ꞌRooma 7:24 - ꞌBuuk cĩ Thõõth cĩ Nyekuci

²⁴ Ĩcĩnĩt nõõ pĩĩrnanĩt caannĩ! Nganĩ occa ꞌthẽk ꞌcĩ ẽẽlannaa nganĩĩt daahĩtha?

ꞌRooma 7:24 ပူးပေါင်းရင်းမြစ်များ

Maatteeo 5:4

ꞌGattan hĩ eet ꞌcĩg alu, amammaayanni hatĩ nẽẽgĩ!

Maatteeo 5:6

ꞌGattan hĩ eet ꞌcĩg adak magĩthĩ nẽ aam kõrra ꞌcĩ anũĩ thõõth ꞌcĩ aũlanĩ. Aaꞌnyĩhoothĩk hatĩ ĩhõõggõ ꞌgii ꞌcĩ adiim nẽẽgĩ!

ꞌLuuka 4:18

“Aaꞌnyĩhoothĩhaa nganĩĩt Lorii cĩ Makayyiookto, hĩnĩngĩtĩ ẽbẽraawa nẽẽ nganĩĩt hillimaneek eet ꞌcĩg ĩĩn hullaha, nyeemuut cĩnnĩ ꞌcĩ abũnnaa. Ĩꞌthõõannaa nẽẽ hikia huduhaak baabuuthnya nyeemuut ꞌcĩ ooggianĩ nẽẽgĩ, hĩ nyeemuut cĩ acĩnẽẽnĩ rubenniaaha, nẽ hikia hẽẽla eet ꞌcĩg arratan ꞌgoonoggia,

ꞌRooma 6:6

Haga naag haĩ, otoddoyyioothĩk eleeti baaggaac ꞌrẽẽttĩg hurucceea hĩ Yeesu. Baa adĩmanni thõõth ciee, hátĩ hiittiõõ eleeti cĩggaac hõllõngaa ĩĩn appahacaaꞌnya cĩg ꞌthẽccaanak tarĩ.

ꞌRooma 8:13

Má arũgnu niig hĩnĩngĩtĩ ꞌthẽccanẽẽt cugguung, adaaknu hatĩnĩ, nẽẽthĩ, má ũtũngteehu niig ꞌthẽccanẽẽt cĩg ẽllaak ꞌtirriaanaa cĩ Loriio, arũgnu hatĩnĩ,

ꞌRooma 8:2

hĩnĩngĩtĩ aaꞌnyuung hatĩ Lorii ꞌcĩ Ẽllẽẽmĩth ngagiit rũgẽt ꞌcĩ aku hĩ Yeesu Krĩstõ nẽ õõgauung ꞌthẽccaana hĩ daahĩtha.

ꞌRooma 8:23

Aaꞌnyeet Lorii ngagĩĩt hagaac dĩdĩ authet ꞌcĩ hatĩ hõõ haattiyyi naag horumwa. Nẽẽthĩ ꞌyioko, haguran naag ꞌthinneetinitõõ muguruur, nga hẽrẽ Nyekuc heteretheeheet aĩ, hiita hĩĩtõ naag lõhõlĩ cĩgĩnnĩg. Aĩ thõõth ciee nẽẽ, ooggiaa hatĩ eleeti cĩggaac buúk haauto lõꞌngõõc.

ꞌRooma 8:26

Nẽ ꞌgõõlaa ĩcĩ dioo, eelleet Lorii ngagĩĩt hittiranit. Hõllõngaa haga naag ꞌgii ꞌcĩ hala ho, nẽẽthĩ hinnianĩ, alaiinneet Lorii nẽẽ dẽẽdẽ, guraanaa ꞌcĩ occa hõllõngaa haduha utugeetini.

Kolooꞌthe 2:11

Baa iitiaau niig hĩ Krĩstõ, iita ũtũngtoothĩk ngagiit ꞌthẽccanẽẽta cugguung buúk, nẽẽthĩ, hõllõngaa ĩĩn ꞌteediniti ciee, ꞌcĩ etteeddiakĩ ẽlẽ cĩ eet ꞌcĩ maacĩ tuua, ĩĩn ꞌteedinit ꞌcĩ ẽttẽẽdĩ Krĩstõ ꞌthẽccanẽẽt eleetinii cugguung.

2 Timotteeo 4:18

Ẽẽlannaa ꞌthẽk hatĩ gõõng nganĩĩt Makayyioohiti thooꞌthiohĩĩ vẽlẽk, ĩcĩg abathĩ nẽ hatĩ ũũka nganĩĩt habuccieetaa cĩnnĩ hẽẽtahujjieen lõꞌngõõc. Haau bulẽẽnĩtĩ hĩ ĩnõõnnõ ooo! Aamẽn.

Tiito 2:14

Baa ẽlẽmana nẽẽ ẽlẽ cĩnnĩ hadaak hĩnĩngĩtĩ ngagĩĩta, hátĩ hõõgaeet ꞌthẽccanẽẽtĩ vẽlẽk nẽ aaꞌnyeet hĩĩtõ eet cĩgĩnnĩg ꞌcĩg ũtũũnyeet nẽẽ hĩĩtõ eet cĩgĩnnĩg, ꞌcĩg hadiim hadtican thooꞌthiok ꞌcĩg abũnnaa dĩdĩ.

Ebereei 2:15

Nẽ ꞌgõõlaa cĩ, occa õõga eet baag aalla ĩĩn appahacaaꞌnya ũdũt, hĩnĩngĩtĩ iꞌngolli nẽẽg ngaatĩ adaaknĩ.

Terethiinit 21:4

Attũmũny hatĩ Nyekuci tilaalõ vẽlẽk hẽbẽrẽẽnnĩĩ cĩggĩĩng. Nẽ hatĩ iittiõõ ẽẽtĩ ꞌcĩ nga ommoꞌthi, hode accananni hode alu hode adaahĩ tarĩ tõõ, hĩnĩngĩtĩ iꞌngittõõthĩ hẽlẽggĩ cieeg baag oou ho vẽlẽk ũdũt.”