ꞌRooma 7:5 - ꞌBuuk cĩ Thõõth cĩ Nyekuci

⁵ Hĩnĩngĩtĩ baa nga aggammeet ngagĩĩt thõõth ꞌcĩ habũranẽẽkĩ ꞌthẽccan, baa aaꞌnyeet nyattalĩ hũbũratteek ꞌthẽccan eleetinii cĩggaac ĩcĩg aĩnanaanneet hadaahit.

ꞌRooma 7:5 ပူးပေါင်းရင်းမြစ်များ

Maatteeo 15:19

Adukna ꞌthinneetini cugguung muhẽẽnĩtĩ ꞌcĩ abathĩ, ruhẽẽnĩt hĩ ꞌtihẽẽnĩt cĩ ngaa cĩ eeto, hĩ ꞌtihõõnĩt tahatak, hĩ ĩgõr hĩ thooꞌthiok ꞌcĩg addangaakĩ eeta ꞌgõõnõgĩ hĩ ngaatĩ aduhaanĩ eeta thooꞌthiok ꞌcĩg abathĩ hẽꞌthẽcanit ꞌthaar cĩg eet umwa.

Yõaannẽ 3:6

Arrita eeta lõhõlĩ cĩggĩĩng, nẽẽthĩ, Lori cĩ Nyekuci diooni ꞌcĩ occa ũũhũyyii nganiit ĩĩ loholeec cĩ Nyekuci.

ꞌRooma 1:26

Hĩnĩngĩtĩ thooꞌthiok iccig, ikia alahaneek Nyekuci ĩhõõggõ hũbũratteek thooꞌthiok ꞌcĩg ĩĩn ꞌriiring, tananga ngaaĩ cĩggĩĩng buúk, iita ũtũngteek maaccwa cĩggĩĩng nẽ itikto hĩ ꞌgõõnõgĩ ꞌcĩg ngayyig.

ꞌRooma 3:20

Nẽẽthĩ hoti ho, aitiõõ hatĩ ẽẽtĩ ꞌcĩ adukiaa aĩ abũnnaa muumaa cĩ Nyekuci tõõ, hatĩ anũ nẽẽ nyattal. Nẽẽthĩ, hĩnĩngĩtĩ nyattal, hiita hagaacõ naag ꞌthẽccan.

ꞌRooma 4:15

Hĩnĩngĩtĩ alĩĩlĩ Nyekuci hatĩ ẽꞌthẽcanni nyattalĩ cĩnnẽẽnĩ. Nẽ ngaatĩ aitiõõ nyattalĩ tõõ, aitiõõ ꞌgii ꞌcĩ occa ẽꞌthẽcan eeta tõõ.

ꞌRooma 5:20

Baa aku nyattalĩ, hátĩ hedeeꞌnyia ꞌtirriani cĩ ꞌthẽccaanõ. Nẽẽthĩ, ngaatĩ attiranĩ ꞌthẽccanĩ, ikia ittiran tarbalꞌthẽẽt cĩ Nyekuci hĩllõõan.

ꞌRooma 6:13

Ma haaꞌnyiku ꞌgoolliok ũgĩ cĩg eleeti cugguung ꞌthẽccan, aanytĩk eleeti cugguung Nyekuc, hĩ eeta ꞌcĩg ũrũgta daahĩtha nẽ aanytĩhu eleeti cugguung hĩ ĩnõõnnõ, hátĩ ĩdĩmanit thooꞌthiok ꞌcĩg abũnnaa.

ꞌRooma 6:19

Hothoothi naa hoti, hĩnĩngĩtĩ hõllõngaa attirannu niiga. Hĩ baa gõõng aalla aaꞌnyiku eleeti cugguung hĩĩtõ appahacaaꞌnya cĩg thooꞌthiok ꞌcĩg ĩĩn ꞌriiring hĩ ꞌcĩg abathĩ, nẽẽthĩ ꞌyioko, aanytĩk ĩhõõggõ hĩĩtõ appahacaaꞌnya cĩg thõõth ꞌcĩ abũnnaa ꞌcĩ okooyyuung thõõthaa ꞌcĩ ẽllẽẽmĩthĩ.

ꞌRooma 6:21

ꞌYioko baa bũnnai iina ꞌcĩ baa ꞌthẽk ammũdaannu niig korrioohĩĩ nĩĩcag, hẽlẽggẽẽnnĩĩ ꞌcĩg ꞌyioko aaꞌnyuung ngagiit ngaaoni ho? Aĩnanaakuung ngagiit hẽlẽggĩ tĩko daahĩth.

ꞌRooma 6:23

Hĩnĩngĩtĩ, dũman cĩ ꞌthẽccaanõ daahĩthĩ, nẽẽthĩ, ꞌbaaninit cĩ Nyekuci, rũgẽtĩ ꞌcĩ aalla ooo, hĩ Yeesu Krĩstõ Makayyioohit cĩnaac.

