ꞌRooma 7:7 - ꞌBuuk cĩ Thõõth cĩ Nyekuci

⁷ Hõthõõth occa ꞌyioko hatĩ naag nyattal haĩ ne? Haĩ ĩĩn nyattalĩ ꞌthẽccan? Aitiõõ ũdũt! Nẽ dĩdĩ occa baa nga haga naa ne ꞌcĩ haĩ ꞌthẽccan ko, hiittiõõ nyattalĩ tõõ. Hĩnĩngĩtĩ occa baa nga haga thõõth ꞌcĩ haĩ bũraneehinit ko hiittiõõ nyattalĩ ngaatĩ aĩnnĩ, “Ma habũraneehi ꞌgii cĩ eet umwa.”

ꞌRooma 7:7 ပူးပေါင်းရင်းမြစ်များ

ꞌThianaattõ 3:6

Nĩngĩtĩ acĩnĩ ngaa ngaatĩ ẽllẽẽmmĩ hẽẽt ngaatĩ hacĩnĩ hĩ ngaatĩ haduhi nẽ tarĩ ummuk ngaatĩ occa ẽggẽẽꞌnyĩ haau hĩ Nyekuci. Ma ho, ũdũũca hẽẽt nẽ uduha nẽ ẽꞌngẽraak maac cĩnnĩ umwa huduk nĩngĩtĩ aduhi.

Luugithõõ 20:17

Ma habũraneehi ꞌcieeth cĩ eet ꞌcĩ aaronnu. Ma habũraneehi ngaa cĩ eet ꞌcĩ aaronnu hode dticciannioohit cĩnnĩ ꞌcĩ maacĩ hode ꞌcĩ ngayyi hode olĩ cĩnnĩ hode thigir cĩnnĩ hode ꞌthẽk ꞌgiimwa cĩ eet ꞌcĩ aaronnu.”

Maatteeo 5:28

Nẽ haduhaakuung dĩdĩ, ẽẽtĩ ꞌcĩ abũraneek ngaa umwa, ittik nẽẽ ngaa tĩho ꞌthĩnĩtatõõ cĩnnĩ ẽlẽk.

ꞌLuuka 12:15

Nĩngĩtĩ annẽẽkĩ lothippit, “Uꞌthuutti eleeti! Ma hainnu ngaam ngaam, hĩnĩngĩtĩ lõbõlõbẽẽꞌthĩt cĩ hẽlẽggĩ cĩg looc nicci. Aitiõõ ẽẽtĩ hõllõngaa arũgĩ, hĩnĩngĩtĩ baliinit cĩnnĩ.”

ꞌLuuka 20:16

Occa õkõ aruk ĩhõõggõ vẽlẽk nẽ aaꞌnyĩk mana eet ꞌcĩg ꞌrĩĩng hootti.” Ma baa athĩhĩ eeta thõõth icci ho, othoothito ĩĩtõ, “Aitiõõ hatĩ thõõth ciee hõllõngaa aku haau hoti.”

Dtiicanĩ cĩg ꞌThooyyiahu 20:33

Nga hũbũraneek maccĩrẽẽn hode ceremwa cĩg eet umwa ũdũt.

ꞌRooma 13:9

Hĩnĩngĩtĩ tilooiniti ꞌcĩ aĩ, “Ma hattihi ngaa cĩ eet umwa, ma haruhi, ma hĩgõrꞌthĩ, ma habũraneehi ꞌgii cĩ eet umwa,” nẽ tilooiniti ciee hĩ ũgĩ vẽlẽk, arummiaa tilooittaa ꞌcĩ aĩ, “Mĩnnan eet ꞌcĩ aaronnu haau hĩcĩ ammĩnani ẽlẽ cunni.”

ꞌRooma 3:20

Nẽẽthĩ hoti ho, aitiõõ hatĩ ẽẽtĩ ꞌcĩ adukiaa aĩ abũnnaa muumaa cĩ Nyekuci tõõ, hatĩ anũ nẽẽ nyattal. Nẽẽthĩ, hĩnĩngĩtĩ nyattal, hiita hagaacõ naag ꞌthẽccan.

ꞌRooma 3:5

Nẽẽthĩ, má uppulana bathi cĩnaac bũnnai cĩ Nyekuci battaala, ĩcca occa ꞌyioko hõthõõth haĩ ne? Occa ꞌyioko hatĩ abathĩ hĩ Nyekuc ngaatĩ alĩĩllĩ nẽ uukeet ngagĩĩta? Hothoothi naa hĩ gõõng õthõõth eeta.

ꞌRooma 4:1

Hõthõõth occa ꞌyioko naag Abũrahaamõ baangeet baa baangaani haĩ ũmmũda nẽẽ neegi thõõthaa cĩ ẽlẽmmĩ Nyekuci ĩnõõnnõ ho?

