ꞌRooma 6:3 - ꞌBuuk cĩ Thõõth cĩ Nyekuci

³ Hõllõngaa agayyu niig aĩ, eeta vẽlẽk ꞌcĩg õthõl baattithimo cĩ Yeesu Krĩstõ, õthõl daahĩth cĩnnĩ buúk?

ꞌRooma 6:3 ပူးပေါင်းရင်းမြစ်များ

Maatteeo 28:19

Nẽ ꞌyioko, õõt aanytĩk eet loonyini vẽlẽk hĩĩtõ nuyyiook cĩgannĩg, aggamteek ĩhõõggõ baattithimo ꞌthaarĩĩ cĩg Maacõnĩ hĩ cĩg Ngeerĩnĩ hĩ cĩg Lori ꞌcĩ Ẽllẽẽmĩthĩ,

Dtiicanĩ cĩg ꞌThooyyiahu 19:5

Ma baa athĩhĩ nẽẽg thõõth icci ho, iita aggamit baattithimo ꞌthaarĩĩ cĩg Makayyioohit Yeesu.

Dtiicanĩ cĩg ꞌThooyyiahu 2:38

Ẽdẽcĩ Pẽẽtũrũ anneek, “Ũtũngteek niig vẽlẽk hõdẽĩ hõdẽĩ ꞌthẽccanẽẽt cugguung nẽ aggamtu baattithimo ꞌthaarĩĩ cĩg Yeesu Krĩstõ, hátĩ hũtũngtoothĩk ꞌthẽccanẽẽta cugguung. Nẽẽthĩ hatĩ aaꞌnyĩhoothĩhuung ꞌbaaniniti cĩ Lori ꞌcĩ Ẽllẽẽmĩthĩ.

Dtiicanĩ cĩg ꞌThooyyiahu 8:16

Hĩnĩngĩtĩ baa nga hikia Lorii ꞌcĩ Ẽllẽẽmĩth ĩĩcĩ oou hĩ eet cĩg Thamaria, tananga baa aggamit ũgẽẽgĩ baattithimo ꞌthaarĩĩ cĩg Makayyioohit Yeesu.

ꞌRooma 6:16

Hõllõngaa agayyu niig ngaatĩ iiginnu appahacaaꞌnya cĩg hẽlẽggĩ ꞌcĩg athiknu niiga? Occa iiginnu niig appahacaaꞌnya cĩg ꞌthẽccaanak nẽ adaaktu, hode occa iiginnu appahacaaꞌnya ꞌcĩg athiknu Nyekuc, ꞌcĩ hatĩ aaꞌnyuung ngagiit ũbũttaath rũgẽtaa cunuung.

ꞌRooma 6:8

Nẽẽthĩ ꞌyioko, má baa hadaahĩ naag hõdẽĩ hĩ Krĩstõ, hẽlẽmĩ naag haĩ harũgĩ hatĩ naag buúk hĩ ĩnõõnnõ.

ꞌRooma 7:1

ꞌGotoonoga hĩ ngoonoga, niig eeta ꞌcĩg agayyu nyattal ko, hõllõngaa agayyu niig ngaatĩ adticaniini nyattalĩ hĩ eet cĩg nga arũgĩ diooni?

1 Korinthia 10:2

Baa aggam nẽẽg vẽlẽk baattithimo, hiita hĩĩtõ nuyyiook cĩg Mũũꞌtha diithatõõ hĩ bũlũcatõõ.

1 Korinthia 12:13

Hĩnĩngĩtĩ baa aggamoothĩkeet ngagĩĩt vẽlẽk baattithimo Loriia, hiita hĩĩtõ naag ẽlẽ hõdẽẽthõng, tananga hĩĩgĩn ꞌJudeei hode ꞌGirik hode appahacaaꞌnya hode eet ꞌcĩg hõllõngaa ĩĩn appahacaaꞌnya nẽ baa aaꞌnyĩhoothĩkeet ngagĩĩt vẽlẽk Lorii hõdẽẽthõng ꞌthinneetinii cĩggaac.

1 Korinthia 15:29

Nẽẽthĩ ꞌyioko, má aitiõõ hõllõngaa arũgna eeta daahĩtha, adĩman hatĩ eeta ꞌcĩg aggam baattithimo, hĩnĩngĩtĩ eet ꞌcĩg adaahito ho ne? Nẽ ꞌthẽk má hõllõngaa arũgthaa eeta ꞌcĩg adaahito ho ũdũt, inni thĩ haggamit eeta baattithimo, hĩnĩngĩtĩ ĩhõõggõ ho?

