ꞌRooma 6:4 - ꞌBuuk cĩ Thõõth cĩ Nyekuci

⁴ Baa haggam naag baattithimo, baa haauto naag hĩ eeta ꞌcĩg hadaahito nẽ hadayyi hĩ Krĩstõ. Nẽ hĩ baa arũgthaa Krĩstõ daahĩtha bulẽẽttaa cĩ Nyekuc Maaꞌnyĩ, hau hatĩ haꞌnyak naag buúk rũgẽt ꞌcĩ ĩĩn ngeju.

ꞌRooma 6:4 ပူးပေါင်းရင်းမြစ်များ

Yõaannẽ 11:40

Ẽdẽcĩ Yeesu ĩnõõnnõ anneek, “Nga nooyyia huduhaahii naa nganiit hiinnihi, má aꞌnyahi lemiinit, acini hatĩ bulẽẽnĩt cĩ Nyekuci?”

Yõaannẽ 2:11

Thõõth ꞌcĩ baa adtican Yeesu ĩĩcĩ oou, ꞌcĩ ĩnaat eeta ho cieeni. Baa adtican nẽẽ thõõth icci, õlõõ cĩ Kana, looccaa cĩ ꞌGalileea. Ikia ẽtẽrẽtha Yeesu bulẽẽnĩt cĩnnĩ õlõõ nĩĩca nẽ iita elemit nuyyiooha cĩgĩnnĩg ĩnõõnnõ, hĩnĩngĩtĩ thõõth icci.

Dtiicanĩ cĩg ꞌThooyyiahu 2:24

Nẽ baa ũrũgũtha Nyekuci ĩnõõnnõ ꞌloohatõõ, ikia iittiõõ daahĩthĩ ꞌcĩ aggam ĩnõõnnõ tarĩ tõõ.

Dtiicanĩ cĩg ꞌThooyyiahu 2:32

“Ũrũgũtha Nyekuci Yeesu icci daahĩtha nẽ ꞌyioko, hĩĩgĩn naag vẽlẽk hẽbẽrĩ cĩg thõõth ꞌcĩ ĩĩn dĩdĩ.

ꞌRooma 6:19

Hothoothi naa hoti, hĩnĩngĩtĩ hõllõngaa attirannu niiga. Hĩ baa gõõng aalla aaꞌnyiku eleeti cugguung hĩĩtõ appahacaaꞌnya cĩg thooꞌthiok ꞌcĩg ĩĩn ꞌriiring hĩ ꞌcĩg abathĩ, nẽẽthĩ ꞌyioko, aanytĩk ĩhõõggõ hĩĩtõ appahacaaꞌnya cĩg thõõth ꞌcĩ abũnnaa ꞌcĩ okooyyuung thõõthaa ꞌcĩ ẽllẽẽmĩthĩ.

ꞌRooma 6:3

Hõllõngaa agayyu niig aĩ, eeta vẽlẽk ꞌcĩg õthõl baattithimo cĩ Yeesu Krĩstõ, õthõl daahĩth cĩnnĩ buúk?

ꞌRooma 6:8

Nẽẽthĩ ꞌyioko, má baa hadaahĩ naag hõdẽĩ hĩ Krĩstõ, hẽlẽmĩ naag haĩ harũgĩ hatĩ naag buúk hĩ ĩnõõnnõ.

ꞌRooma 6:9

Hĩnĩngĩtĩ hagaacõ naag ngaanĩngĩtĩ arũgnaanĩ Krĩstõ daahĩtha, iittiõõ nẽẽ hõllõngaa occa adaahĩ tarĩ, iittiõõ daahĩthĩ hõllõngaa occa anyamũũtana ĩnõõnnõ.

ꞌRooma 7:6

Nẽẽthĩ ꞌyioko, iittiõõ nyattalĩ hõllõngaa aggammeet ngagĩĩt tarĩ, hĩnĩngĩtĩ baa hadaahito naag, hĩnĩngĩtĩ nyattal nẽ iitiõõ hõllõngaa hĩĩgĩn naag appahacaaꞌnya cĩgĩnnĩg. Nẽẽthĩ ꞌyioko, occa hidticattoothĩk naag Nyekuc, hõllõngaa ꞌgõõlaa ꞌcĩ haꞌthũũnnĩ nyamacaar cĩ nyattal baa ꞌrẽẽnĩ, nẽẽthĩ, hadticanoothĩk, hĩnĩngĩtĩ haauto naag ꞌgõõlaa ꞌcĩ ĩĩn ngeju ĩcĩ Loriio.