ꞌRooma 4:15

Hĩnĩngĩtĩ alĩĩlĩ Nyekuci hatĩ ẽꞌthẽcanni nyattalĩ cĩnnẽẽnĩ. Nẽ ngaatĩ aitiõõ nyattalĩ tõõ, aitiõõ ꞌgii ꞌcĩ occa ẽꞌthẽcan eeta tõõ.

ꞌRooma 5:20

Baa aku nyattalĩ, hátĩ hedeeꞌnyia ꞌtirriani cĩ ꞌthẽccaanõ. Nẽẽthĩ, ngaatĩ attiranĩ ꞌthẽccanĩ, ikia ittiran tarbalꞌthẽẽt cĩ Nyekuci hĩllõõan.

ꞌRooma 6:15

Aĩ occa ꞌthẽk thooꞌthioha cieeg vẽlẽk ne? Ĩcca occa ꞌthẽk hara ꞌthẽccan, hĩnĩngĩtĩ hõllõngaa aggammeet nyattalĩ, nẽẽthĩ hinnia, aggammeet bũnnai? Aitiõõ ũdũt!

ꞌRooma 7:11

Adticaniini ꞌthẽccanĩ tilooinit cĩ Nyekuci hĩggõõlla nganĩĩta nẽ hĩnĩngĩtĩ ꞌgoolinit cĩ ꞌthẽccaanõ, hadaaha naana.

ꞌRooma 7:13

Ikia occa baa ũtũhũĩ thõõth baa abũnnaa ĩĩ daahĩth hĩ nganĩĩta? Aitiõõ tõõ! Nẽẽthĩ, hĩnĩngĩtĩ, hátĩ hagaĩ ꞌthẽccanĩ hĩĩ ꞌthẽccan dĩdĩ, ikia aꞌnyahaaha nganĩĩt daahĩth, hĩnĩngĩtĩ tilooinit ꞌcĩ abũnnaa, hátĩ hikia horoong habath ꞌthẽccanĩ ũdũt tilooitta.

ꞌRooma 7:5

Hĩnĩngĩtĩ baa nga aggammeet ngagĩĩt thõõth ꞌcĩ habũranẽẽkĩ ꞌthẽccan, baa aaꞌnyeet nyattalĩ hũbũratteek ꞌthẽccan eleetinii cĩggaac ĩcĩg aĩnanaanneet hadaahit.

ꞌRooma 7:8

ꞌThẽccan, ꞌcĩ adticaniini tilooinit icci hĩĩ ꞌgõõl ꞌcĩ aaꞌnya nganĩĩt hũbũraneek thooꞌthiok ꞌcĩg mẽẽlĩg. Má aitiõõ nyattalĩ tõõ, iittiõõ ꞌthẽccan ꞌtirriani tõõ.

1 Korinthia 15:56

Aꞌnyaha ꞌthẽccanĩ daahĩth nẽ aaꞌnyĩk nyattalĩ ꞌthẽccan ꞌtirrian.

Eevvetho 5:3

Ma haaꞌnyiku thooꞌthiok ꞌcĩg ĩĩn ꞌriiring hẽdẽẽnyta hõrggẽẽnaa cunuung hode ainnu ngaam ngaam, hĩnĩngĩtĩ ĩĩn cieeg thooꞌthiok ꞌcĩg abathĩ ꞌcĩg occa hõllõngaa adĩman eeta ꞌcĩg ẽllẽẽmĩth cĩg Nyekuci.

Kolooꞌthe 3:5

Nẽẽthĩ hoti ho, ũtũngteek thooꞌthiok ꞌcĩg ĩĩn ꞌriiring ꞌcĩg abũraneek eleeti cugguung. Thooꞌthiok ꞌcĩg aattĩg hĩcĩg attihõõnĩ eeta tahatak, muhẽẽnĩt cĩ thooꞌthiok ꞌcĩg ĩĩn ꞌriiring, thõõth ꞌcĩ abũraneeku thooꞌthiok ꞌcĩg abathĩ, hode ma hainnu ngaam ngaam, aduhoo thooꞌthioha cieeg hĩ ngaatĩ alayyu nyekuꞌnya ꞌcĩg hõllõngaa ĩĩn dĩdĩ thõng.

1 Tẽꞌthaloonika 4:5

Ma hiigginnu appahacaaꞌnya cĩg thooꞌthiok ꞌcĩg abũraneeku niiga, hĩ eeta ꞌcĩg hõllõngaa aga Nyekuc.

Ebereei 7:19

Hĩnĩngĩtĩ baa hõllõngaa akũmaneek nyattalĩ ꞌgii umwa hũbũna. Nẽẽthĩ ꞌyioko, okomit ngagĩĩt ꞌthĩnneeti, hĩnĩngĩtĩ muhẽẽnĩt ꞌcĩ abũnnaa ꞌcĩ hiita hõbõktõõĩ naag hĩ Nyekuc.