ꞌRooma 8:16 - ꞌBuuk cĩ Thõõth cĩ Nyekuci

¹⁶ Aaꞌnyeet Lorii cĩ Nyekuci hagaac dĩdĩ hĩĩtõ, hĩĩgĩn naag lõhõlĩ cĩg Nyekuci.

ꞌRooma 8:16 ပူးပေါင်းရင်းမြစ်များ

Maatteeo 5:9

ꞌGattan hĩ eet ꞌcĩg aꞌnyaha ganõn, aũ hatĩ eeta ĩhõõggõ anneek, lõhõlĩ cĩg Nyekuci!

ꞌLuuka 20:36

nẽ iittiõõ hatĩ nẽẽg hõllõngaa adaahĩ, hĩnĩngĩtĩ aauto hĩ aajĩlẽẽta. Ĩĩtõ hatĩ nẽẽg lõhõlĩ cĩg Nyekuci, hĩnĩngĩtĩ ĩĩtõ nẽẽg lõhõlĩ ꞌcĩg ũrũgta daahĩtha.

Yõaannẽ 1:12

Baa nẽẽꞌthẽk aattĩg eeta ũgẽẽgĩ ꞌcĩg ẽlẽmĩ ĩnõõnnõ nẽ ĩthĩhĩt thõõth cĩnnĩ, nĩngĩtĩ aaꞌnyĩkĩ nẽẽ ĩhõõggõ hiita hĩĩtõ lõhõlĩ cĩg Nyekuci.

Dtiicanĩ cĩg ꞌThooyyiahu 5:32

Hĩĩgĩnna naag hẽbẽrĩ cĩg thooꞌthiok iccig hĩ Lori ꞌcĩ Ẽllẽẽmĩth, baa aaꞌnyĩk Nyekuci eet ꞌcĩg athĩhĩ ĩnõõnnõ.”

ꞌRooma 8:14

hĩnĩngĩtĩ eeta ꞌcĩg ũũha Lorii ꞌcĩ Nyekuci, ĩĩn nẽẽg lõhõlĩ cĩg Nyekuci.

ꞌRooma 8:19

Abũraneek hẽlẽggĩ vẽlẽk baag ẽhẽnyta Nyekuci kõr ꞌcĩ hatĩ ẽbẽraanĩ Nyekuci eet cĩgĩnnĩg.

ꞌRooma 8:23

Aaꞌnyeet Lorii ngagĩĩt hagaac dĩdĩ authet ꞌcĩ hatĩ hõõ haattiyyi naag horumwa. Nẽẽthĩ ꞌyioko, haguran naag ꞌthinneetinitõõ muguruur, nga hẽrẽ Nyekuc heteretheeheet aĩ, hiita hĩĩtõ naag lõhõlĩ cĩgĩnnĩg. Aĩ thõõth ciee nẽẽ, ooggiaa hatĩ eleeti cĩggaac buúk haauto lõꞌngõõc.

ꞌRooma 8:26

Nẽ ꞌgõõlaa ĩcĩ dioo, eelleet Lorii ngagĩĩt hittiranit. Hõllõngaa haga naag ꞌgii ꞌcĩ hala ho, nẽẽthĩ hinnianĩ, alaiinneet Lorii nẽẽ dẽẽdẽ, guraanaa ꞌcĩ occa hõllõngaa haduha utugeetini.

ꞌRooma 9:26

Nẽ, “Baa adukiaak ĩhõõggõ kõr umwa aĩ, ‘Hõllõngaa iiginnu niig eet cĩgannĩg,’ nẽẽthĩ ngaatĩho noho, haĩ hatĩ ĩhõõggõ, ‘Lõhõlĩ cĩg Nyekuc ꞌcĩ arũgĩ.’ ”

ꞌRooma 9:8

Aĩ thõõth ciee, aitiõõ lohollia cĩg Abũrahamĩ vẽlẽk hõllõngaa ĩĩn lõhõlĩ cĩg Nyekuci.

2 Korinthia 1:12

Nẽ ꞌyioko, ĩĩn ciee ꞌrianĩĩth cĩnaang nẽ aduha ꞌthinneeti cĩggaang ꞌgõõl baa harũmẽẽnĩ hĩ ngagiita nẽ dĩdĩ baa gõõng harũmĩ naag hĩ ngagiit lõꞌngõõc. Baa bũnnai cĩ Nyekuci ꞌcĩ aaꞌnyeet hĩdĩmatta noho, hõllõngaa ꞌgẽẽnyĩth cĩ looc nicci ꞌcĩ hadĩmanna noho ho.

2 Korinthia 1:22

nẽ aaꞌnyeet ngagĩĩt nyamacaar cĩnnĩ ꞌcĩ hĩĩgĩnnĩ naag cĩgĩnnĩg nẽ aarĩkeet Lori ꞌcĩ Ẽllẽẽmĩth ꞌthinneetinii cĩggaac, hẽtẽrẽtha ngaatĩ hĩĩgĩnnĩ naag cĩgĩnnĩg.

2 Korinthia 5:5

Nyekuc ꞌcĩ aaꞌnyĩk thooꞌthiok iccig vẽlẽk haauto ho. Ĩnõõnnõ ꞌcĩ aaꞌnyeet ngagĩĩt Lori ꞌcĩ Ẽllẽẽmĩth ꞌcĩ aaꞌnyeet hagaac aĩ adtican hatĩ nẽẽ thõõth icci.

