ꞌRooma 8:11 - ꞌBuuk cĩ Thõõth cĩ Nyekuci

¹¹ Nẽ má aaĩ Lorii cĩ Nyekuc baa arũgtha Yeesu daahĩtha hĩ ngagiita, aaꞌnyĩk hatĩ Nyekuci baa arũgtha Krĩstõ daahĩtha eleeti cugguung ꞌcĩg occa adaahĩ ho, rũgẽt Loriiaa cĩnnĩ ĩcĩ aaĩ hĩ ngagiita.

ꞌRooma 8:11 ပူးပေါင်းရင်းမြစ်များ

Yõaannẽ 14:17

Eterꞌtheekuung hatĩ ngagiit Lorii ꞌcĩ Ẽllẽẽmĩth ko, thõõth ꞌcĩ ĩĩn dĩdĩ. Nẽ hõllõngaa ẽlẽmĩ eeta cĩg looc nicci ĩnõõnnõ, hĩnĩngĩtĩ hõllõngaa acĩn nẽẽg hode aga ĩnõõnnõ. Nẽẽthĩ, agayyu niig Lori ꞌcĩ Ẽllẽẽmĩth, hĩnĩngĩtĩ aalla hatĩ nẽẽ arũmeennu hĩ ngagiit ooo.

Yõaannẽ 5:21

Hĩcĩ arũgtha Maaꞌnyia daakiak nẽ aaꞌnyĩk ĩhõõggõ rũgẽt, ꞌgõõlaa cĩ buúk, aaꞌnyĩk hatĩ Ngeerĩnĩ rũgẽt eet ꞌcĩ accamana nẽẽnĩ.

Dtiicanĩ cĩg ꞌThooyyiahu 2:24

Nẽ baa ũrũgũtha Nyekuci ĩnõõnnõ ꞌloohatõõ, ikia iittiõõ daahĩthĩ ꞌcĩ aggam ĩnõõnnõ tarĩ tõõ.

ꞌRooma 16:10

Ĩꞌthaac Appeele, baa ĩttĩmanĩ nẽ ummuddia ngaatĩ ĩĩnnĩ lemmioohit ꞌcĩ õkõmĩ lemiittaa nẽ ẽlẽm Krĩstõ ĩnõõnnõ. Ĩꞌthaac eet cĩg halang cĩ Arithtobulo.

ꞌRooma 16:3

Ĩꞌthaac Piriciilla hĩ Akwila, gõõng hadticaniinna hõdẽĩ dtiicaa cĩ Yeesu Krĩstõ.

ꞌRooma 16:7

Ĩꞌthaac Androniko hĩ Junia, ittioonniok cĩgannĩg baag hababuuthaniinna hõdẽĩ. Ĩĩn nẽẽg eet ꞌcĩg obbitig ꞌthooyyiahĩ nẽ baa itimanit ngaatĩ ẽlẽmmĩ Krĩstõ õõa caannĩ.

ꞌRooma 16:9

Ĩꞌthaac Urbaanõ ꞌgooneet baa gõõng hadticanni hõdẽĩ, hĩnĩngĩtĩ Krĩstõ nẽ ĩꞌthaayyu Thaakith buúk ꞌgõõna cĩ ꞌthĩnĩtõ.

ꞌRooma 6:12

Nẽẽthĩ hoti ho, ma haaꞌnyiku ꞌthẽccan haggam eleeti cugguung ꞌcĩg adaahĩ ho, hátĩ hiittiõõ hõllõngaa abũraneeku thooꞌthiok cĩgĩnnĩg ꞌcĩg abathĩ.

ꞌRooma 8:1

Nẽẽthĩ ꞌyioko, iittiõõ thõõth ꞌcĩ etteedothoothĩk eet ꞌcĩg ũrũmtĩ hĩ Yeesu Krĩstõ tõõ,

ꞌRooma 8:12

ꞌGotoonoga hĩ ngoonoga, occa hõllõngaa harũgĩ naag, hátĩ hidticanit thooꞌthiok ꞌcĩg abũraneek eleeti cĩggaac.

ꞌRooma 8:2

hĩnĩngĩtĩ aaꞌnyuung hatĩ Lorii ꞌcĩ Ẽllẽẽmĩth ngagiit rũgẽt ꞌcĩ aku hĩ Yeesu Krĩstõ nẽ õõgauung ꞌthẽccaana hĩ daahĩtha.

ꞌRooma 8:9

Nẽẽthĩ, ꞌgõõlaa umwaanĩ, iittiõõ niig hõllõngaa aggammuung ꞌthẽccanẽẽta cugguung, nẽẽthĩ hinnia, aggammuung ngagiit Lorii, hatĩ aaĩ Lorii cĩ Nyekuci hĩ ngagiita. Nẽ má hõllõngaa aꞌnyak ẽẽtĩ umwaa Lori cĩ Krĩstõ, aitiõõ nẽẽ hõllõngaa ĩĩn eet cĩ Krĩstõ.

1 Korinthia 15:16

Hĩnĩngĩtĩ, má nga hũrũgta eeta ꞌcĩg adaahito, ngaani thĩ mĩĩ baa hũrũga Krĩstõ buúk.

