ꞌRooma 8:2 - ꞌBuuk cĩ Thõõth cĩ Nyekuci

² hĩnĩngĩtĩ aaꞌnyuung hatĩ Lorii ꞌcĩ Ẽllẽẽmĩth ngagiit rũgẽt ꞌcĩ aku hĩ Yeesu Krĩstõ nẽ õõgauung ꞌthẽccaana hĩ daahĩtha.

ꞌRooma 8:2 ပူးပေါင်းရင်းမြစ်များ

Yõaannẽ 4:10

Ẽdẽcĩ Yeesu ĩnõõnnõ anneek, “Má gaa nii ꞌbaaninit ꞌcĩ occa aaꞌnyi Nyekuci nẽ agau eet iina ꞌcĩ alayyi nganiit maam ko, occa ꞌyioko alau ĩnõõnnõ haaꞌnyi maam ꞌcĩg rũgẽtaak.”

Yõaannẽ 4:14

Nẽ ẽẽtĩ ꞌcĩ haaꞌnyihi naa maam cĩgannĩg, aitiõõ hatĩ hõllõngaa aam ĩnõõnnõ kõrra tarĩ ũdũt. Aattĩg maama cĩgannĩg ko hĩ maama ꞌcĩg ariha ũꞌngeecaa cĩ hidiowwo nẽ aaꞌnyĩk eet rũgẽt ꞌcĩ aalla ooo.”

Yõaannẽ 6:63

Lori ꞌcĩ aaꞌnyĩk eet rũgẽt, ĩĩn ẽlẽ iding haaga. Nẽ thooꞌthioha ꞌcĩg haduhaakuung naa ho, ĩĩn lori nẽ ĩĩn rũgẽt.

Yõaannẽ 8:32

Au hatĩ agayyu thõõth ꞌcĩ ĩĩn dĩdĩ nẽ hatĩ õõgauung ngagiit thõõth ꞌcĩ ĩĩn dĩdĩ ho, aaut lõꞌngõõc.”

Yõaannẽ 8:36

Má õõgauung ngagiit Ngeertĩ Eeto, iita aauttu niig lõꞌngõõc dĩdĩ.

ꞌRooma 16:3

Ĩꞌthaac Piriciilla hĩ Akwila, gõõng hadticaniinna hõdẽĩ dtiicaa cĩ Yeesu Krĩstõ.

ꞌRooma 3:27

Ne ꞌyioko ꞌrianĩĩth tĩho inoo? Hiꞌthihi. Hirrian occa naag, hĩnĩngĩtĩ hanũ nyattal? Aitiõõ! Hirrian naag hĩnĩngĩtĩ lemiinit.

ꞌRooma 5:21

Baa aggam ꞌthẽccanĩ eet, hĩnĩngĩtĩ daahĩth. Nẽẽthĩ ꞌyioko, aggam tarbalꞌthẽẽt cĩ Nyekuci eet nẽ elemeet Nyekuci ngagĩĩt, hĩnĩngĩtĩ Yeesu Krĩstõ Makayyioohit cĩnaac. Aĩ thõõth ciee, haꞌnyak hatĩ naag rũgẽt ꞌcĩ aalla ooo.

ꞌRooma 6:14

Iitiõõ ꞌthẽccanĩ hõllõngaa aggammuung ngagiit tarĩ, hĩnĩngĩtĩ hõllõngaa aggammuung ngagiit nyattalĩ, nẽẽthĩ, aauttu niig lõꞌngõõc bũnnaiittaa cĩ Nyekuci.

ꞌRooma 6:18

Baa õõgtau niig ꞌthẽccaana nẽ ꞌyioko iita iittu appahacaaꞌnya ꞌcĩg adĩmannu thooꞌthiok ꞌcĩg abũnnaa.

ꞌRooma 6:22

Nẽẽthĩ ꞌyioko, hĩcĩ õõgtau niig ꞌthẽccaana nẽ iittu appahacaaꞌnya cĩg Nyekuci ho, ikia ꞌbaaniniti baa ammũdaannu niig ko, uukuung ngagiit thõõthaa ꞌcĩ ẽllẽẽmĩth hĩ rũgẽtaa ꞌcĩ aalla ooo.

ꞌRooma 7:21

Eteretheeha nyattalĩ cĩ Nyekuci nganĩĩt aĩ, aaĩ ꞌgiimwaa ꞌthĩnĩtaa caannĩ ꞌcĩ alaamma nganĩĩt ngaatĩ hadticanĩĩ thõõth ꞌcĩ aũlanĩ.

ꞌRooma 7:23

Nẽẽthĩ hinnia, hadtuuha nyattal umwa ẽllaa caannĩ ꞌcĩ aaburroo hĩ nyattal cĩ õõ caannĩ, ꞌcĩ aaꞌnya nganĩĩt hĩĩ appahaca cĩ nyattal cĩ ꞌthẽccan cĩ ẽlẽ caannĩ.