2 Korinthia 6:18

“Hĩĩna hatĩ naa Maaꞌnyu cunuung nẽ iittu hatĩ niig lõhõlĩ cĩgannĩg, haduha naa Makayyioohiti ꞌTirriannioohiti ꞌcĩ hĩllõõani vẽlẽk.”

ꞌGalaaꞌthia 3:26

Iittu niig vẽlẽk lõhõlĩ cĩg Nyekuci, hĩnĩngĩtĩ elemtu Yeesu Krĩstõ,

ꞌGalaaꞌthia 4:6

Nẽẽthĩ, hĩnĩngĩtĩ hĩĩtõ naag lõhõlĩ cĩgĩnnĩg, ikia ĩꞌthõõa Nyekuci Lori cĩ Ngeerĩnĩ, hikia haau ꞌthinneetinii cĩggaac. Nẽ aduhaakeet Lorii cĩnnĩ anneekeet, “Ĩĩn Nyekuci Baangeet.”

Eevvetho 1:13

Ikia aꞌnyahaahuung Krĩstõ buúk ngagiit thõõth ꞌcĩ ĩĩn dĩdĩ, ꞌcĩ ĩĩn nyeemuut ꞌcĩ abũnnaa ꞌcĩ occa eelliannu niiga. Baa aarrihu niig lemiinit cunuung hĩ Krĩstõ nẽ aaꞌnyĩhoothĩhuung nyamacaar cĩ Lori ꞌcĩ Ẽllẽẽmĩth baa adukiaa, hátĩ hedeeꞌnyia ngaatĩ iiginnu niig eet cĩg Nyekuci.

Eevvetho 4:30

Nẽ ma haaꞌnyiku Lori ꞌcĩ Ẽllẽẽmĩth cĩ Nyekuci hĩlĩĩlĩ, Lori baa amacaaraniinnu niig, hĩnĩngĩtĩ kõr ꞌcĩ hatĩ ooggiannu ꞌthẽccanẽẽtĩĩ cugguung.

1 Yõaannẽ 3:1

Ĩcĩnĩt nõõ ngaatĩ ammĩnanneet Baangẽẽtĩ ngagĩĩt gẽrrẽẽt, aũũyyeet nẽẽ ngagĩĩt anneekeet lõhõlĩ cĩgĩnnĩg, nẽẽꞌthẽk hĩĩgĩn naag lõhõlĩ cĩgĩnnĩg dĩdĩ! Nẽẽthĩ, aitiõõ eeta cĩg looc nicci hõllõngaa aga ngaatĩ hĩĩgĩnnĩ naag lõhõlĩ cĩg Nyekuci, hĩnĩngĩtĩ hõllõngaa aga nẽẽg ĩnõõnnõ.

1 Yõaannẽ 3:10

ꞌGõõl ꞌcĩ occa hagaĩ naag lõhõlĩ cĩg Nyekuci, hĩ lõhõlĩ cĩg habu cĩ loriẽẽt ꞌcĩg abathĩ cieeni. Ẽẽtĩ ꞌcĩ hõllõngaa adĩman thooꞌthiok ꞌcĩg aũlanĩ, hõllõngaa ĩĩn loholeec cĩ Nyekuci nẽ ẽẽtĩ ꞌcĩ hõllõngaa ammĩnan ꞌgõtõnĩ, hõllõngaa ĩĩn nẽẽ buúk loholeec cĩ Nyekuci.

1 Yõaannẽ 3:2

ꞌGotoonoga hĩ ngoonoga, hĩĩtõ naag lõhõlĩ cĩg Nyekuci ẽlẽk, nẽẽthĩ hinnia, nga heteretheeheet nẽẽ ngagĩĩt ꞌgõõl ꞌcĩ hatĩ haattiyyi, hatĩ uppwaanna Krĩstõ. Nẽẽthĩ, haga naag haĩ, haattĩg hatĩ naag hĩ nẽẽnĩ, hĩnĩngĩtĩ hacĩn hatĩ naag ĩnõõnnõ dẽẽdẽ.

1 Yõaannẽ 4:13

Haga naag ngaatĩ haattiyyi hĩ ĩnõõnnõ nẽ aau nẽẽ hĩ ngagĩĩta, hĩnĩngĩtĩ aaꞌnyeet nẽẽ ngagĩĩt Lori cĩnnĩ.

1 Yõaannẽ 5:10

Má hẽlẽmĩ naag Ngeertĩ Nyekuci, helemit naag thõõth ꞌcĩ aduha Nyekuci, hĩnĩngĩtĩ Ngeerĩnĩ. Nẽ má hõllõngaa hẽlẽmĩ naag thõõth ꞌcĩ aduha Nyekuci, hĩnĩngĩtĩ Ngeerĩnĩ, aduhõõ ngaatĩ occa hakannẽẽkĩ Nyekuc õlõng thõng.

Terethiinit 21:7

Aggatanni hatĩ eeta vẽlẽk ꞌcĩg ẽmmẽẽthĩ ꞌcannan nicci nẽ hĩĩnĩ hatĩ naa Nyekuc cĩnĩĩng nẽ ĩĩtõ nẽẽg eet cĩgannĩg.