Biblia Todo Logo
အွန်လိုင်း သမ္မာကျမ်းစာ

- ကြော်ငြာတွေ -




ꞌRooma 8:10 - ꞌBuuk cĩ Thõõth cĩ Nyekuci

10 Nẽẽthĩ, má aaĩ Krĩstõ hĩ nganiita, arũgĩ hatĩ lorii cunni, hĩnĩngĩtĩ bũnnai cĩ Nyekuci, tananga adaahĩ ẽlẽ cunni, hĩnĩngĩtĩ ꞌthẽccan.

အခန်းကိုကြည့်ပါ။ ကော်ပီ




ꞌRooma 8:10
30 ပူးပေါင်းရင်းမြစ်များ  

Ẽdẽcĩ Yeesu ꞌJuuda anneek, “Má ammĩnannaa eet umwaa nganĩĩta, aꞌthũũnnĩ hatĩ nẽẽ ꞌlimman caannĩ. Ammĩnan hatĩ Baaba ĩnõõnnõ buúk nẽ hatĩ hiitaawa naag hĩ Baaba hẽtẽhẽnytaawa õlõ cĩnaang hĩ ĩnõõnnõ.


“Haaĩ naa hĩ hẽẽt cĩ viinoo nẽ aauttu niig hĩ tabana cĩgĩnnẽẽgĩ. Má aalla ẽẽtĩ hĩ nganĩĩta nẽ haau naa hĩ ĩnõõnnõ, õddõngõt hatĩ nẽẽ jurrung. Nẽẽthĩ, má haitiõõ naa hĩ ngagiit tõõ, aitiõõ ꞌgii ꞌcĩ occa adĩmannu niig tõõ.


Haaĩ naa hĩ ĩhõõggõ nẽ aau nii hĩ nganĩĩta. Ĩĩn occa hatĩ nẽẽg hõdẽẽthõng nuun, haanytĩk looc nicci haga ngaatĩ ĩꞌthõõannaa nii nganĩĩta, nẽ ĩmmĩnanuu ĩhõõggõ haau hĩcĩ ammĩnannaa nii nganĩĩt ko.


Nẽ ẽẽtĩ ꞌcĩ haaꞌnyihi naa maam cĩgannĩg, aitiõõ hatĩ hõllõngaa aam ĩnõõnnõ kõrra tarĩ ũdũt. Aattĩg maama cĩgannĩg ko hĩ maama ꞌcĩg ariha ũꞌngeecaa cĩ hidiowwo nẽ aaꞌnyĩk eet rũgẽt ꞌcĩ aalla ooo.”


Ẽẽtĩ ꞌcĩ aduk ẽlẽ caannĩ nẽ ũhũd biyyi cĩgannĩg, ammũda hatĩ rũgẽt ꞌcĩ aalla ooo nẽ harũgtha hatĩ naa ĩnõõnnõ kõr cĩ decciaanĩt cĩ lootu.


Nẽ ẽẽtĩ ꞌcĩ aduk ẽlẽ caannĩ nẽ ũhũd biyyi cĩgannĩg, aalla hatĩ nẽẽ hĩ nganĩĩta nẽ haalla hatĩ naa buúk hĩ ĩnõõnnõ.


Ma baa ẽꞌthẽcanõõ Aadamĩ, ikia ĩꞌthanothoothĩk ꞌthẽccanĩ eet vẽlẽk nẽ ikia daahĩthĩ, hĩnĩngĩtĩ ꞌthẽccan nẽ ꞌgõõlaa ĩĩcĩ, ikia ũllũngan daahĩthĩ eet vẽlẽk, hĩnĩngĩtĩ baa iita ẽꞌthẽcattõõ eeta vẽlẽk.


Baa aggam ꞌthẽccanĩ eet, hĩnĩngĩtĩ daahĩth. Nẽẽthĩ ꞌyioko, aggam tarbalꞌthẽẽt cĩ Nyekuci eet nẽ elemeet Nyekuci ngagĩĩt, hĩnĩngĩtĩ Yeesu Krĩstõ Makayyioohit cĩnaac. Aĩ thõõth ciee, haꞌnyak hatĩ naag rũgẽt ꞌcĩ aalla ooo.


Nẽ má aaĩ Lorii cĩ Nyekuc baa arũgtha Yeesu daahĩtha hĩ ngagiita, aaꞌnyĩk hatĩ Nyekuci baa arũgtha Krĩstõ daahĩtha eleeti cugguung ꞌcĩg occa adaahĩ ho, rũgẽt Loriiaa cĩnnĩ ĩcĩ aaĩ hĩ ngagiita.


Baa aduha ꞌBuuhi cĩ Nyekuci aĩ, “Baa ĩĩn Aadamĩ eet ꞌcĩ oou nẽ ĩĩ eet ꞌcĩ arũgĩ. Nẽẽthĩ, Yeesu ꞌcĩ ĩĩn Aadam ꞌcĩ adtuurna ho, ĩĩn lori ꞌcĩ aaꞌnyeet rũgẽt.”


Iiyyielit eleeti cugguung hátĩ ummuddia, má aꞌnyaku lemiinit cĩ Krĩstõ ꞌcĩ ĩĩn dĩdĩ. Ĩttĩmanit eleeti cugguung nẽ má ĩllõõattu ꞌtĩmman icci, ammũdaannu hatĩ ngaatĩ aayyi Yeesu Krĩstõ hĩ ngagiita nẽ má hõllõngaa aaĩ Krĩstõ hĩ ngagiita, udhuktaau thĩ ꞌthẽk niig ꞌtĩmman icci.