ꞌRooma 7:4

Nẽẽthĩ hoti ho, ꞌgotoonoga hĩ ngoonoga, adaaktu niig buúk nyattaala, hĩnĩngĩtĩ ẽlẽ cĩ Krĩstõ, hátĩ ĩĩtõ eet cĩg Krĩstõ baag arũgna daahĩtha nẽ hĩĩtõ naag eet ꞌcĩg hadticanoothĩk Nyekuc.

ꞌRooma 8:1

Nẽẽthĩ ꞌyioko, iittiõõ thõõth ꞌcĩ etteedothoothĩk eet ꞌcĩg ũrũmtĩ hĩ Yeesu Krĩstõ tõõ,

1 Korinthia 15:45

Baa aduha ꞌBuuhi cĩ Nyekuci aĩ, “Baa ĩĩn Aadamĩ eet ꞌcĩ oou nẽ ĩĩ eet ꞌcĩ arũgĩ. Nẽẽthĩ, Yeesu ꞌcĩ ĩĩn Aadam ꞌcĩ adtuurna ho, ĩĩn lori ꞌcĩ aaꞌnyeet rũgẽt.”

2 Korinthia 3:17

Nẽẽthĩ ꞌyioko, ĩĩn Makayyioohiti Lori ꞌcĩ Ẽllẽẽmĩthĩ nẽ nĩngĩtĩ aayyi Lorii cĩ Makayyiookto, aattĩg eeta ngaatĩho lõꞌngõõc.

2 Korinthia 3:6

Aaꞌnyeet nẽẽ ngagĩĩt ꞌtirrian vẽlẽk ꞌcĩ hĩĩgĩnna dticcianniook cĩg lõhõt ꞌcĩ ĩĩn ngeju ꞌcĩ aku hĩ Lori ꞌcĩ Ẽllẽẽmĩth, ꞌcĩ hõllõngaa aku hĩ nyattal baa eheeddi loota. Nẽẽthĩ, aꞌnyaha nyattalĩ daahĩth nẽ aꞌnyaha Lorii rũgẽt.

ꞌGalaaꞌthia 2:19

Nyattal ꞌcĩ baa aruka nganĩĩt hadaak ko nẽ õõgawaa nganĩĩt, hátĩ hũrũg naa hĩ Nyekuc.

ꞌGalaaꞌthia 5:1

Nẽẽthĩ ꞌyioko, õõgaeet ngagĩĩt Yeesu Krĩstõ haaut lõꞌngõõc. Nẽ tarĩ, uꞌthuutti thõõth ꞌcĩ aattiyyu lõꞌngõõc ko jurrung, ma nga hĩĩgĩnnu appahacaaꞌnya cĩg nyattal cĩ Mũũꞌtha tarĩ.

ꞌGalaaꞌthia 6:2

Eellio nyaagwaana hatĩ adĩddĩngĩĩ thooꞌthioha nẽ ꞌgõõlaa cĩ, adĩmannu thooꞌthiok ꞌcĩg õthõõth nyattalĩ cĩ Yeesu Krĩstõ.

ꞌJeemith 1:25

Nẽẽthĩ, ẽẽtĩ ꞌcĩ arrĩcanaa ngaatĩ ammũdaanĩ thõõth ꞌcĩ aduha nyattalĩ ꞌcĩ abũnnaa, baa õõga eet haauto lõꞌngõõc nẽ aala ĩdĩman thõõth icci nẽ hõllõngaa ataarrothi thõõth baa athĩhĩ nẽẽnĩ nẽ ĩdĩmana, aggatan hatĩ Nyekuci ĩnõõnnõ, hĩnĩngĩtĩ thõõth ꞌcĩ adĩman nẽẽ ho.

Terethiinit 11:11

Ma urutaa cĩ waathinniook iyyio hĩ ꞌnuth, aku hatĩ Nyekuci aaꞌnyĩk ĩhõõggõ hũrũgĩt tarĩ, nĩngĩtĩ ĩꞌngaannĩ ꞌjieena. Abulan hatĩ thõõth ciee eet baag acĩn ĩhõõggõ nẽ itingolli gẽrrẽẽt.

Terethiinit 22:1

Ma ho, eteretheeha aajĩlõ hidioo umwa ꞌcĩ ariha maama dtaabawaa ꞌcĩ aayyi Nyekuci hĩ Mĩꞌnyõõn. Lĩĩl ꞌcĩ attalĩth maama nẽ ĩĩtõ tẽllĩg thõng. Ĩĩn maama tĩko maam ꞌcĩg aaꞌnyeet rũgẽt.