ꞌRooma 7:23

Nẽẽthĩ hinnia, hadtuuha nyattal umwa ẽllaa caannĩ ꞌcĩ aaburroo hĩ nyattal cĩ õõ caannĩ, ꞌcĩ aaꞌnya nganĩĩt hĩĩ appahaca cĩ nyattal cĩ ꞌthẽccan cĩ ẽlẽ caannĩ.

1 Korinthia 15:56

Aꞌnyaha ꞌthẽccanĩ daahĩth nẽ aaꞌnyĩk nyattalĩ ꞌthẽccan ꞌtirrian.

2 Korinthia 10:3

Tananga nga haattĩg naag loota nĩnga, hõllõngaa hadtican hẽlẽggĩ ꞌcĩg adtican eeta cĩg looc nicci,

ꞌGalaaꞌthia 3:10

Nẽ accĩĩn hatĩ Nyekuci eet ꞌcĩg anũ nyattal cĩ Mũũꞌtha, hĩnĩngĩtĩ eheeddi ꞌBuuhaa cĩ Nyekuci aĩ, “Accĩĩn hatĩ Nyekuci eeta vẽlẽk ꞌcĩg hõllõngaa aalla anũ thõõth vẽlẽk ꞌcĩ eheeddi ꞌBuuhaa cĩ Nyattaalõ.”

ꞌGalaaꞌthia 5:24

Eeta cĩg Yeesu Krĩstõ, ĩĩn eet ꞌcĩg otoddoyyieek thooꞌthiok ꞌcĩg abathĩ ꞌcĩg abũraneek nẽẽg vẽlẽk hurucceea.

Eevvetho 2:11

Ma hataarroꞌthu ngaatĩ baa iiginnu niig eet ꞌcĩg hõllõngaa iiginnu ꞌJudeei. Baa gõõng aũũyyuung eeta cĩg ꞌJudeei anneekuung, “Eet ꞌcĩg nga hetteeddi eleeti ꞌcĩg hõllõngaa ĩĩn ꞌJudeei,” baa gõõng irrian nẽẽg, hĩnĩngĩtĩ ẽttẽẽd eleeti cĩggĩĩng.

Eevvetho 2:3

Baa gõõng haattĩg naag vẽlẽk noho, ngaatĩ hanũĩ hẽlẽggĩ ꞌcĩg abũraneek eleeti cĩggaac. Nẽ hĩnĩngĩtĩ thooꞌthiok baag hadĩman naaga, ikia ĩlĩĩlĩeeheet Nyekuci ngagĩĩt haau hĩcĩ alĩĩllĩk eet vẽlẽk.

Kolooꞌthe 3:5

Nẽẽthĩ hoti ho, ũtũngteek thooꞌthiok ꞌcĩg ĩĩn ꞌriiring ꞌcĩg abũraneek eleeti cugguung. Thooꞌthiok ꞌcĩg aattĩg hĩcĩg attihõõnĩ eeta tahatak, muhẽẽnĩt cĩ thooꞌthiok ꞌcĩg ĩĩn ꞌriiring, thõõth ꞌcĩ abũraneeku thooꞌthiok ꞌcĩg abathĩ, hode ma hainnu ngaam ngaam, aduhoo thooꞌthioha cieeg hĩ ngaatĩ alayyu nyekuꞌnya ꞌcĩg hõllõngaa ĩĩn dĩdĩ thõng.

Tiito 3:3

Baa gõõng haggiithi naag hõjõthẽẽkĩ thõõth cĩ Nyekuci, hĩnĩngĩtĩ hõllõngaa haga nẽ hĩĩtõ appahacaaꞌnya ꞌcĩg habũraneek thooꞌthiok ꞌcĩg abathĩ ꞌcĩg iggoolleet ngagĩĩta. Baa gõõng hĩĩgĩn eet ꞌcĩg habathĩ nẽ halĩĩlĩ hẽlẽggĩ cĩg eetuk, aaburreekeet eeta nẽ haaburreek naag buúk eet vẽlẽk.

ꞌJeemith 1:15

Nẽẽthĩ, ahĩĩnakeet thooꞌthioha ꞌcĩg abathĩ ho ngagĩĩt hẽꞌthẽcattõ nẽ ma ĩtĩlĩth ꞌthẽccanĩ ĩĩ maka, ikia ĩtĩhĩĩnaheet daahĩth.

ꞌJeemith 4:1

Ne ꞌcĩ ĩkõõtha jore hĩ ꞌgẽrẽnyõõn hõrggẽẽnaa cunuung ko? Hõllõngaa nooyyia au nẽẽg hẽlẽggẽẽnnĩĩ ꞌcĩg abũraneeku niig ĩcĩg aruhõõ ꞌthinneetinii cugguung?

1 Yõaannẽ 3:4

Ẽẽtĩ ꞌcĩ adĩman ꞌthẽccan, ẽꞌthẽcan nyattal cĩ Nyekuci, hĩnĩngĩtĩ aduhõõ ꞌthẽccanĩ hĩ ngaatĩ habũrrĩ nyattal cĩ Nyekuci thõng.