ꞌRooma 6:14 - ꞌBuuk cĩ Thõõth cĩ Nyekuci

¹⁴ Iitiõõ ꞌthẽccanĩ hõllõngaa aggammuung ngagiit tarĩ, hĩnĩngĩtĩ hõllõngaa aggammuung ngagiit nyattalĩ, nẽẽthĩ, aauttu niig lõꞌngõõc bũnnaiittaa cĩ Nyekuci.

ꞌRooma 6:14 ပူးပေါင်းရင်းမြစ်များ

Maatteeo 1:21

Ũũkca hatĩ nẽẽ loholeec ꞌcĩ maacĩ. Kateek hatĩ loholeec ꞌthaar ꞌcĩg haĩ Yeesu, hĩnĩngĩtĩ ẽẽla hatĩ nẽẽ eet cĩgĩnnĩg ꞌthẽccanẽẽtĩĩ cĩggĩĩng.”

Yõaannẽ 1:14

Ma nĩngaata, ikia Thõõth baa ĩĩn lanyit ĩĩ eet nẽ hũrũmtĩ hĩ ngagĩĩt hõdẽĩ loota nĩnga. Hiita hĩcĩnĩt naag bulẽẽnĩt cĩnnĩ dĩdĩ, bulẽẽnĩt cĩ Ngeertĩ Nyekuc Maaꞌnyĩ ꞌcĩ odoyyii. Aꞌnyahaakeet nẽẽ ngagĩĩt loota nĩnga, bũnnai hĩ thõõth vẽlẽk ꞌcĩ ĩĩn dĩdĩ, ꞌcĩ aku hĩ Nyekuc.

Yõaannẽ 1:17

Baa aaꞌnyĩk Nyekuci eet nyattal cĩnnĩ, eetaa ꞌcĩ haĩ Mũũꞌtha, nẽ ikia bũnnai hĩ thõõth ꞌcĩ ĩĩn dĩdĩ hĩ Yeesu Krĩstõ.

Yõaannẽ 8:36

Má õõgauung ngagiit Ngeertĩ Eeto, iita aauttu niig lõꞌngõõc dĩdĩ.

ꞌRooma 11:6

Baa aaĩ thõõth ciee hoti, hĩnĩngĩtĩ tarbalꞌthẽẽt cĩ Nyekuci ꞌcĩ hõllõngaa ũũlũ eet umwaanĩ nẽ hõllõngaa, hĩnĩngĩtĩ dtiicanĩ ũgĩ ꞌcĩg abũnnaa ꞌcĩg adĩman nẽẽgĩ. Occa baa hõllõngaa adĩmanni noho, hiittiõõ tarbalꞌthẽẽt cĩ Nyekuci tõõ.

ꞌRooma 4:16

Nẽẽthĩ hoti ho, aku thõõth ꞌcĩ aduha Nyekuci, hĩnĩngĩtĩ lemiinit nẽ thõõth ꞌcĩ aduha nẽẽ ho, agayyi, hĩnĩngĩtĩ tarbalꞌthẽẽt cĩnnĩ cobbi. Hõllõngaa ĩĩn thõõth ꞌcĩ aduha Nyekuci ho, cĩ lõhõlĩ cĩg Abũrahamĩ dioo ꞌcĩg aꞌnyak nyattal. Ĩĩn cĩ lõhõlĩ cĩg lõhõlĩ cĩg Abũrahamĩ vẽlẽk, hĩnĩngĩtĩ aꞌnyak nẽẽg lemiinit hĩ baa nẽẽnĩ. Ĩĩn Abũrahamĩ baangeet cĩnaac vẽlẽk.

ꞌRooma 5:17

Aggam daahĩthĩ looc hĩ habuui, hĩnĩngĩtĩ ꞌthẽccan cĩ Aadamĩ. Nẽẽthĩ, aitiõõ thõõth ciee hõllõngaa ĩthakꞌthoothĩk thõõth ꞌcĩ adĩman Yeesu Krĩstõ. Baa tarbal Nyekuci hĩ ngagĩĩt gẽrrẽẽt nẽ elemeet ngagĩĩt, hĩnĩngĩtĩ Yeesu. Nẽẽthĩ hoti ho, harũgĩ hatĩ naag nẽ haggamit looc hĩ habuẽẽta.

