ꞌRooma 7:23 - ꞌBuuk cĩ Thõõth cĩ Nyekuci

²³ Nẽẽthĩ hinnia, hadtuuha nyattal umwa ẽllaa caannĩ ꞌcĩ aaburroo hĩ nyattal cĩ õõ caannĩ, ꞌcĩ aaꞌnya nganĩĩt hĩĩ appahaca cĩ nyattal cĩ ꞌthẽccan cĩ ẽlẽ caannĩ.

ꞌRooma 7:23 ပူးပေါင်းရင်းမြစ်များ

ꞌRooma 6:13

Ma haaꞌnyiku ꞌgoolliok ũgĩ cĩg eleeti cugguung ꞌthẽccan, aanytĩk eleeti cugguung Nyekuc, hĩ eeta ꞌcĩg ũrũgta daahĩtha nẽ aanytĩhu eleeti cugguung hĩ ĩnõõnnõ, hátĩ ĩdĩmanit thooꞌthiok ꞌcĩg abũnnaa.

ꞌRooma 6:19

Hothoothi naa hoti, hĩnĩngĩtĩ hõllõngaa attirannu niiga. Hĩ baa gõõng aalla aaꞌnyiku eleeti cugguung hĩĩtõ appahacaaꞌnya cĩg thooꞌthiok ꞌcĩg ĩĩn ꞌriiring hĩ ꞌcĩg abathĩ, nẽẽthĩ ꞌyioko, aanytĩk ĩhõõggõ hĩĩtõ appahacaaꞌnya cĩg thõõth ꞌcĩ abũnnaa ꞌcĩ okooyyuung thõõthaa ꞌcĩ ẽllẽẽmĩthĩ.

ꞌRooma 7:14

Haga naag aku nyattalĩ hĩ Nyekuc, nẽẽthĩ, hĩĩnĩ naa eet ꞌcĩ holli õõ haaga nẽ baa hũtũũĩ hĩĩna appahaca cĩ ꞌthẽccaanõ.

ꞌRooma 7:21

Eteretheeha nyattalĩ cĩ Nyekuci nganĩĩt aĩ, aaĩ ꞌgiimwaa ꞌthĩnĩtaa caannĩ ꞌcĩ alaamma nganĩĩt ngaatĩ hadticanĩĩ thõõth ꞌcĩ aũlanĩ.

ꞌRooma 7:25

Ĩlaallẽ hĩ Nyekuc, hĩnĩngĩtĩ Yeesu Krĩstõ Makayyioohit cĩnaac! Nẽẽthĩ hoti ho, hĩĩna naa õõaa caannĩ appahaca cĩ nyattal cĩ Nyekuci, nẽẽthĩ, ẽllaa caannĩ, hĩĩnĩ appahaca cĩ nyattal cĩ ꞌthẽccaanõ.

ꞌRooma 7:5

Hĩnĩngĩtĩ baa nga aggammeet ngagĩĩt thõõth ꞌcĩ habũranẽẽkĩ ꞌthẽccan, baa aaꞌnyeet nyattalĩ hũbũratteek ꞌthẽccan eleetinii cĩggaac ĩcĩg aĩnanaanneet hadaahit.

ꞌRooma 8:2

hĩnĩngĩtĩ aaꞌnyuung hatĩ Lorii ꞌcĩ Ẽllẽẽmĩth ngagiit rũgẽt ꞌcĩ aku hĩ Yeesu Krĩstõ nẽ õõgauung ꞌthẽccaana hĩ daahĩtha.

ꞌGalaaꞌthia 5:17

Adiim ẽlẽ baa ꞌrẽẽnĩ ꞌthẽccanẽẽt ꞌcĩg abathĩ, ꞌcĩg hõllõngaa adiim Lorii ꞌcĩ Ẽllẽẽmĩthĩ. Aruhõõ Lorii ꞌcĩ Ẽllẽẽmĩth hĩ ẽlẽ baannaac ꞌrẽẽnĩ nẽ iittiõõ hõllõngaa adĩmani nii thõõth ꞌcĩ adiimi niina.

Ebereei 12:4

Nẽẽthĩ, ꞌgõõlaa ꞌcĩ oꞌngonyoonnu niig kĩ ꞌthẽccanẽẽta, nga adaahit niiga.

ꞌJeemith 3:2

Nẽ dĩdĩ, hẽꞌthẽcattõõ naag vẽlẽk thooꞌthiohĩĩ ꞌcĩg mẽẽlĩg. Hĩnĩngĩtĩ, ꞌyioko huꞌthuutti naag utugeeti cĩggaac, occa habũnnaa gẽrrẽẽt nẽ occa haꞌthũũnnĩ eleeti cĩggaac ꞌgoolliohĩĩ ũgẽẽgĩ buúk.

ꞌJeemith 4:1

Ne ꞌcĩ ĩkõõtha jore hĩ ꞌgẽrẽnyõõn hõrggẽẽnaa cunuung ko? Hõllõngaa nooyyia au nẽẽg hẽlẽggẽẽnnĩĩ ꞌcĩg abũraneeku niig ĩcĩg aruhõõ ꞌthinneetinii cugguung?

1 Pẽẽtũrũ 2:11

ꞌGotoonoga hĩ ngoonoga, haduhaakuung naa ngagiit hanneekuung, iiginnu niig eet cĩg looc ꞌcĩ ꞌrĩĩng hĩ tahana loota nĩnga. Nẽẽthĩ hoti ho, halayyuung naa ngagiit ũtũngteek hẽlẽggĩ ꞌcĩg abũraneek eleeti cugguung ꞌcĩg aruhoonnu hĩ ngagiit ko.