ꞌRooma 7:15 - ꞌBuuk cĩ Thõõth cĩ Nyekuci

¹⁵ Aitiõõ naa hõllõngaa haga ꞌgii ꞌcĩ hadticani. Hĩnĩngĩtĩ ꞌgii ꞌcĩ hadiimi hadticani, hõllõngaa hinnia hadticani buúk, nẽẽthĩ, ꞌgii ꞌcĩ haaburreehi naana hadticani hinnianĩ.

ꞌRooma 7:15 ပူးပေါင်းရင်းမြစ်များ

ꞌLuuka 11:48

Ammuku ꞌyioko ainnu, adĩman baa hĩbaangĩ cugguung authet ꞌcĩ abũnnaa ngaatĩ aruhi põrõvẽtaaꞌnya, ĩnõõ ꞌcĩ arruubbu biyyiẽẽn cĩggĩĩng ko.

Yõaannẽ 15:15

Iittiõõ naa hõllõngaa hauyyuung ngagiit hanneekuung dticcianniook, hĩnĩngĩtĩ aitiõõ dticciannioohiti hõllõngaa aga dtiic cĩ makayyioohit cĩnnĩ. Nẽẽthĩ ꞌyioko, hutuvvuung naa ngagiit hiinnihuung ꞌgoonoga, hĩnĩngĩtĩ heteretheehuung naa ngagiit hẽlẽggĩ vẽlẽk baag aduhaaka nganĩĩt Baaba.

ꞌRooma 12:9

Aꞌnyĩĩk mĩnnan ꞌcĩ ammĩnannu niig ꞌgoonogu hĩĩ dĩdĩ. Ũtũbũrĩt thooꞌthiok vẽlẽk ꞌcĩg abathĩ nẽ uꞌthuuttu ꞌgii vẽlẽk ꞌcĩ abũnnaa.

ꞌRooma 14:22

Nẽẽthĩ, hẽlẽggĩ vẽlẽk ꞌcĩg elemmu niig, hĩnĩngĩtĩ thooꞌthiok iccig, aanytĩk haauto hõrggẽẽnaa cunuung hĩ Nyekuc. Aꞌnyĩĩk Nyekuc haggatan eet ꞌcĩ hõllõngaa etteedĩk ẽlẽ cĩnnĩ ẽmmẽn thõõth ꞌcĩ abathĩ.

ꞌRooma 7:16

Nẽ má hadticani ꞌgii ꞌcĩ hõllõngaa hadiimi naa hadticani, helemi thĩ ngaatĩ abũnnayyĩ nyattalĩ.

ꞌGalaaꞌthia 5:17

Adiim ẽlẽ baa ꞌrẽẽnĩ ꞌthẽccanẽẽt ꞌcĩg abathĩ, ꞌcĩg hõllõngaa adiim Lorii ꞌcĩ Ẽllẽẽmĩthĩ. Aruhõõ Lorii ꞌcĩ Ẽllẽẽmĩth hĩ ẽlẽ baannaac ꞌrẽẽnĩ nẽ iittiõõ hõllõngaa adĩmani nii thõõth ꞌcĩ adiimi niina.

2 Timotteeo 2:19

Nẽẽthĩ, abĩlĩ thõõth ꞌcĩ Nyekuci õkõmĩ kak, aꞌnyũũgĩ nẽ ẽtẽhẽẽdĩ battaala thõõth ꞌcĩ aĩ, “Aga Makayyioohiti eet cĩgĩnnĩg.” Nẽ, “Eeta ꞌcĩg aĩ hĩĩgĩnna eet cĩg Makayyiooktak, aꞌnyĩĩk hũtũngteek thooꞌthiok ꞌcĩg ĩĩn ꞌthẽccan.”

Ebereei 1:9

Baa ammĩnani nii thõõth ꞌcĩ abũnnaa nẽ aaburreehu thooꞌthiok ꞌcĩg abathĩ, nẽẽthĩ, hẽbẽraaii naa Nyekuci cunni nganiit ꞌlõõan ꞌgoonogu vẽlẽk, nẽ hiniibii ngõõrraa cĩ taliitto.”

ꞌJeemith 3:2

Nẽ dĩdĩ, hẽꞌthẽcattõõ naag vẽlẽk thooꞌthiohĩĩ ꞌcĩg mẽẽlĩg. Hĩnĩngĩtĩ, ꞌyioko huꞌthuutti naag utugeeti cĩggaac, occa habũnnaa gẽrrẽẽt nẽ occa haꞌthũũnnĩ eleeti cĩggaac ꞌgoolliohĩĩ ũgẽẽgĩ buúk.

ꞌJuud 1:23

Eellia eet ꞌcĩg adiim eelliaa ꞌgwoyyiaa ꞌcĩ aalla ũdũt. Nẽ tẽẽlꞌthĩtaa cĩ ꞌthinneeti cugguung, atamaattik eet ꞌcĩg adiim tamaati cunuung. Nẽẽthĩ, ĩcĩnĩt jurrung, umuddia ꞌgõõl ꞌcĩ occa aburru ꞌthẽccanẽẽt ꞌcĩg ẽꞌthẽcan rũgẽt cĩnĩĩng.