1 Korinthia 6:14

ꞌTirriaanaa cĩnnĩ, baa arũgtha Nyekuci Makayyioohit cĩnaac daahĩtha nẽ arũgthanneet hatĩ nẽẽ ngagĩĩt buúk daahĩtha.

2 Korinthia 4:11

Hĩnĩngĩtĩ ngagĩĩt ꞌcĩg nga harũgĩ ho, haaꞌnyĩhoothĩk naag daahĩth, hĩnĩngĩtĩ ĩnõõnnõ, hátĩ hedeeꞌnyia rũgẽtĩ cĩnnĩ hĩ ngagĩĩta.

2 Korinthia 4:14

hĩnĩngĩtĩ haga naag haĩ, baa arũgtha Nyekuci Makayyioohit Yeesu daahĩtha. Arũgthanneet hatĩ Nyekuci ngagĩĩt buúk hĩ ngagiit daahĩtha, hĩ baa arũgtha nẽẽ Yeesu. Nẽ aꞌnyahaanneet hatĩ nẽẽ ngagĩĩt ngaatĩ aayyi nẽẽnĩ, hũrũmtĩ hõdẽĩ hĩ ĩnõõnnõ.

2 Korinthia 5:4

Tuggẽẽta cieeg haattiyyi naag ko, aduhõõ hĩ guran cĩ pĩĩrnanĩt ꞌcĩ maka ꞌcĩ haꞌnyak naaga ko. Nẽ hõllõngaa hadĩman noho haĩ, hátĩ hũtũngteek eleeti ꞌcĩg hatĩ adaahĩ haaga ho. Hadiim naag hũũhũ eleeti iccig, hátĩ hiittiõõ hõllõngaa adaahĩ.

ꞌGalaaꞌthia 6:8

Ẽẽtĩ ꞌcĩ athacĩ hinyomo cĩg thooꞌthiok ꞌcĩg abathĩ, hĩnĩngĩtĩ abũraneek ẽlẽ cĩnnẽẽnĩ, ajana ꞌthẽk hatĩ nẽẽ bathi. Nẽẽthĩ, ẽẽtĩ ꞌcĩ athacĩ hinyomo, hátĩ hatal Lorii ꞌcĩ Ẽllẽẽmĩthĩ, ajana ꞌthẽk hatĩ nẽẽ rũgẽt ꞌcĩ aalla ooo.

Eevvetho 2:5

aaꞌnyeet ngagĩĩt hũrũgĩt hõdẽĩ hĩ Krĩstõ. Tananga baa hadaahito naag hĩnĩngĩtĩ ꞌthẽccanẽẽta, iita eelliau niig bũnnaiittaa cĩnnĩ.

Pilippi 3:21

Õkõõĩ hatĩ nẽẽ eleeti cĩggaac ꞌcĩg hõllõngaa attiran ꞌcĩg adaahĩ ho nẽ ũtũhũ ĩhõõggõ hĩĩtõ eleeti ꞌcĩg abuli haauto hĩ ẽlẽ cĩnnẽẽnĩ, makaaꞌthĩtaa ꞌcĩ hatĩ aggamĩ nẽẽ hẽlẽggĩ vẽlẽk.

Ebereei 13:20

Aꞌnyĩĩk Nyekuc cĩ ganõõnõ baa arũgtha Makayyioohit cĩnaac Yeesu, ꞌcĩ ĩĩn tũhayyioohit cobbi cĩ aꞌthaannu, hikia hadak lõhõt ꞌcĩ aalla ũdũt hĩ eet cĩgĩnnĩg.

1 Pẽẽtũrũ 1:21

Nẽ hĩnĩngĩtĩ Krĩstõ, iita elemtu niig Nyekuc nẽ aꞌnyaktu lemiinit cunuung hĩ muhẽẽnĩt ꞌcĩ abũnnaa hĩ Nyekuc baa arũgtha Krĩstõ daahĩtha nẽ aaꞌnyĩk ĩnõõnnõ bulẽẽnĩt cobbi gẽrrẽẽt.

1 Pẽẽtũrũ 3:18

Hĩnĩngĩtĩ baa adaahĩ Krĩstõ tabattĩ hõdẽẽthõng, hĩnĩngĩtĩ ꞌthẽccanẽẽt cĩggaac. Baa nga hẽꞌthẽcan nẽẽ thõõth umwa ũdũt, nẽẽthĩ, baa adaahĩ nẽẽ, hĩnĩngĩtĩ ꞌthẽccanniook, hátĩ huukuung ngagiit hĩ Nyekuc. Baa aruhi nẽẽ hadaak, nĩngĩtĩ aaꞌnyĩkĩ Nyekuci ĩnõõnnõ hũrũga Loriia.

Terethiinit 1:18

Nganĩĩt ꞌcĩ harugi, baa hadaaha, nẽ ꞌyioko, hũrũga ũdũt nẽ haꞌnyahi mũhũtẽẽt ꞌcĩg daahĩthaak hĩ cĩg looc cĩ daakiahu.

Terethiinit 11:11

Ma urutaa cĩ waathinniook iyyio hĩ ꞌnuth, aku hatĩ Nyekuci aaꞌnyĩk ĩhõõggõ hũrũgĩt tarĩ, nĩngĩtĩ ĩꞌngaannĩ ꞌjieena. Abulan hatĩ thõõth ciee eet baag acĩn ĩhõõggõ nẽ itingolli gẽrrẽẽt.