ꞌRooma 6:19 - ꞌBuuk cĩ Thõõth cĩ Nyekuci

¹⁹ Hothoothi naa hoti, hĩnĩngĩtĩ hõllõngaa attirannu niiga. Hĩ baa gõõng aalla aaꞌnyiku eleeti cugguung hĩĩtõ appahacaaꞌnya cĩg thooꞌthiok ꞌcĩg ĩĩn ꞌriiring hĩ ꞌcĩg abathĩ, nẽẽthĩ ꞌyioko, aanytĩk ĩhõõggõ hĩĩtõ appahacaaꞌnya cĩg thõõth ꞌcĩ abũnnaa ꞌcĩ okooyyuung thõõthaa ꞌcĩ ẽllẽẽmĩthĩ.

ꞌRooma 6:19 ပူးပေါင်းရင်းမြစ်များ

Maatteeo 4:23

Baa õvvõõĩ Yeesu looc cĩ ꞌGalileea vẽlẽk alliman eet ꞌCieethinii cĩg Laiittak nẽ irrioon nyeemuut ꞌcĩ abũnnaa cĩ habuccieet cĩ Nyekuci nẽ tarĩ aaꞌnyĩk eet ꞌcĩg õmmõõrĩ mooriꞌthiook cũũmõ cũũmõ hũbũttaathõ.

ꞌRooma 15:1

Má õkõmĩ lemiiniti cĩnaac, occa haꞌnyak naag ꞌthinneeti ꞌcĩg makatĩg hĩ nuyyiook cĩg Makayyiooktak ꞌcĩg hõllõngaa attiran lemiiniti cĩnĩĩng. Occa haaꞌnyĩk ĩhõõggõ haccamattoothĩk hĩllõõan ngaatĩ haaꞌnyĩkĩ eleeti cĩggaac haccamattoothĩk.

ꞌRooma 3:5

Nẽẽthĩ, má uppulana bathi cĩnaac bũnnai cĩ Nyekuci battaala, ĩcca occa ꞌyioko hõthõõth haĩ ne? Occa ꞌyioko hatĩ abathĩ hĩ Nyekuc ngaatĩ alĩĩllĩ nẽ uukeet ngagĩĩta? Hothoothi naa hĩ gõõng õthõõth eeta.

ꞌRooma 6:13

Ma haaꞌnyiku ꞌgoolliok ũgĩ cĩg eleeti cugguung ꞌthẽccan, aanytĩk eleeti cugguung Nyekuc, hĩ eeta ꞌcĩg ũrũgta daahĩtha nẽ aanytĩhu eleeti cugguung hĩ ĩnõõnnõ, hátĩ ĩdĩmanit thooꞌthiok ꞌcĩg abũnnaa.

ꞌRooma 7:23

Nẽẽthĩ hinnia, hadtuuha nyattal umwa ẽllaa caannĩ ꞌcĩ aaburroo hĩ nyattal cĩ õõ caannĩ, ꞌcĩ aaꞌnya nganĩĩt hĩĩ appahaca cĩ nyattal cĩ ꞌthẽccan cĩ ẽlẽ caannĩ.

ꞌRooma 8:26

Nẽ ꞌgõõlaa ĩcĩ dioo, eelleet Lorii ngagĩĩt hittiranit. Hõllõngaa haga naag ꞌgii ꞌcĩ hala ho, nẽẽthĩ hinnianĩ, alaiinneet Lorii nẽẽ dẽẽdẽ, guraanaa ꞌcĩ occa hõllõngaa haduha utugeetini.

1 Korinthia 5:6

Aitiõõ ꞌrianĩĩthĩ cunuung ko hõllõngaa abũnnaa. Hõllõngaa nooyyia agayyu niig ngaatĩ ĩꞌthanõthõõthĩkĩ abũũlana ꞌcĩg abadtẽc haaga tũkan ꞌcĩ oꞌngoꞌnyi hũtũrũũr?

1 Korinthia 6:11

Baa gõõng aattiyyu niig ũgẽẽgĩ nohota. Nẽẽthĩ ꞌyioko, utuunytuung ngagiit ꞌthaara cĩg Makayyioohit cĩnaac Yeesu Krĩstõ, hĩ ꞌtirrian cĩ Lori cĩ Nyekuci haanytuung ĩĩtõ tẽllĩg nẽ elemuung Nyekuci.

1 Korinthia 9:8

Haduha ꞌyioko ꞌthẽk naa thõõth icci hĩ ẽẽtĩ ꞌcĩ holli õõ haaga? Hõllõngaa nooyyia aduha nyattalĩ cĩ Mũũꞌtha thõõth icci dioo noho?

ꞌGalaaꞌthia 3:15

ꞌGotoonoga hĩ ngoonoga, ĩꞌnya da huduhaahuung thõõth ꞌcĩ agayyu niig vẽlẽk. Ma adak eeta lõhõt, aitõõ thõõth ꞌcĩ occa ẽgẽẽranni urutaa cĩnnĩ tõõ. Aaĩ thõõth ꞌcĩ hothoothi naa ho buúk noho.

Ebereei 12:15

Uꞌthuutti eleeti cugguung, hátĩ hiittiõõ ẽẽtĩ ꞌcĩ abacĩ bũnnai ꞌcĩ ẽllẽẽmĩth cĩ Nyekuci tõõ. Ma haaꞌnyiku eet umwa hĩlĩĩlĩ nẽ ĩkõõthahuung thooꞌthiok ꞌcĩg abathĩ.

Ebereei 4:15

Aga paadĩrĩ cobbi pĩĩrnanĩt cĩnaac vẽlẽk, hĩnĩngĩtĩ baa ĩttĩmanĩ nẽẽ pĩĩrnatta ꞌgoolliohĩ vẽlẽk hĩ naaga, nẽẽthĩ aitiõõ ĩnõõnnõ ꞌthẽccanĩ tõõ!