Hĩnĩngĩtĩ ngagĩĩt ꞌcĩg nga harũgĩ ho, haaꞌnyĩhoothĩk naag daahĩth, hĩnĩngĩtĩ ĩnõõnnõ, hátĩ hedeeꞌnyia rũgẽtĩ cĩnnĩ hĩ ngagĩĩta.


Tananga baa hõllõngaa ĩĩn Krĩstõ ꞌthẽccannioohit, baa aaꞌnyĩk Nyekuci ĩnõõnnõ hĩĩ ꞌgaarrieenit, hĩnĩngĩtĩ ꞌthẽccanẽẽt cĩggaac, hátĩ hũbũttaath naag nẽ elemeet Nyekuci.


Baa hadaakta naag hĩ Krĩstõ hurucceea ẽlẽk nẽ ꞌyioko, ĩĩ ĩnõõnnõ dioo ꞌcĩ arũgĩ ẽllaa caannĩ. Nẽ rũgẽtĩ ꞌcĩ haꞌnyahi naa ẽllaa caannĩ ho, harugi naa hĩnĩngĩtĩ lemiinit cĩ Ngeertĩ Nyekuc baa ammĩnannaa nganĩĩt nẽ adaak, hĩnĩngĩtĩ nganĩĩta.


hatĩ haau Krĩstõ ꞌthinneetinii cugguung, hĩnĩngĩtĩ lemiinit cunuung. Uꞌthuutti thõõth cĩnnĩ jurrung nẽ okomit mĩnnaanaa cĩnnĩ.


Ẽꞌngẽrra nganĩĩt thooꞌthioha ꞌcĩg ĩĩn ꞌramma ho hõrggẽẽna. Habũraneehi ngaatĩ hammũdõõthĩkĩĩ Krĩstõ, thõõth ꞌcĩ occa abũnnaa gẽrrẽẽt hĩ nganĩĩt niccia.


nẽ hĩĩna eet cĩnnĩ. Hõllõngaa occa ẽlẽmma Nyekuci nganĩĩt ngaatĩ habũnnayyĩĩ ꞌgõõlaa ꞌcĩ hanũĩ nyattal, hĩnĩngĩtĩ ꞌgõõl ꞌcĩ elemmeet Nyekuci ngagĩĩt hũbũttaath, aaĩ lemiitta.


Hĩnĩngĩtĩ baa adiimmuung ngagiit Nyekuci eet ꞌcĩg hõllõngaa ĩĩgĩnnu ꞌJudeei, agaac ngaatĩ ĩĩnnĩ baliiniti hĩ bulẽẽnĩt cĩ Krĩstõ cunuung buúk. Thõõth ꞌcĩ ammiꞌthi ho cieeni. Aaĩ Krĩstõ hĩ ngagiita. Aaꞌnyuung thõõth ciee ngagiit agaac ngaatĩ hatĩ othollu niig bulẽẽnĩt cĩnnĩ.


Alluuccia hatĩ Makayyioohiti hẽẽtahujjieen ẽggẽrꞌnya moloohaa cobbi nẽ ẽggẽrꞌnya mõlõõhĩ cĩ habu cĩ aajĩleetu, hĩ molook cĩ tũũrĩ ꞌcĩ avvẽẽnĩ Nyekuci. Ma nĩngaata, arũgna hatĩ eeta baag adaahĩ lemiittaa cĩ Krĩstõ, ĩĩcĩ oou.


Nẽ ꞌyioko, iitiaau niig lothippiti cĩ lemmiook ꞌcĩg ammĩnan Nyekuci gẽrrẽẽt, ꞌcĩg ĩĩgĩnnu lõhõlĩ ꞌcĩg oou ꞌcĩg eteheeddi ꞌthaara cugguung hẽẽtahujjieen. Iitiaau niig hĩ Nyekuc ꞌcĩ ẽttẽẽd thooꞌthiok vẽlẽk cĩg eetuk. Nẽ tarĩ, iitiaau hĩ loriẽẽt cĩg eet ꞌcĩg abũnnaa hẽẽtahujjieen, ꞌcĩg ꞌyioko aanytĩhoothĩk hũbũttaathõ.


Hĩgõõng adaahĩ ẽẽtĩ tabattĩ hõdẽẽthõng nẽ ẽttẽẽd Nyekuci thõõth cĩnnĩ,


Nĩngĩtĩ hathĩknĩ molook cĩ aku hẽẽtahujjieen aĩ, “Tẽhẽẽd thõõth icci loota. Iꞌthianaanĩ kõr nicci, aggatan hatĩ Makayyioohiti eet ꞌcĩg adaahĩ, hĩnĩngĩtĩ ẽlẽmĩ nẽẽg ĩnõõnnõ.” Ẽdẽcĩ Lorii ꞌcĩ Ẽllẽẽmĩthĩ aĩ, “Eei, ammũda hatĩ nẽẽg ꞌyiomman dtiicaa cĩnĩĩng õkõmĩ ho nẽ tarĩ, hatĩ aaꞌnyĩhoothĩk ĩhõõggõ ꞌbaaniniti ꞌcĩ adũman dtiic cĩnĩĩng.”


ကြှနျုပျတို့နောကျလိုကျပါ:

ကြော်ငြာတွေ


ကြော်ငြာတွေ