ꞌRooma 6:9 - ꞌBuuk cĩ Thõõth cĩ Nyekuci

⁹ Hĩnĩngĩtĩ hagaacõ naag ngaanĩngĩtĩ arũgnaanĩ Krĩstõ daahĩtha, iittiõõ nẽẽ hõllõngaa occa adaahĩ tarĩ, iittiõõ daahĩthĩ hõllõngaa occa anyamũũtana ĩnõõnnõ.

ꞌRooma 6:9 ပူးပေါင်းရင်းမြစ်များ

ꞌRooma 5:14

Nẽẽthĩ hinnianĩ, ikia ũllũngan daahĩthĩ looc iꞌthianaanĩ hĩ Aadam ĩꞌthõng hõdõlan Mũũꞌtha, tananga hĩ eet ꞌcĩg baag nga hẽꞌthẽcanit tilooinit cĩ Nyekuci, hĩ baa ẽꞌthẽcan Aadamĩ baa ĩthakꞌthoothĩk ꞌgõõlaa umwaanĩ, Yeesu ꞌcĩ occa hatĩ aku.

ꞌRooma 6:10

Baa adaahĩ nẽẽnĩ, baa adaahĩ, hátĩ hĩꞌthaan ꞌtirrian cĩ ꞌthẽccaanõ. Nẽẽthĩ, rũgẽtĩ ꞌcĩ arũgnĩ nẽẽ ho, arũgĩ hĩnĩngĩtĩ bulẽẽnĩt cĩ Nyekuci.

ꞌRooma 6:14

Iitiõõ ꞌthẽccanĩ hõllõngaa aggammuung ngagiit tarĩ, hĩnĩngĩtĩ hõllõngaa aggammuung ngagiit nyattalĩ, nẽẽthĩ, aauttu niig lõꞌngõõc bũnnaiittaa cĩ Nyekuci.

ꞌRooma 6:4

Baa haggam naag baattithimo, baa haauto naag hĩ eeta ꞌcĩg hadaahito nẽ hadayyi hĩ Krĩstõ. Nẽ hĩ baa arũgthaa Krĩstõ daahĩtha bulẽẽttaa cĩ Nyekuc Maaꞌnyĩ, hau hatĩ haꞌnyak naag buúk rũgẽt ꞌcĩ ĩĩn ngeju.

Ebereei 7:16

Ikia ĩĩ Yeesu paadĩr, hõllõngaa hĩnĩngĩtĩ ĩĩn nẽẽ eet cĩ hattũũg cĩ ꞌLeevi, nẽẽthĩ, aku ĩĩn nẽẽ paadĩr ꞌtirriaanaa cĩ rũgẽt ꞌcĩ aalla ũdũt.

Ebereei 7:25

Nẽẽthĩ hoti ho, ũũlũ Yeesu ngaatĩ ẽẽlanĩ eet ꞌcĩg ẽlẽmĩ Nyekuc hĩnĩngĩtĩ ĩnõõnnõ.

Terethiinit 1:18

Nganĩĩt ꞌcĩ harugi, baa hadaaha, nẽ ꞌyioko, hũrũga ũdũt nẽ haꞌnyahi mũhũtẽẽt ꞌcĩg daahĩthaak hĩ cĩg looc cĩ daakiahu.