ꞌRooma 8:11

Nẽ má aaĩ Lorii cĩ Nyekuc baa arũgtha Yeesu daahĩtha hĩ ngagiita, aaꞌnyĩk hatĩ Nyekuci baa arũgtha Krĩstõ daahĩtha eleeti cugguung ꞌcĩg occa adaahĩ ho, rũgẽt Loriiaa cĩnnĩ ĩcĩ aaĩ hĩ ngagiita.

1 Korinthia 6:14

ꞌTirriaanaa cĩnnĩ, baa arũgtha Nyekuci Makayyioohit cĩnaac daahĩtha nẽ arũgthanneet hatĩ nẽẽ ngagĩĩt buúk daahĩtha.

2 Korinthia 13:4

Tananga baa odooddothoothĩk nẽẽ hurucceea, aaĩ hĩcĩ baa appĩĩrna ꞌtirriani cĩnnẽẽnĩ. Nẽ ꞌyioko, arũgĩ nẽẽ ꞌtirriaanaa cĩ Nyekuci. Noho, happĩĩrna hatĩ naag buúk hĩ baa Krĩstõ. Nẽẽthĩ nẽẽꞌthẽk, acinnu hatĩ harũgĩ naag hĩ ĩnõõnnõ ꞌtirriaanaa cĩ Nyekuci nẽ hatĩ hidticattoothihuung ngagiita.

2 Korinthia 5:17

Nẽẽthĩ, má ikia ẽlẽm ẽẽtĩ umwaa Krĩstõ, ikia ũtũhũĩ rũgẽtĩ cĩnnĩ ĩĩ ngeju. Ataarõthĩ nẽẽ thooꞌthiok cĩg rũgẽt cĩnnĩ baa ꞌrẽẽnĩ. Nẽ ammanyanĩ rũgẽtĩ baa ꞌrẽẽnẽẽnĩ nẽ ikia ꞌcĩ ĩĩn ngeju!

Eevvetho 4:17

Hĩ nuyyioohiti cĩ Makayyiookto, haduhaakuung hanneekuung ibilli authet ꞌcĩ aattiyyu hĩ eeta ꞌcĩg aggiithi ꞌcĩg hõllõngaa aga Nyekuc.

Eevvetho 5:8

Hĩnĩngĩtĩ baa gõõng aattiyyu niig hĩ eeta ꞌcĩg aattĩg muguuratõõ, nẽẽthĩ ꞌyioko, iittu eet cĩg lanyitaak, hĩnĩngĩtĩ iittu eet cĩg Makayyiooktak. Nẽẽthĩ ꞌyioko, aaut hĩ lohollia cĩg lanyitaak,

Kolooꞌthe 3:10

Iittu niig vẽlẽk eet ꞌcĩg ĩĩn ngeju. Ũũhũyyuung ngagiit Nyekuci hõdõõkõthĩ aaut hĩ nẽẽ Teheꞌnyioohiti cĩ rũgẽt cunuung ꞌcĩ ĩĩn ngeju, nẽ iita hatĩ agayyu ĩnõõnnõ jurrung.

Kolooꞌthe 4:1

Niig makayyiooha, ĩdĩmatteek appahacaaꞌnya cugguung thooꞌthiok ꞌcĩg abũnnaa ꞌcĩg aũlanĩ, hĩnĩngĩtĩ agayyu niig buúk ngaatĩ aꞌnyaku Makayyioohit cunuung hẽẽtahujjieen.

1 Pẽẽtũrũ 3:21

Ĩthakꞌthoothĩk maama cĩg tawaanak ko, baattithimo ꞌcĩ ꞌyioko ẽẽlannuung ngagiit ko. Nẽẽthĩ, ĩllõõan baattithimo tũũnyẽnĩt cĩ ꞌriiring cĩg ẽllaak. Ĩĩn baattithimo ꞌgõõl ꞌcĩ õbõdaanĩ eeta hĩ Nyekuc ꞌthinneetinii ꞌcĩg abũnnaa, hĩnĩngĩtĩ baa ũrũga Yeesu Krĩstõ daahĩtha.

1 Yõaannẽ 2:6

Má hõthõõth naag haĩ hĩĩgĩn cĩgĩnnĩg, abũnnaa hanũ terethiinit cĩ Krĩstõ.