ꞌRooma 8:15 - ꞌBuuk cĩ Thõõth cĩ Nyekuci

¹⁵ Aitiõõ Lorii cĩ Nyekuci hõllõngaa aaꞌnyeet ngagĩĩt hĩĩtõ appahacaaꞌnya ꞌcĩg hiꞌngolli Nyekuc. Nẽẽthĩ hinnia, hiita hĩĩtõ naag lõhõlĩ cĩgĩnnĩg nẽ hũtũvvẽẽcõ ĩnõõnnõ hĩĩttĩk Baangeet cĩnaac.

ꞌRooma 8:15 ပူးပေါင်းရင်းမြစ်များ

Luugithõõ 20:19

nẽ ĩĩttĩk Mũũꞌtha, “Má othoothĩkeet niina, occa hathĩkniina. Nẽẽthĩ, ma hẽlẽmaakĩ Nyekuc hothoothĩheet ngagĩĩta, hadaakna hinnia hatĩnĩ.”

Maatteeo 25:25

Baa hiꞌngolli hinnia haini hammanyani mõnõ hatĩ ꞌtalẽn cunni ho thõng, nĩngĩtĩ hõkõ hadaẽẽkĩ ꞌloohatõõ. Eri ꞌtalẽn balunni ho cieeni.’

Maarko 14:36

Nĩngĩtĩ alaiini nẽẽ aĩnnĩ, “Baaba! Aitiõõ ꞌgii ꞌcĩ anyamannii nganiit tõõ. ꞌTiik hooppo cĩ ꞌcannan icci battaala ẽllaa caannĩ. Nẽẽthĩ, aꞌnyĩĩk hĩdĩmanĩ tabiiniti cunni hĩcĩ atabi niina, hõllõngaa hĩcĩ hatabi naana.”

ꞌLuuka 11:2

Nĩngĩtĩ annẽẽkĩ ĩhõõggõ, “Hatĩ ma alaiinnu, alayyio hoti, “ ‘Baangeet, eleet ngagĩĩt hubuluꞌthia ꞌthaar cugunnig. Aꞌnyĩĩk habuccieet cunni hikia loota hĩcĩ aaĩ hẽẽtahujjieen.

ꞌLuuka 22:42

“Baaba, má atabi, ꞌtiik hooppo icci pĩĩrnattõõ ho battaala, nẽẽthĩ nẽẽꞌthẽk, dĩman hĩcĩ atabi niina hõllõngaa hĩcĩ hatabi naana.”

ꞌLuuka 8:28

Ma baa adtuuha nẽẽ Yeesu ho, awacak gẽrrẽẽt hẽttẽẽd looc ꞌthõõnĩĩ cĩg Yeesu nẽ ẽggẽrẽny ĩĩ, “Ne ꞌcĩ adiimi nii hĩ nganĩĩt ko Yeesu, Ngeertĩ Nyekuc ꞌcĩ ĩllõõan vẽlẽk? Halayyi baaĩ nuun thõng, ma hadĩmannaa ꞌbuth!”

ꞌLuuka 8:37

Nĩngĩtĩ aduhaakĩ eeta cĩg ꞌGerathẽnĩ Yeesu hũtũngeek looc cĩnĩĩng, hĩnĩngĩtĩ baa ikia aggam ĩhõõggõ tẽẽlꞌthĩtĩ cobbi gẽrrẽẽt. Nĩngĩtĩ õtõdĩ Yeesu haahũl õkõõĩ.

Yõaannẽ 16:8

“Aku hatĩ Lorii ꞌcĩ Ẽllẽẽmĩth hikia heteretheek eet cĩg looc nicci, bathi cĩ ꞌthẽccaanõ hĩ bũnnai cĩ Nyekuci, hĩ thõõth ꞌcĩ ẽttẽẽdĩ Nyekuci thooꞌthiok.

Yõaannẽ 20:17

Ma nĩngaata, uduhaak Yeesu ĩnõõnnõ ĩĩnnĩk, “Ma nõõ harabũũttaanĩ, nga hobodooth naa hĩ Baaba. Bĩĩt nõõ hĩ ꞌgotoonoga nẽ uduhaahu ĩhõõggõ ĩĩnnĩhuu, ‘Hobodootha naa hĩ Baaba caannĩ ꞌcĩ ĩĩn Maaꞌnyu cunuung buúk, hĩ Nyekuc caannĩ nẽ ĩĩ Nyekuc cunuung buúk.’ ”

Dtiicanĩ cĩg ꞌThooyyiahu 16:29

Ma ho, ũtũvva ꞌgaalacĩ eet huttuhulliaak ĩnõõnnõ ꞌgwoo huduhuni baabuuthatõõ. Baa abarrit nẽẽ gẽrrẽẽt, nĩngĩtĩ akannĩ huruꞌnyia muumaa cĩ Paaulo hĩ ꞌThĩĩla.

Dtiicanĩ cĩg ꞌThooyyiahu 2:37

Ma baa athĩhĩ eeta thõõth icci ho, ommoꞌthi gẽrrẽẽt nẽ ĩĩttĩk Pẽẽtũrũ hĩ ꞌthooyyiak ũgĩ, “ꞌGotoonoga, hĩdĩmatta ꞌyioko hutuno?”

ꞌRooma 8:16

Aaꞌnyeet Lorii cĩ Nyekuci hagaac dĩdĩ hĩĩtõ, hĩĩgĩn naag lõhõlĩ cĩg Nyekuci.

