14 hĩnĩngĩtĩ eeta ꞌcĩg ũũha Lorii ꞌcĩ Nyekuci, ĩĩn nẽẽg lõhõlĩ cĩg Nyekuci.
ꞌGattan hĩ eet ꞌcĩg aꞌnyaha ganõn, aũ hatĩ eeta ĩhõõggõ anneek, lõhõlĩ cĩg Nyekuci!
Baa nẽẽꞌthẽk aattĩg eeta ũgẽẽgĩ ꞌcĩg ẽlẽmĩ ĩnõõnnõ nẽ ĩthĩhĩt thõõth cĩnnĩ, nĩngĩtĩ aaꞌnyĩkĩ nẽẽ ĩhõõggõ hiita hĩĩtõ lõhõlĩ cĩg Nyekuci.
Abũraneek hẽlẽggĩ vẽlẽk baag ẽhẽnyta Nyekuci kõr ꞌcĩ hatĩ ẽbẽraanĩ Nyekuci eet cĩgĩnnĩg.
Eeta ꞌcĩg aggam muhẽẽnĩtĩ cĩ ꞌthẽccaanõ, ammuk thõõth cĩ eleeti cĩggĩĩng diooni. Nẽ eeta ꞌcĩg aggam Lorii ꞌcĩ Ẽllẽẽmĩthĩ, ammuk thooꞌthiok cĩg Lori ꞌcĩ Ẽllẽẽmĩthĩ.
Nẽẽthĩ, ꞌgõõlaa umwaanĩ, iittiõõ niig hõllõngaa aggammuung ꞌthẽccanẽẽta cugguung, nẽẽthĩ hinnia, aggammuung ngagiit Lorii, hatĩ aaĩ Lorii cĩ Nyekuci hĩ ngagiita. Nẽ má hõllõngaa aꞌnyak ẽẽtĩ umwaa Lori cĩ Krĩstõ, aitiõõ nẽẽ hõllõngaa ĩĩn eet cĩ Krĩstõ.
Nẽ, “Baa adukiaak ĩhõõggõ kõr umwa aĩ, ‘Hõllõngaa iiginnu niig eet cĩgannĩg,’ nẽẽthĩ ngaatĩho noho, haĩ hatĩ ĩhõõggõ, ‘Lõhõlĩ cĩg Nyekuc ꞌcĩ arũgĩ.’ ”
Aĩ thõõth ciee, aitiõõ lohollia cĩg Abũrahamĩ vẽlẽk hõllõngaa ĩĩn lõhõlĩ cĩg Nyekuci.
“Hĩĩna hatĩ naa Maaꞌnyu cunuung nẽ iittu hatĩ niig lõhõlĩ cĩgannĩg, haduha naa Makayyioohiti ꞌTirriannioohiti ꞌcĩ hĩllõõani vẽlẽk.”
Iittu niig vẽlẽk lõhõlĩ cĩg Nyekuci, hĩnĩngĩtĩ elemtu Yeesu Krĩstõ,
hikia hõõgaeet ngagĩĩt nyattaalaa cĩ Mũũꞌtha, hĩĩtõ lõhõlĩ dĩdĩ ꞌcĩg harigith ꞌgii vẽlẽk õlõõ cĩ Nyekuci.
Nẽẽthĩ, hĩnĩngĩtĩ hĩĩtõ naag lõhõlĩ cĩgĩnnĩg, ikia ĩꞌthõõa Nyekuci Lori cĩ Ngeerĩnĩ, hikia haau ꞌthinneetinii cĩggaac. Nẽ aduhaakeet Lorii cĩnnĩ anneekeet, “Ĩĩn Nyekuci Baangeet.”
Nẽẽthĩ, hĩĩna naa nẽẽ, aꞌnyahit rũgẽt cunuung Loriiaa ꞌcĩ Ẽllẽẽmĩthĩ, nẽẽthĩ hatĩ iittiõõ hõllõngaa adticannu ꞌthẽccanẽẽt ꞌcĩg abathĩ ꞌcĩg abũraneeku niiga.
Nẽ má adticannu niig thooꞌthiok ꞌcĩg aduha Lorii ꞌcĩ Ẽllẽẽmĩthĩ, occa aitiõõ nyattalĩ hõllõngaa aggammuung ngagiita.
ikia ẽbẽraeet nẽẽ ngagĩĩt baa hũnũũk nẽ aareet hĩĩtõ lõhõlĩ cĩgĩnnĩg, hĩnĩngĩtĩ Yeesu Krĩstõ.
hĩnĩngĩtĩ aꞌnyaha lanyit ciee aaĩ hĩ ngagiit ko, thõõth ꞌcĩ abũnnaa hĩ ꞌcĩ aũlanĩ hĩ ꞌcĩ ĩĩn dĩdĩ diooni.
Ĩcĩnĩt nõõ ngaatĩ ammĩnanneet Baangẽẽtĩ ngagĩĩt gẽrrẽẽt, aũũyyeet nẽẽ ngagĩĩt anneekeet lõhõlĩ cĩgĩnnĩg, nẽẽꞌthẽk hĩĩgĩn naag lõhõlĩ cĩgĩnnĩg dĩdĩ! Nẽẽthĩ, aitiõõ eeta cĩg looc nicci hõllõngaa aga ngaatĩ hĩĩgĩnnĩ naag lõhõlĩ cĩg Nyekuci, hĩnĩngĩtĩ hõllõngaa aga nẽẽg ĩnõõnnõ.
Má hathĩhĩ naag tilooinit cĩ Nyekuci, harũmĩ hatĩ naag ꞌthinneetinii cĩggaac hĩ ĩnõõnnõ nẽ hatĩ aau nẽẽ ꞌthinneetinii cĩggaac. Eterꞌtheekeet Lorii baa aaꞌnyeet nẽẽ ngagĩĩt ngaatĩ hĩĩgĩnnĩ naag hõdẽẽthõng hĩ ĩnõõnnõ.
Aggatanni hatĩ eeta vẽlẽk ꞌcĩg ẽmmẽẽthĩ ꞌcannan nicci nẽ hĩĩnĩ hatĩ naa Nyekuc cĩnĩĩng nẽ ĩĩtõ nẽẽg eet cĩgannĩg.