1 Korinthia 3:16

Hõllõngaa agayyu niig aĩ, ĩĩn eleeti cugguung ꞌCieeth cĩ Nyekuci nẽ aaĩ Lorii cĩ Nyekuci hĩ ngagiita?

1 Korinthia 5:6

Aitiõõ ꞌrianĩĩthĩ cunuung ko hõllõngaa abũnnaa. Hõllõngaa nooyyia agayyu niig ngaatĩ ĩꞌthanõthõõthĩkĩ abũũlana ꞌcĩg abadtẽc haaga tũkan ꞌcĩ oꞌngoꞌnyi hũtũrũũr?

1 Korinthia 6:19

Hõllõngaa agayyu niig ngaatĩ ĩĩnnĩ eleeti cugguung ꞌCieeth cĩ Lori ꞌcĩ Ẽllẽẽmĩth ꞌcĩ aaĩ hĩ ngagiit baa aaꞌnyuung Nyekuci? Hõllõngaa ĩĩn eleeti cugguung diooni;

1 Korinthia 6:9

Hõllõngaa nooyyia agayyu niig aĩ, hõllõngaa hatĩ arigith eeta ꞌcĩg ĩĩn ꞌthẽccanniook habuccieet cĩ Nyekuci? Ma higgoollu eleeti! Aitiõõ hatĩ eeta ꞌcĩg adĩman thooꞌthiok ꞌcĩg ĩĩn ꞌriiring, hode eeta ꞌcĩg ala nyekuꞌnya ꞌcĩg hõllõngaa ĩĩn dĩdĩ, hode eeta ꞌcĩg attik ngaaĩ ꞌcĩg ꞌrĩĩng, hode ꞌwuaangiak ꞌcĩg maacĩg hode eet ꞌcĩg attik ꞌgõõnõgĩ ꞌcĩg maacĩg,

1 Korinthia 9:13

Hõllõngaa agayyu niig aĩ, ammũda eeta ꞌcĩg adticanni ꞌCieethaa cĩ Nyekuci ꞌgẽẽn cĩnĩĩng ꞌCieethaa cĩ Nyekuci nẽ eeta ꞌcĩg adticanni altaarĩa, õthõl nẽẽg ꞌgẽẽn ꞌcĩ aaꞌnyĩhoothĩk Nyekuc altaarĩa?

1 Korinthia 9:24

Hõllõngaa agayyu niig aĩ ireta, avvir irettiooha nẽ ũmmũda ẽẽtĩ hõdẽẽthõng ꞌbaaninit? Ukulit niig buúk noho, hátĩ ummuddia ꞌbaaninit.

2 Korinthia 13:5

Iiyyielit eleeti cugguung hátĩ ummuddia, má aꞌnyaku lemiinit cĩ Krĩstõ ꞌcĩ ĩĩn dĩdĩ. Ĩttĩmanit eleeti cugguung nẽ má ĩllõõattu ꞌtĩmman icci, ammũdaannu hatĩ ngaatĩ aayyi Yeesu Krĩstõ hĩ ngagiita nẽ má hõllõngaa aaĩ Krĩstõ hĩ ngagiita, udhuktaau thĩ ꞌthẽk niig ꞌtĩmman icci.

ꞌGalaaꞌthia 3:27

nẽ niig vẽlẽk ꞌcĩg aggamtu baattithimo ꞌthaarĩĩ cĩg Yeesu Krĩstõ ho, iita ũrũmteeu niig buúk hĩ ĩnõõnnõ.

ꞌJeemith 4:4

Niig eeta ꞌcĩg adĩmannu hẽlẽggĩ ꞌcĩg ĩĩn ꞌriiring ko, hõllõngaa agayyu niig ngaatĩ aaꞌnyuung ꞌgõnnaꞌthẽẽt cĩ lootu ĩĩtõ mĩrõk cĩg Nyekuci? Nẽ má eberriaau ngaatĩ iiginnu ꞌgõõnõgĩ lootu, iittu niig mĩrõk cĩg Nyekuci.

1 Pẽẽtũrũ 3:21

Ĩthakꞌthoothĩk maama cĩg tawaanak ko, baattithimo ꞌcĩ ꞌyioko ẽẽlannuung ngagiit ko. Nẽẽthĩ, ĩllõõan baattithimo tũũnyẽnĩt cĩ ꞌriiring cĩg ẽllaak. Ĩĩn baattithimo ꞌgõõl ꞌcĩ õbõdaanĩ eeta hĩ Nyekuc ꞌthinneetinii ꞌcĩg abũnnaa, hĩnĩngĩtĩ baa ũrũga Yeesu Krĩstõ daahĩtha.