ꞌRooma 5:18

Õõ hatĩ etteedothoothĩk eet vẽlẽk thooꞌthioha, hĩnĩngĩtĩ ꞌthẽccan cĩ Aadamĩ. Nẽẽthĩ, hĩnĩngĩtĩ ꞌgii ꞌcĩ abũnnaa ꞌcĩ adĩman Krĩstõ, elemeet Nyekuci ngagĩĩt nẽ aaꞌnyeet ꞌbaaninit cĩ rũgẽtõ.

ꞌRooma 6:12

Nẽẽthĩ hoti ho, ma haaꞌnyiku ꞌthẽccan haggam eleeti cugguung ꞌcĩg adaahĩ ho, hátĩ hiittiõõ hõllõngaa abũraneeku thooꞌthiok cĩgĩnnĩg ꞌcĩg abathĩ.

ꞌRooma 6:15

Aĩ occa ꞌthẽk thooꞌthioha cieeg vẽlẽk ne? Ĩcca occa ꞌthẽk hara ꞌthẽccan, hĩnĩngĩtĩ hõllõngaa aggammeet nyattalĩ, nẽẽthĩ hinnia, aggammeet bũnnai? Aitiõõ ũdũt!

ꞌRooma 8:12

ꞌGotoonoga hĩ ngoonoga, occa hõllõngaa harũgĩ naag, hátĩ hidticanit thooꞌthiok ꞌcĩg abũraneek eleeti cĩggaac.

ꞌRooma 8:2

hĩnĩngĩtĩ aaꞌnyuung hatĩ Lorii ꞌcĩ Ẽllẽẽmĩth ngagiit rũgẽt ꞌcĩ aku hĩ Yeesu Krĩstõ nẽ õõgauung ꞌthẽccaana hĩ daahĩtha.

ꞌGalaaꞌthia 3:23

Baa nga hedeeꞌnyia lemiiniti cieeni, baa hĩĩgĩn naag baabuuthnya cĩg nyattaalak, ꞌcĩg haattĩg baabuuthatõõ, ĩꞌthõng hikia hõõgaeet lemiiniti cĩ Yeesu Krĩstõ.

ꞌGalaaꞌthia 4:21

Ĩthĩktaangu dako niig nganĩĩt eeta ꞌcĩg adiimmu anuyyu nyattal cĩ Mũũꞌtha ho. ꞌYioko ꞌthẽk agayyu niig thõõth ꞌcĩ aduha nyattalĩ ho?

ꞌGalaaꞌthia 5:18

Nẽ má adticannu niig thooꞌthiok ꞌcĩg aduha Lorii ꞌcĩ Ẽllẽẽmĩthĩ, occa aitiõõ nyattalĩ hõllõngaa aggammuung ngagiita.

Tiito 2:14

Baa ẽlẽmana nẽẽ ẽlẽ cĩnnĩ hadaak hĩnĩngĩtĩ ngagĩĩta, hátĩ hõõgaeet ꞌthẽccanẽẽtĩ vẽlẽk nẽ aaꞌnyeet hĩĩtõ eet cĩgĩnnĩg ꞌcĩg ũtũũnyeet nẽẽ hĩĩtõ eet cĩgĩnnĩg, ꞌcĩg hadiim hadtican thooꞌthiok ꞌcĩg abũnnaa dĩdĩ.

Ebereei 8:10

Nẽẽthĩ, aduha Makayyioohit aĩ, lõhõt caannĩ ciee ꞌcĩ ĩĩn ngeju ꞌcĩ hatĩ hadaka naag hĩ eet ꞌcĩg Ĩꞌthĩraẽlĩ kõr tĩho. Haarihi hatĩ naa nyattal caannĩ ootinii cĩggĩĩng nẽ heteheedĩha ꞌthinneetinii cĩggĩĩng. Hĩĩnĩ hatĩ naa Nyekuc cĩnĩĩng, nẽ ĩĩtõ nẽẽg eet cĩgannĩg.