ꞌRooma 7:8 - ꞌBuuk cĩ Thõõth cĩ Nyekuci

⁸ ꞌThẽccan, ꞌcĩ adticaniini tilooinit icci hĩĩ ꞌgõõl ꞌcĩ aaꞌnya nganĩĩt hũbũraneek thooꞌthiok ꞌcĩg mẽẽlĩg. Má aitiõõ nyattalĩ tõõ, iittiõõ ꞌthẽccan ꞌtirriani tõõ.

ꞌRooma 7:8 ပူးပေါင်းရင်းမြစ်များ

Maarko 7:22

lõbõlõbẽẽꞌthĩt cĩ baliitto, bathi, õlõng, ꞌwaangĩꞌthẽẽt, thõõth ꞌcĩ abũranẽẽkĩ hẽlẽggĩ cĩg eetuk, tongomi ꞌcĩ olongo, thĩngõõnyani, hĩ thooꞌthiok ꞌcĩg õthõõth eeta ꞌgiithẽtta,

Yõaannẽ 15:22

Má baa hiittiõõ naa hõllõngaa hakuu haduhaahi ĩhõõggõ, occa ꞌyioko baa hõllõngaa aga nẽẽg ꞌthẽccanẽẽt cĩggĩĩng. Nẽẽthĩ ꞌyioko, iittiõõ ꞌgõõl ꞌcĩ nga alĩĩtanĩ nẽẽg ꞌthẽccanẽẽt tõõ.

Yõaannẽ 15:24

Ma baa hiittiõõ ngaatĩ hadĩmanĩĩ naa thooꞌthiok ꞌcĩg ĩnaat eeta hõrggẽẽnaa cĩnĩĩng, ꞌcĩg nga hĩdĩman eet umwaa ũdũt ko, occa ꞌyioko nga hagaacõ nẽẽg ꞌthẽccanẽẽt cĩggĩĩng. Nẽẽthĩ ꞌyioko, hĩcĩ ĩcĩnĩt nẽẽg thooꞌthiok ꞌcĩg ĩnaat eeta ho, aalla hinnia nga aaburreeka nẽẽg nganĩĩt hĩ Baaba noho.

ꞌRooma 3:20

Nẽẽthĩ hoti ho, aitiõõ hatĩ ẽẽtĩ ꞌcĩ adukiaa aĩ abũnnaa muumaa cĩ Nyekuci tõõ, hatĩ anũ nẽẽ nyattal. Nẽẽthĩ, hĩnĩngĩtĩ nyattal, hiita hagaacõ naag ꞌthẽccan.

ꞌRooma 4:15

Hĩnĩngĩtĩ alĩĩlĩ Nyekuci hatĩ ẽꞌthẽcanni nyattalĩ cĩnnẽẽnĩ. Nẽ ngaatĩ aitiõõ nyattalĩ tõõ, aitiõõ ꞌgii ꞌcĩ occa ẽꞌthẽcan eeta tõõ.

ꞌRooma 5:20

Baa aku nyattalĩ, hátĩ hedeeꞌnyia ꞌtirriani cĩ ꞌthẽccaanõ. Nẽẽthĩ, ngaatĩ attiranĩ ꞌthẽccanĩ, ikia ittiran tarbalꞌthẽẽt cĩ Nyekuci hĩllõõan.

ꞌRooma 7:11

Adticaniini ꞌthẽccanĩ tilooinit cĩ Nyekuci hĩggõõlla nganĩĩta nẽ hĩnĩngĩtĩ ꞌgoolinit cĩ ꞌthẽccaanõ, hadaaha naana.

ꞌRooma 7:13

Ikia occa baa ũtũhũĩ thõõth baa abũnnaa ĩĩ daahĩth hĩ nganĩĩta? Aitiõõ tõõ! Nẽẽthĩ, hĩnĩngĩtĩ, hátĩ hagaĩ ꞌthẽccanĩ hĩĩ ꞌthẽccan dĩdĩ, ikia aꞌnyahaaha nganĩĩt daahĩth, hĩnĩngĩtĩ tilooinit ꞌcĩ abũnnaa, hátĩ hikia horoong habath ꞌthẽccanĩ ũdũt tilooitta.

ꞌRooma 7:17

Haau hĩ ꞌyioko ho, iittiõõ hõllõngaa ĩĩn nganĩĩt ꞌcĩ hadĩmani ho, nẽẽthĩ hinnia, ꞌthẽccan ꞌcĩ aaĩ hĩ nganĩĩt ꞌcĩ adĩman ko.

ꞌRooma 7:9

Baa harugi naa baa nga haga nyattal. Ma baa hikia hagawa nyattal, ikia ittiran ꞌthẽccanĩ.

1 Korinthia 15:56

Aꞌnyaha ꞌthẽccanĩ daahĩth nẽ aaꞌnyĩk nyattalĩ ꞌthẽccan ꞌtirrian.