ꞌRooma 8:23

Aaꞌnyeet Lorii ngagĩĩt hagaac dĩdĩ authet ꞌcĩ hatĩ hõõ haattiyyi naag horumwa. Nẽẽthĩ ꞌyioko, haguran naag ꞌthinneetinitõõ muguruur, nga hẽrẽ Nyekuc heteretheeheet aĩ, hiita hĩĩtõ naag lõhõlĩ cĩgĩnnĩg. Aĩ thõõth ciee nẽẽ, ooggiaa hatĩ eleeti cĩggaac buúk haauto lõꞌngõõc.

ꞌRooma 8:26

Nẽ ꞌgõõlaa ĩcĩ dioo, eelleet Lorii ngagĩĩt hittiranit. Hõllõngaa haga naag ꞌgii ꞌcĩ hala ho, nẽẽthĩ hinnianĩ, alaiinneet Lorii nẽẽ dẽẽdẽ, guraanaa ꞌcĩ occa hõllõngaa haduha utugeetini.

ꞌRooma 9:4

Ĩꞌthĩraẽl. Hĩnĩngĩtĩ baa ĩĩn nẽẽg eet ꞌcĩg ẽbẽra Nyekuci nẽ eterꞌtheek ĩhõõggõ bulẽẽnĩt cĩnnĩ. Baa adak nẽẽ hĩ ĩhõõggõ lõhõt nẽ aaꞌnyĩk nyattal. Aaꞌnyĩk nẽẽ ĩhõõggõ authet ꞌcĩ alaĩ ĩnõõnnõ nẽ umuddia thooꞌthiok cĩgĩnnĩg ꞌcĩg ĩllõõanĩ.

1 Korinthia 2:12

Hĩcĩ humuddia naag Lori cĩ Nyekuci, ꞌcĩ hõllõngaa ĩĩn lori cĩ looc nicci, hiita hagaacõ naag hẽlẽggĩ ꞌcĩg ẽllẽẽmĩth gẽrrẽẽt ꞌcĩg aaꞌnyeet Nyekuci haaga.

2 Korinthia 11:4

Baa hillimatteehuung naag ngagiit nyeemuut cĩ Yeesu nẽ iita elemtu nyeemuut cĩnaang nẽ aggamtu Lori ꞌcĩ Ẽllẽẽmĩthĩ. Nẽ iita aanytĩhu eet ũgĩ hillimatteehuung nyeemuut ꞌcĩ abũnnaa cĩ Yeesu. Nẽ ꞌyioko, iita ũkũmattoothihu niig ngaatĩ elemmu nyeemuut umwa ꞌcĩ abũnnaa nẽ aggamtu lori ꞌcĩ ꞌrĩĩng.

ꞌGalaaꞌthia 2:4

Baa hooyyia naag ꞌJeruꞌthalẽma, hĩnĩngĩtĩ eet ꞌcĩg õõlõng aĩ, hĩĩgĩnna lemmiook nẽ ĩnĩktaaheet hĩ hoppoccwaana ꞌcĩg au orootteet aĩ, haggamtaeetu thõõth ꞌcĩ haattiyyia lõꞌngõõc thõõthaa cĩ Yeesu Krĩstõ, adiim aarreet hĩĩtta appahacaaꞌnya cĩggĩĩng.

ꞌGalaaꞌthia 5:1

Nẽẽthĩ ꞌyioko, õõgaeet ngagĩĩt Yeesu Krĩstõ haaut lõꞌngõõc. Nẽ tarĩ, uꞌthuutti thõõth ꞌcĩ aattiyyu lõꞌngõõc ko jurrung, ma nga hĩĩgĩnnu appahacaaꞌnya cĩg nyattal cĩ Mũũꞌtha tarĩ.

Eevvetho 1:5

ikia ẽbẽraeet nẽẽ ngagĩĩt baa hũnũũk nẽ aareet hĩĩtõ lõhõlĩ cĩgĩnnĩg, hĩnĩngĩtĩ Yeesu Krĩstõ.

2 Timotteeo 1:7

Hĩnĩngĩtĩ hõllõngaa aaꞌnyeet Nyekuci lori cĩ hiteelini thõng. Aaꞌnyeet nẽẽ ngagĩĩt lori cĩ ꞌtirriaanõ hĩ cĩ mĩnnaanõ hĩ ꞌgõõl ꞌcĩ hilõõtĩ eleeti jurrung.

Ebereei 2:15

Nẽ ꞌgõõlaa cĩ, occa õõga eet baag aalla ĩĩn appahacaaꞌnya ũdũt, hĩnĩngĩtĩ iꞌngolli nẽẽg ngaatĩ adaaknĩ.

ꞌJeemith 2:19

Elemmu niig ngaatĩ aayyi Nyekuci hõdẽẽthõng. Abũnnaa! Ẽlẽmĩ loriẽẽta ꞌcĩg abathĩ buúk thõõth icci nẽ aaꞌnyĩk ĩhõõggõ habarritit tẽẽlꞌthĩta.

1 Yõaannẽ 4:18

Aitiõõ tẽẽlꞌthĩtĩ mĩnnaana tõõ. Nẽẽthĩ, mĩnnanĩ ꞌcĩ ẽllẽẽmĩth gẽrrẽẽt, iiggia tẽẽlꞌthĩt battaala, hĩnĩngĩtĩ aꞌnyaha tẽẽlꞌthĩtĩ ukẽẽnĩt. Nẽ ẽtẽrꞌtha tẽẽlꞌthĩtĩ aĩ, nga hillimanit naag ꞌgõõl ꞌcĩ hammĩnanõõnĩ dĩdĩ.