ alayyu ĩnõõnnõ ꞌthinneetinii ꞌcĩg abathĩ, hátĩ udukteek ꞌgii ꞌcĩ ammũdannu ꞌgoolliohĩĩ ꞌcĩg atabbu niiga.